ارجوكم ساعدوني بالسفر بر من الخبر لدبي

alreem · 04-01-2018, 04:00 AM

السلام عليكم و رحمة الله وبركاته

اتمنى منكم تساعدوني في بعض المعلومات بخصوص السفر بالسياره من الخبر الى دبي ناوين السفر ان شاء الله بالعطله يعني بعد عشرة ايام تقريبا لكن مش ويك اند يعني ممكن خلال ايام الاسبوع في الاجازه وابي معلومات كثيييره منكم واتمنى تتحملوني

اولا انا اول مره اسافر بالسياره لدبي اخوي السائق ومعنا امي فقط اولا انا متخوفه من الطريق لوحدنا يعني بس اخوي اللي معنا مافي احد ثاني يساعده لو تعب او لا سمح الله صار له شي فسؤالي الاول

1_ هل الطريق آمن ؟؟ واذا كان آمن هل هناك مناطق نمر عليها بتكون مش آمنه او فيها خطورة مااعرف اي نوع من الخطورة بس يكون تكون منقطعه عن الناس او شبه مهجورة .. اذا فيه ياليت تقولون لي وين موقعها او كم تبعد عن الخبر وايش اسم المنطقه

2_هل في مناطق راح تنقطع فيها المحطات والخدمات .. اذا فيه ياليت توضحونها لي اما بالاسماء مثل اسماء المحطات يعني مثلا بعد المحطه الفلانيه راح تنقطع المحطات لمده كذا مثلا

3_ سؤال مهم بالنسبه لي انا عرفت ان نطلع من الخبر للاحساء ومن الاحساء لسلوى ومن سلوى للبطحاء بس حسب معلومات في مواضيع قديمه ان هالطريقين سيئه ومافيها خدمات

هل فعلا الخط من الاحساء لسلوى ومن سلوى للبطحاء خطر ؟؟؟ هل هو مسار واحد رايح جاي او مسارين منفصلين وكيف جودة الطريق يعني الاسفلت سئ جيد

4_ الابل السائبه هل في خطورة منها خصوصا بالليل يعني بالذهاب ممكن نقطع هالمنطقه بالنهار ان شاء الله اللي هي من الاحساء الى سلوى ومن سلوى للبطحاء لكن بالعودة احتمال كبير نمر في هالمنطقه بالليل وهالشي مسبب لي رعب ان ممكن يكون الخط سيء او فيه ابل ياليت تشرحون لي وتتحملوني

5_ عرفت ان الطريق من منفذ الغويفات الى ابو ظبي طويل وممل نوع ما هل فيه محطات جيده وآمنه ممكن ننزل فيها ونرتاح او على الاقل نحصل خدمات جيده طبعا ماابي المحطات والخدمات اللي بعد ابو ظبي او من ابو ظبي الى دبي لا ابي اللي من منفذ الجوازات الى حدود ابو ظبي تقريبا يعني لما نكون بالبر هل الخدمات جيده ؟؟ هل تنقطع مسافات طويله يعني هل لازم نعبي بنزين من محطه معينه قبل لا تنقطع المحطات اذا كانت تنقطع وكم مسافات الانقطاع يعني ساعه ساعتين ؟؟

6 _ امي فيها السكر وتحتاج لدخول الحمام اعزكم الله بكثره وانا كذلك هل المحطات من الخبر الى حدود الامارات جيده ؟؟ سيئه ؟؟ آمنه ؟؟ خطره ؟؟

ارجوووووووووووووووووووجكم افيدوني هالرحله كان مقرر لها السفر بالطياره مثل كل مره لكن قدر الله وماشاء فعل تحولت الى سياره وانا كنت قلقه اساسا من ركوب الطائره والان صار عند هم من الطريق ان اخوي ينعس او ينام ويصير شي لاسمح الله او ان نتعطل او نحتاج نوقف بالطريق وما معنا الا رجال واحد وامي كبيره بالسن

واكبر خوفي ان تنقطع محطات البنزين مسافات طويله او انها تكون مهجورة وتخوف

اخيرا هل فيه ارقام ممكن نتصل عليهم في الطريق لا سمح الله لو صار شي يعني مااعرف ايش يسمونهم امن طرق او شي زي كذا

اتمنى الله عنده خبره كافيه وراح يرد علي يوضح لي كل نقطه يقدر عليها وراح ادعي لكم

فيصلمعجبون بهذا.

