السلام عليكم ورحمة الله وبركاته

لو سمحتوا اخوواني انا ناوي اسافر ان شاءالله الى المانيا والنمسا
تاريخ السفر راح يكون 17-4 بالميلادي والرجعهة 27-4
المسافرين:- انا وزوجتي وابني عمره سنه
اول شي اريد اعرف اي مطار انزل .. ميونخ ولا ..وارجعة بعد بتكون من ميونخ ولا مطار ثاني !
ثاني شي كيف راح يكون الجو خلال هالفتره ؟
وبغيت ترتيب جدول لي مده هالايام وين اروح ووين ازور" الاماكن السياحية"
وبعد بغيت اعرف احسن موقع عشان ااجر السياره


ومشكورين اخواني واخواتي مقدما

ممكن ميونخ سالزبورغ شتوتغارت او كونستانس
احسن تاجير من sixt

وعليكم السلام ورحمة الله وبركاته

عندكم ١١ يوم ١٠ ليالي
بما انه توقيتكم شهر ابريل والنشاطات مغلقة في زيلامسي ( النمسا )
ننصح بشطبها
او
بالأحرى تقدر تأخر سفرتكم الى ١٥ مايو
يكون الجو ادفى والنشاطات مفتوحة

والجو بتوقيتكم بارد نسبيا نهاية الشتاء وبدخول الربيع عندهم اتذكر كنت بنفس توقيتكم بس متقلب مرات
وملابس ثقيله تحتاجون

واذا ماتقدر تأجل السفرة
تفضل جدولين
الوصول فيينا والعودة ميونخ
فيينا ٤ ليالي
سالزبورغ ٣ ليالي
ميونخ ٣ ليالي

والجدول الثاني
الوصول فرانكفورت والعودة ميونخ
من مطار فرانكفورت
من المطار الى بادن بادن ٣ ليالي
ليلتين شتوتغارت او كونستانس
٣ ليالي سالزبورغ
ليلتين ميونخ

موضوع فيه جدول يومي لكل مدينة
https://www.arabtrvl.com/vb/t153.html