مرحبا يا أصدقاء
عزمت ان شاءالله ازور جنوب افريقيا لمدة أسبوع واحتاج خبرتكم لحصر جميع اهم الفعاليات التي تستحق التجربة
معي طفل عمرة اربع سنوات
افكر تكون وجهتنا مدينه وحدة (مثلا كل الايام كيب تاون ) ويومين في( السفاري )عشان لانرهقه احنا اهم شي عندنا في السفرة السفاري وشاطئ البطاريق

ابي اقتراحاتكم بالنسبة للفنادق افضل فندق فيه كيدز كلب وعندهم خدمة الناني والأنشطة المميزة
وكم احتاج ميزانيه من التذاكر والاكل الانشطه
وكيف التسوق هناك هل فيه شي يستحق عشان نخصص يوم للتسوق
وايش توصياتكم وش الأشياء المهمة اخذها معي
والمواصلات
واهم المطاعم
وهل في أماكن تسوي فعاليات رأس السنه مثل العاب ناريه
وافضل خطوط واسهل سير رحله لاهنتو
واي فكرة حلوة باخذها بعين الاعتبار لا تحرموني ياعشاق كيب تاون
انا خذت لفه عالمواضيع بس حسيت نفسي تايهه ماعرف وش الأفضل وايش الأقرب لكيب تاون

هلا ومرحبا

اختيار موفق لكيب تاون و راح تستمتعوا كثير بمشيئة الله

ارشح لكم هذا الفندق لانه متصل بالمول الاشهر مول فكتوريا وفيه كل المطاعم والنشاطات
وهو بحد ذاته تمشيه

https://www.booking.com/hotel/za/the...s=1&#hotelTmpl

بالنسبة للسفاري هذي اقرب وحدة لكيب تاون ساعتين بالسيارة
ممكن تستاجروا سيارة وممكن تحجزوا مع مكتب رحلات وهم كثير

https://www.aquilasafari.com/

التسوق لحاله ميزانية لان عندهم تخفيضات حلوة ويعتمد على اهتماماتكم
مثلا زارا لقيت عندهم 50% نص سعرنا وكذلك اشياء الرحلات جودة وسعر مناسب
عموما المول لاصق بالفندق وفيه كل الماركات وغالبيتها راح تكون اسعارها اقل من عندنا
واتوقع كل يوم راح يكون تسوق طالما كنتوا هناك هههههه


مايحتاج تاخذوا شي معاكم والمطاعم تكلمت عن كثير منها في يومياتي
اما الالعاب النارية جنب فندقكم على الواجهة البحرية


اما الخطوط تعتمد على مدينتكم لكن اشوف الاماراتية هي الافضل
دايركت على كيب تاون


الكثير يفضل القيادة على القاردن روت و زيارة عدة مدن هناك منها نايزنا و جورج
لكن بالنسبة لكم اقترح قضاء كل الايام بكيب تاون والسكن في فندق واحد
مع حجز رحلة السفاري ليوم واحد روحة و رجعة بنفس اليوم



شوفي توجيهات ام نوف الرائعة وكذلك شوفي يومياتي وتقرير دينا
واذا عندك استفسارات ما راح نقصر معك ان شاء الله

الله يجزاك خير الف شكر استفدت منك