فيصل · 04-01-2018, 04:54 AM

وعليكم السلام ورحمة الله وبركاته

الطريق آمن وتوكلوا علي الله
أي شيء الأرقام معروفه لأمن الطرق 996
من الخبر الي دبي طلعت قبل كم سنه معنا الوالده ما فيه شيء لاحظته يدعوا للقلق
من الخبر الي البطحاء 4 ساعات بنزين يكفيكم

من البطحاء الي دبي 4 ساعات حسب قوقل ماب
الطريق فيه محطات اتذكر طريق واحد يمكن تغير

عشقي السفر · 04-01-2018, 08:13 AM

وعليكم ااسلام ورحمه الله وبركاتو
مثل ما تفضل مديرنا الفاضل الطريق جدا امان وحي اقصد بحي انه راح يكون زحمه لان وقت اجازه والاغلب رايح دبي يعني بان الله ما راح تنقطعون
وبالنسبه للابل الله الحافظ انا رحت مرتين بالبر ولا مره صادفت ابل على الشارع وتوجد منطقه بين الاحساء وسلوى يكون الشارع رايح جاي بنفس الوقت
واخوي رايح دبي بالبر من الدمام قبل ثلاث اساببع ووصله هذا التنبيه واكدلي عليه

[emoji837]تنبيه عاجل [emoji837]
للمسافرين الي دولة الامارات وعمان نحيطكم علما أنه تم اغلاق محطه غيوم الخليج ومحطه البوعينين اغلاق كامل
كذلك اغلاق محطة خشم الزينه اغلاق كامل
كذلك إغلاق محطة تماني اغلاق كامل
يرجى من الاخوة المسافرين تعبئة سياراتهم بالوقود من الاحساء محطات السيح ومن سلوى محطه ساسكو ومحطة القحطاني سابقا

فانتبهو لهذا التنبيه

وبالنسبه لمحطات محطات السعوديه لك عليها لكن انا اخذ معاي بخاخ ضيفي فيه ديتول مخفف او كلو وانظف الحمام مااحب ادخل من غير تعقيم
اما حمامات الامارات افضل بمرااااحل لكن نعم قليله اذكر ان اول ماتدخلين بتلقين محطه عند الحدود هي اللي لك عليها بعدين مسافه تقريبا 200 كيلو بعدين محطه ثانيه يعني خذو احتياطكم

بالنسبه لبر دبي (المسافه بين الحدود وابو ظبي) ممله نعم طويله نعم لكن حاولي تشغلين وقتك عن نفسي احنا مانسرع فناخذ الطريق من الاحساء الى دبي في ثمان ساعات ولكن نمشي الصباح على الساعه ست

ربي يخلي لكم الوالده

بالتوفيق

تم الإرسال من SM-G935F باستخدام Tapatalk

فيصلمعجبون بهذا.

alreem · 04-01-2018, 05:59 PM

اشكرك اخوي فيصل والله يجزاك خير على تعاونك

فيصلمعجبون بهذا.

alreem · 04-01-2018, 06:15 PM

اختي عشقي السفر اشكرك على ردك والمعلومات الحديثه اللي عطيتيني اياها بس بما انهم قفلوا كل هذي المحطات يعني حبيت اسألك حسب معلوماتك كم المسافه بين كل محطه ومحطه شغاله الان ؟؟

وبعد الجوازات بس محطه وحده في البدايه ؟؟ وبعدها بكيلو محطه ثانيه وخلاااص الى بداية دبي مافي شي ؟؟

واشكرك لدعواتك لأمي

فيصلمعجبون بهذا.

alreem · 04-01-2018, 09:58 PM

تسلمين اختي عشقي السفر على تعديل المعلومات صارت اوضح

فيصلمعجبون بهذا.

alreem · 05-01-2018, 04:32 PM

اتمنى اذا اي احد عنده معلومات اضافيه يفيدني ... و بخصوص الفندق اللي بعد الجوازات كيف وضعه كويس نظيف مو نظيف

فيصلمعجبون بهذا.

masg · 05-01-2018, 06:15 PM

اقتباس : المشاركة الأصلية كتبت بواسطة alreem

اتمنى اذا اي احد عنده معلومات اضافيه يفيدني ... و بخصوص الفندق اللي بعد الجوازات كيف وضعه كويس نظيف مو نظيف

عبو بنزين وانتو طالعين من الخبر وفي البطحاء ولا تسرعون واذا طلعتو في الليل انتبهو من البعارين من باب الاحتياط
السيارة لازم تكون جاهزة ومتأكدين ان الكفرات سليمة وضغط الهوا فيها تمام

هذي اجراءات معتادة يسويها الواحد في كل سفره غير كذا الخط مافيه اي مشاكل تذكر

Sent from my iPhone using Tapatalk

فيصلمعجبون بهذا.

alreem · 06-01-2018, 12:34 AM

مشكور اخوي masg انا والله مااعرف بكمية البنزين المستهلكه في المسافات بس يعني البنزين يكفي من الخبر للبطحاء بدون مانعبي باي محطه ؟

فيصلمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
ارجوكم ساعدوني	سُنبله	بوابة الامارات	15	21-11-2016 01:41 PM
ارجوكم ساعدوني استفسار بسيط ....	روح المدينه	تركيا	3	02-05-2016 01:01 PM
ارجوكم ساعدوني	رائدالراجحي	بوابة النمسا	10	14-12-2015 09:29 AM
انقذوني... التأشيرة..ارجوكم ساعدوني	صقر الأحساء	تركيا	5	07-12-2015 02:11 PM
ارجوكم ساعدوني بخصوص السنغافورية ضروري	Naifalq	فيزا دول اخرى	3	18-09-2015 08:31 PM