السلام عليكم ورحمة الله وبركاته
بغيت أتكلم اليوم عن موضوع شركة شحن موجوده في ميونخ اسمها pro service برو سيرفس. وهذي الشركة تشحن لدول الخليج اكثر شي وتخلص التاكس فري.
بس انا عقب ما جربتهم قلت لازم انصح الجميع ينتبهون من التعامل وياهم. للعلم هذي شركة قديمة في ميونخ لكن للاسف عقب ما كبر اسمهم بدأو يتبعون اُسلوب النصب وهذا الشي عرفته عقب ما تعاملت وياهم يعني تجربتي الخاصة معهم عرفت انهم نصابين وقريت عقب عنهم في جوجل وحصلت ناس وايد تتكلم عنهم 😣😣😣.

اللي صار وياي أني اتعامل ويا سايق في ميونخ وهذي ثاني مره اتعامل وياه وسألته اذا يعرف شركات شحن وسعرها معقول! عطاني كرت حق هذي الشركة برو سيرفس وقالت كلمهم وتعاملهم حلو وسيرفع الكل يمدحه. كلمتهم واتفقت وياهم وخبرتهم عندي تاكس فري طبعا لأني مسويين شوبينج العايلة. اول شي صار تعطلت يوم كامل لين شول الشنط تاخير فظيييع وبدون ما يتصلون او يخبرون شو السالفه وثانيا خبرتهم ابا تغلف حق الجنط وللاسف الشنط وصلتني شي منها مخترب وشي متوصخ وااايد وهذي غلطتهم لأني طلبت تغليف كامل لكل شي ولا فوق هذا محاسبيني على التغليف يعني كيف ما فهمت 🧐
المهم طبعا فواتير تاكس جان عندنا وايد ممكن 25 فاتوره وأغلبهم جلوبال وشي كم فاتوره بريمير . طبعا حنا حاسبين التوتال حق الفواتير كم بيكون وانصدمت عقب يوم حولي المبلغ تقريبا ناقص 440 يورو لأنهم طبعا مسويين حق نفسهم رولز ياخذون 13% فوق المبلغ اللي يأخذونه الجلوبال تخيلوووووو يعني نصب عيني عينك لأني انا سالت الجلوبال نفسهم قالو هذا الشي مو طبيعي . طبعا انا بعد محول لهم سعر الشحنة وكل شي يعني ما له داعي يقص علي وياخذ 13% . انا استغربت منهم انهم حتى ما جفت كيف سوو حساباتهم يعني عادة الجلوبال يعطون ورقه حساب مفصل كيف حسبو وكم فاتوره خذو من عندي !! حتى الشحنة قالو يومين ويستلم وتميزت اتريا اسبوعين تقريبا لين استلمت 😪😪😪😪
بس انا عرفت عقب انها مو بأول مره يسوونها وشي وايد ناس متكلمين عنهم وعن نصبهم والسيرفس مالهم حسبي الله عليهم ..
حبيت انقل لكم تجربتي الخاصه لانه ادري وايد ناس تسافر ويتوهقون في سالفه الوزن 😐 خاصه من ميونخ.

اشكركم والسموحه.طولت عليكم .. دمتم سالمين

الله يعين الواحد لازم يسأل عن افضل الشركات
وصدقني الفلوس اللي بالشحن لو موزعين اغراضكم بشنط صغيره تدخل داخل الطياره وبعد الباجي تدفعون عليهم فلوس ولا بهذلة الشركات
او تسالون عن كذا شركة والاحسن الشركات العالميه