صباح الخير
انا قدمت عالفيزا من فتره واللي عمل لي الابليكيشين شخص دفعت له
رحت للمقابله الأربعاء الماضي
مع الاسف بعض الاجوبة في الابليكيشن ماتطابقت مع اجوبتي خلال المقابله
اللي صار اعطتني ورقة صفراء والجواز وقالت لي صححي بياناتك في الابليكيشين
وارسلي جوازك مع استمارة التأكيد ل ارامكس
سألتها كيف ليش ايش قالت لي كل شي مكتوب في الورقه
قلت طيب شكرا ومشيت
فتحت الابليكيشين وعدلت عالبيانات وصححتها ورفعته وطبعت ورقة التأكيد واخذت الجواز ورحت الخميس ارامكس وارسلته للسفاره
علما انا من مكه والسفاره وارامكس في جده
اليوم وصلتني رساله من ارامكس اني اجي استلم الجواز
ورحت على طول واستلمت الجواز

المصيبه كانت مافي تأشيره
ولا فيه اي اوراق اخرى او اي شي يبرر ليش ماخذت الفيزا
انصدمت لدرجة قعدت افتش في اوراق الجواز اكثر من 10 مرات


انا رايحه تورونتو - كندا بتاريخ 7 جولاي لدراسة اللغة شهر او شهرين ممكن
وفكرت اروح نيوريوك اسبوع بما انو قريبه من تورونتو

رايحه مع اخواتي ثنتين وحده منهم سبق وراحت امريكا السنه اللي فاتت
والثانيه عندها الفيزا من 4 سنين بس ماراحت امريكا
والوالد كمان عندو فيزا امريكيه وراح امريكا السنه اللي فاتت

وبياناتي في الابليكيشن كتبت اني مسافره مع اخواتي ثنتين
وافي المقابله سألتني اذا احد من اهلي عندو فيزا قلت ايوا واعطيتها صوره من فيزا الوالد


الآن انا ماني فاهمه ليش انرفضت التأشيره
واللي فهمتو انو لو مرفوضه بوقت المقابله تقولي
لكن خلوني ارسل الجواز واستلموه ورجعوه ليا بدون تأشيره !!
هذا اللي مافهمته


+ حاليا ماعندي الا تقريبا شهر قبل وقت السفر وبسوي التأشيره الكنديه لأنها تاخذ وقت
بس لو خلصت بدرى هل اقدر اقدم عالتأشيره الامريكيه مره ثانيه ؟
يعني في غضون اسبوع او اسبوعين او شهر ؟

كمان اقدر اقدم عالفيزا الامريكيه من كندا ولا ماينفع ؟

انا مسافره مع اخواتي فقط ابويا مو معانا عادي اقدر هناك اروح للسفاره واطلع فيزا امريكيه ؟
والطلبات بتكون نفس الطلبات اللي هنا ولا فيه اختلاف

يعني زي كشف حساب الوالد المسؤول عن مصاريفي باخذه هل فيه شي ثاني مهم لازم اخذه من هنا لو بقدم عالفيزا من كندا ؟

هلا صباح النور

خطأ بسيط كلفك الكثير
المفروض عبيت الابلكيشن بنفسك لأن البيانات يدققوا عليها و يسألوا عنها
وفي حال الاختلاف يتم الرفض

اللي سوته معاك هو اجراء روتيني لازم تطلبه منك
اعطتك فرصة لتعديل البيانات بس ما اقتنعت بالتعديل

مسألة انك تقدمين من كندا وانت رايحة تدرسين لغة شهر او شهرين غير ممكنة
راح يطلبوا منك التقديم من بلدك

التصرف الصحيح كان التقديم من البداية على تأشيرة كندا
والحصول عليها ثم التقديم على تأشيرة امريكا
و ارفاق كل ما من شأنه تقوية موقفك مثل
خطاب تكفل بالمصاريف من الوالد + صورة جوازه + تعريف بالراتب ان امكن
مع صوره من تأشيرته و تأشيرة اخواتك

الآن قدمي على تأشيرة كندا
وبعدين نشوف اذا كان عندك وقت كاف للتقديم مرة اخرى