السلام عليكم ورحمه الله وبركاته

الحمدلله حجزنا التذاكر من البحرين الى لوس انجلس والرجوع نفس الخط على طيران الاماراتيه لرحله صيف 2018 لغرب امريكا واحتاج مساعدتكم :

السفر ان شاء الله بين 28 يونيو الى 21 يوليو
الوصول لوس انجلس نجلس فيها الى 3 يوليو (5 ليالي)
بالبر نروح سانديجو من 3 يوليو الى 6 يوليو (3 ليالي)
بالبر من سانديجو الى لاس فيغاس من 7 يوليو الى 11 يوليو (5 ليالي)
من لاس فيغاس بالطائره الى سان فرانسيسكو في 11 يوليو نجلس ونغادرها 17 يوليو (6 ليالي)
17 يوليو بالطائر الى لوس انجلس والعوده في تاريخ 21 يوليو .(3 ليالي)

احتاج مساعدتكم في مراجعه خط السير اذا مناسب او لا واذا تنصحون نغير المناطق او نقلل عدد التنقل لان الرحله لسته اشخاص انا وزوجي واربعه ولدين وبنتين كلهم في سنه المراهقه .

ياريت تنصحوني بمناطق السكن في لوس انجلس بدأت البحث وصراحه احترت اكثر . وبالنسبه للفنادق ياريت تنصحونا بقنادق حلوه واسعارها معقوله لان نحتاج 3 غرف او اذا في شقق حلوه .

وسامحوني عندي استفسارات كثيره ياريت تعطوني الاماكن السياحيه الي لازم اروحها طالما وصلت غرب امريكا لان واضح ان الغرب ماشاء الله مليان اشياء سياحيه و3 اسابيع مو فتره طويله علشان اغطيها بالكامل .

واشكركم جزيل الشكر مقدما .

ماشاء الله آخونا ابو معتز ما قصر كفا ووفا

الطريق اللي ذكره ارشحه وبقوه و تقدرو اخلو يوم وقوف فيه في اي مدينه في النص بين سان فران ولوس انجلوس. آقترح سانتا باربرا


رحله موفقه

جزاكم الله خير وماقصرتو اخواني

مع راي الجماعة لاس فيغاس كثير عليها
والله لو تلغونها افضل انا رحتها بالصيف الصبح توصل ٤٢
حلاتها بالشتا

كذلك ٦ على سان فرانسيسكو كثيره
ممكن تتوقفون عند كارمل بي او مونتري ليلتين للاستمتاع بالبغ سور

و باقي الايام الملغاة من لاس فيغاس و سان فرانسيسكو تضاف للوس انجلوس
انا قعدت ١٢ ليله ماغطيتها كلها

مشكوره يالغاليه والله ان رايج عجب بو العيال مو حاب روحه فيغاس كلش ...

يعطيج العافيه وان شاء الله نعدل الجدول على مقترحاتج ومقترحات الاخوه ماقصرتو

بالتوفيق

رحله موفقه

لا تنسينا بالتقرير

رحلة موفقة إن شاء الله وسعيدة

الشباب ماشاء الله كفو ووفوا ،، متعة السفر بالسيارة بأمريكا خصوصا في الصيف ما تتفوت ابد.
لاس فيغاس من وجهة نظري ليلتين كفاية عليها
لانه اغلب نشاطاتها ما تناسبنا بالإضافة الجو فيها بيكون حار
إضافة الى ذلك الزحمة.

ممكن تضيفون مدينة بورتلاند في ولاية أوريغون والسفر يكون بالسيارة

بالتووفيق