السلام عليكم ..


أرجو مساعدتي في إختيار الفنادق المناسبة لشهر العسل من حيث (المكان و الهدوء و الإطلالة)


خط سير الرحلة:
1-الوصول لجوهانسبيرغ 6 يناير ( المبيت في فندق بقرب المطار إستعداد للمغادرة لكيب تاون صباح اليوم التالي)
2- كيب تاون من 7 - 11 يناير
3- يوم للسفاري من 11-12 يناير
4- جاردن روت من 12 -17 يناير
5- 17 يناير العودة (من مطار جورج) لجوهانسبيرغ .


المطلوب:
1- فنادق مناسبة لقضاء شهر العسل
2- إذا امكن توزيع المناشط على الايام من ناحية القرب .
3- هل ترشحون للتنقل حجز سيارة مع سائق أو إستئجار سيارة والقيادة بنفسي ؟؟



السفر قررب و للأسف تأخرت في الحجز بسبب كثرت الأشغال قبل الزواج

وعليكم السلام..
ألف مبروك والله يتمم لكم على خير.

ما شاء الله اختيار موفّق للوجهة وتوزيع ممتاز للأيام
اللهم بارك

بالنسبة للنشاطات بتحصل في موضوعي المثبت في البوابة
توزيع النشاطات على الأيام حسب قربها من بعض.

https://www.arabtrvl.com/vb/t22297.html

وأنا بعد حاطة في التقرير بعض الفنادق اللي جربناها،،
ممكن تشوف على موقع بوكينج نفس الفنادق أو تشوف فنادق قريبة منها
وضروري تقرأ آراء النزلاء في الفندق اللي بتختاره،،
علشان تاخذ فكرة عن مستوى الفندق وخدماته.
وطبعا لا تنسى الاستخارة دايما قبل أي قرار.

والأفضل تأجير سيارة والسواقة بنفسك لأنه أرخص وعلشان تكونون على راحتكم.

ممكن بعد تشوف تقريري اللي فيه معلومات تفصيلية عن كل الأماكن السياحية في كيب تاون وجاردن روت

https://www.arabtrvl.com/vb/t20122.html

رحلة موفقة بإذن الله

رحله موفقه باذن الله , الله ييسر لكم يارب

الف مبروك

موفقين

الله ييسر لكم اموركم يارب

ما شاء الله

الف مبرووك

بس الرحلة في يناير يعني قدامك 6 شهور ، الا اذا كنت غلطان وتقصد يوليو؟؟

ع العموم انا راح اقترح لك اسماء فنادق ولك الاختيار

بالنسبة لجوهانسبرج اذا كانت رحلتك مباشرة لجوهانسبرج بدون انتظار فأقترح عليك انك تحجز طيران داخلي لكيب تاون بدون ما تجلس فيها، اما اذا كان طيرانك ترانزيت فالافضل انك تجلس ليلة مثل ما انت مخطط

وبالنسبة للفندق انا سكنت في فندق قريب من المطار واسمه

Premier Hotel O.R. Tambo

قريب من المطار وفندق مرتب وجميل

كيب تاون فيه خيارات كثيرة

CAPE ROYAL LUXURY HOTEL & SPA
CAPE GRACE HOTEL
TABLE BAY HOTEL
PORTSWOOD HOTEL
VICTORIA & ALFRED HOTEL
HOTEL ONE & ONLY
THE CAPE TOWN RITZ HOTEL
WINCHESTER MANSIONS HOTEL
SANDPIPER HOUSE

هذي اسماء فنادق بس ما جربتها صراحة، لكن خلال فترة التجهيز للسفر هذي الاسماء كانت في قائمة الخيارات بامكانك تشوف الي يناسبك منهم

السفاري
plettenberg bay game reserve

اما الجاردن روت راح ارشح لك فندق في بليتنبرغ مع اطلالة خرافية

وهذا اسمه

The Plettenberg Hotel

عيبه ان بعيد شوي ومعزول بس اطلالاته على المحيط خرافية

والثاني

Pacon island

اطلالته على المحيط بعد بس مو مثل الفندق الاول


اما بالنسبة للقيادة فأنا اقترح عليك في ايام كيب تاون بامكانك تستخدم المواصلات العامة او اوبر وبس تخلص من كيب تاون تستاجر سيارة تقودها بنفسك وتستمع، وطبعاً بامكانك تاخذ السيارة من بداية الرحلة بس ضروري تحجز فندق فيه مواقف سيارات خاصة اذا اخذت السيارة من كيب تاون