السلام عليكم الاعضاء الكرام
ابيي نصيحتكم والدتي كبيره في السن من النوع الي تمشي خطوتين وتكمل الباجي على كرسي متحرك .. بخاطرها تشوف بلد الضباب لكن انا متردد انه اوديها لانه في لندن تحتاج الى الحركه وخصوصا في شارع اوكسفورد او حتى عند الذهاب الى بيكستر فيلج ..
نصحوني شرايكم هل اوديها من الدول القريبه او تشوفون لندن مناسبه حق كبيرة السن
ولكم جزيل الشكر

Sent from my SM-G935F using Tapatalk

ماعليها شر ان شاءالله
الكرسي المتحرك سهل بلندن
حتى الباصات لهم باب خاص وينزل لك السطحه علشان تركب الكرسي وله مكان خاص بالكرسي

اكسفورد شارع كبير ومافيه اي تعب لاصحاب الويل شير

حتى المحلات المتاحف المطاعم يهتمون باصحاب الكراسي ولهم تكرم حمامات خاصه واماكن مريحه لهم

خل الوالده تروح وتستمتع بالسفره بلندن
راح تستمتعووون فيها

لا تتردد روح وانت مطمن مية مية

انا امي كبيرة بالسن وما تقدر تمشي نفس حالة والدتك
ما تعبت ابدااا
وترى بعد حتى التاكسي له ممر خاص للكرسي
وله مجال بالسيارة بدون ما يكون عائق لباقي الركاب

وازيدك من الشعر بيت هناك الأولوية في كل مكان لاصحاب الكراسي المتحركة من المطار الى المطار
وبالمطار خبرهم ان معاك الوالدة وتستخدم كرسي متحرك
يوفرونه لك من باب الطيارة اذا كنت شاحن كرسي الوالدة مع العفش
ويدخلونكم كلكم عند كاونتر حجوزات خاص كلكم مع الوالدة وتخلصون قبل باقي الركاب اللي بيكونون بطابور ثاني

وحتى بالمغادرة يمرورنكم بطريق مختصر للبوابة بدل ما تمشون مسافة كبيرة

وخلال سفرتكم وتعبت الوالدة الله لا يقدر
اتصل على الإسعاف يجون بأسرع ما يمكن ولهم عناية خاصة بمستشفى حكومي مجانا
وما يطلعونها الا وهي باحسن حال

حصل هالشي مع ولدي كان ما يقدر يمشي
وكذلك مع والدتي بسفرتها مع اختي

لا تحاتي يهتمون بكل صغيرة وكبيرة باصحاب الكراسي المتحركة
بكل شبر بلندن
وحتى الفنادق لهم غرف بحمامات خاصة باصحاب الكراسي

ياعمري الله يحفظهاااااا يارب ويشفيهااااا ودوها خلوهااا تنبسط ف الهايد بارك و تمدد رجولهاااااا .. ان مع العسر يسراااا ... ربي بيسهلها ان شاء الله