السلام عليكم ورحمه الله وبركاته

صباح الخير

حابه استفسر عن منطقه بيكوز ايش افضل قريه فيها وايش رايكم في القريه البولنديه ايش مميزاتها وهل الاكل هناك حلال ؟؟
في اي مكان يكون فيها العروض البولنديه واي وقت ؟؟؟


راح اقسم يوم واحد فقط بين يلوه وبورصه لذا ابي افضل الاماكن فيها

بورصه راح اروح جبل اولداغ هل في مكان ثاني غيره ؟
يلوه ايش اكثر مكان المميز فيها ؟؟

سبنجا راح يكون يوم كامل لها
ابي اكثر الاماكن مميزه وتشرح القلب


بالنسبه لجوله البسيفور Kisa Bogaz Turu راح تكون جولتي قريب الغروب تقريبا الساعه 5
هل هي لفه وحده بدون النزول ؟؟ وهل يقدمو عشاء على المركب ؟؟


حاليا هل يوجد كريم او اوبر اقدر استخدمه او مازال ممنوع ؟؟
في برنامج اسمه bitaksi ايش رايكم فيه ؟؟ وهل يخدم جميع اماكن اسطنبول ؟؟

اذا في اماكن جديده وغير معروفه ممكن تدلوني عليها ؟؟

شكرا لكم من الاعماق

بخصوص يالوا وبورصة شوفي هذا الرد من اخوي نواف

اقتباس :  المشاركة الأصلية كتبت بواسطة نـــواف اهلا بك هذه بعض الأماكن في يلوا شلال تشويقية كورنيش يلوا ساحل جيملك بين بورصة ويلوا وهذه بعض الأماكن في بورصة القرية العثمانية الشجرة المعمرة شلال سعيد ابات التلفريك الصعود لجبل اولوداغ قرية ميسكوي بالتوفيق

يارب يسعدكم وحقق امانيكم يارب
الف شكر لكم من القلب


هل هي لفه وحده بدون النزول ؟؟
الي اقصده ياخذ القارب دوره كامله على النهر بدون توقف نفس قوارب الي في جده لفه وترجع

جولات العشاء تكون الساعه كم ؟؟


ابي اكثر الاماكن مميزه وتشرح القلب
ناتوركوي ومعشوقية ؟؟ عباره عن ايش ؟؟

اذا في اماكن جديده وغير معروفه ممكن تدلوني عليها ؟؟
مثل شنو يعني مطاعم او اسواق
الكثير منها غير معروف في الجزء الاسيوي من اسطنبول

مثل منتزهات مميزه قرى مختلفه انشطه جديده غير جوله البسيفور

اهلا بك

بالنسبة لجولة البسفور نعم لفة بدون نزول تاخذك من مكان وتمشي بشكل هادي بحيث تكون قريبة للجزء الاوروبي بالذهاب وقريبة للآسيوي بالعودة ولكن نقطة الانطلاق والعودة وحدة

وفيه جولات بسفور ثانية اسمها اركب وانزل بنفس التذكرة موجودة بميناء كابتاش فكرتها تمشي السفينة بالبسفور وتوقف عند بعض الاماكن للي حاب ينزل وتكمل طريقها وترجع لنفس المكان بعد ساعة .. وتقدري تركبي وتنزلي بأي توقف للسفينة بدون دفع .. وسعر التذكرة تقريبا 15-20 ليرة

رحلات البسفور للعشاء موجودة بس حاولي تتاكدي إنها ملائمة لأن البعض يشتكي منها .. فيها بعض الفعاليات غير مناسبة

بقية الأماكن في اسطنبول تقدري تحصلي عليها وتعرفيها من قراءة التقارير

بالتوفيق

ربي يسعدكم

نسيت شي مهم كنت ناويه اجربه وهو
الحمام التركي فين الاقيه ؟؟ وايش الافضل ؟؟
وكم السعر ؟؟ وهل في خاص انا وزوجي فقط ؟؟

اهلا بك

الحمام التركي فيه بالفنادق وايضاً فيه أماكن مخصصة

ما قد جربته لكن شفت تغطية لأحد المقيمين هناك لحمام علي باشا وكان نظيف جداً المكان ومرتب وسعره 190 ليرة وأعتقد لازم تحجزوا قبلها

هذه احداثية المكان
(41.0261251,28.9806062)

بالتوفيق

مشكووور جدا