السلام عليكم مساكم الله بالخيير

انا سجلت هنا عشان اخذ رايكم ب اول رحله لي لاوروبا

والي بتكون ب اوقست لمده ١٤ يوم عائليه ل ٤ اشخاص بدون اطفال

م رسمت الخطه بالضبط لان الاماكن الحلوه كثيره لكن

خياراتي هي بعضا من ( هولندا - بلجيكا - سلوفينيا - سويسرا - المانيا )

ودي ب برثلووونه ولكن شفته بنطاق اخر ف كنسلته.

لان التنقل بيكون بالسياره ان شاء الله ..  ف افضل المسافه بين المناطق م تكون اكثر من ٤٠٠ كيلو

الغرض من الرحله الارياف والطراز الاوربي
.. غير مهتمين بالتسوق والمتاحف .. نبي قلاع وأماكن تاريخيه وشلالات الراين بس
وشغله اخرى ودي اجرب القطارات مدري تاخذن لايش بس ودي اعيش جو الافلام وانا اهوجس وحاطه راسي على الدريشه ههههه ولكن احسها قروشه وم تنفع للي معهم شناط وغثا

لذا ابي مشورتكم ب المسار من وين اخلي نقطه الوصول ؟

- وكم اعطي يوم لكل ديره ؟

- وايش ترشحون لي من الريف يكون مرتفع وحوله مزارات سياحيه ؟ وينجن ؟ جرينوالد؟

- وهل تأيدون الطيران الداخلي من سويسرا ل هولندا او بلجيكا؟

- وايش ابرز الاماكن السياحيه الي تنزار؟
نستثني حدايق الحيوان والالعاب والشلالات لاننا ختمنا شرق اسيا بهالاماكن


وشكرن مقدما لكل من يجاوب استفساراتي الثقيله
مستعجله ولا لي الا الله ثم انتم

نورت المنتدى

14يوم قليله ع الدول المذكوره كلها
ممكن تستبدلين

سلوفينيا بوصول الى
ايطاليا الشمال
الوصول لميلان

وتستلمون السياره
تجلسون 4ليالي بالشمال الايطالي
ومنها الى سويسرا ليلتين الراين
والتوجه الى الغابات السوداء المانيا 5ليالي
السكن حول ريست

ومنها الى هولندا 3ليالي

والعوده من امستردام

السياره افضل من القطار

المدة قصيره لزيارة كل هالدول
الوصول امستردام
4 ايام مابين هولندا وبلجيكا
طيران على زيورخ
4ايام انترلاكن
3 ايام زيورخ+شلالات الراين وقرية هايدي +ممكن اليورب بارك لو حبيتي وترجعي في نفس اليوم
اخر ايامك ميونخ وتخصصي يوم لقارمش
وعندك خيار ثاني ترجعون من جنيف ومنها زيارة الجنوب الفرنسي وتكنسلي ميونخ

لو بتكون العوده من جنيف
4 ايام هولندا+ بالجيكا
3 ايام زيورخ
4 ايام انتر لاكن
اخر ايامك جنيف والسكن في ديفون ارخص

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

وعليكم السلام

الوصول باريس والعودة زيورخ

باريس 3 ايام
ثم الى جنيف بالقطار لتحقيق احلامك 3 ايام والسكن في انسي الفرنسية واستلام السيارة
انترلاكن 3 ايام
زيورخ شلالات الراين 2 يوم
كولمار الفرنسية 2 يوم مدينة جميلة ومنها زيارة العاب يورب بارك
زيورخ 1 يوم للعودة