السلام عليكم
بغيت مشورتكم ي خبراء السفر حيث ان رحلتي 15 يوم الوصول ميونخ والعوده جنيف
ووبيكون خط سيري ميونخ 2 - كابرون 4 - انسبروك - زيورخ 2 - انترلاكن 5 - جنيف 2
وعندي كم سوال
1- لزيارة قارمش هل اخصص لها يومين او ازورها من ميونخ وهل طريقي من كابرون ل انترلاكن يمر على قارمش .؟
2- وصولي ل ميونخ الصباح الباكر هل الافضل اجلس فيها يومين او احرك على طول على كابرون
3- انا اخترت خط السير على زيورخ عشان انام فيها ليلتين وازور روست اوربا بارك هل اختياري صحيح او في افضل .؟
4- اريد خط سير يكون ممتع وسهل من كابرون الى زيورخ
5- هل توزيع الايام موفق او هناك توزيع افضل.؟
وجزاكم الله خيرًا

وانا مثلك انتظر

وعليكم السلام
السموحة على التأخير

الوصول ميونخ والعودة جنيف
١٥ يوم ١٤ ليلة تقصد ؟
او
نفس جدولك ١٦ يوم ١٥ ليلة

والجدول
الإبتداء بميونخ ليلتين افضل من الذهاب مباشرة من المطار لكابرون
وممكن بالليلة الثانية زيارة غارميش او مالها داعي لأنه مافي مجال بالجدول لتضاف ليلتين
كابرون ٤ ليالي
زيورخ ليلتين ( ويوروبا بارك تبعد عنها حوالي ساعتين وعادي ممكن زيارتها ) وفي افضل اذا كانت يوروبا بارك هي الاساس السكن في ستراسبورغ الفرنسية او بادن بادن او روست وغيرها من الغابات السوداء بدل زيورخ
انترلاكن ٥ ليالي
جنيف ليلتين

رحلة موفقة بإذن الله

العفو


وعن الانتقال من كابرون الى انترلاكن
انت اخترت زيورخ وهذا ممتاز ودائما هذي او كونستانس الالمانية
خيارات المسافرين للتوسط والراحة بين كابرون وانترلاكن
وهذا موضوع فيه عنهم
رد رقم ٥ ( جدول المانيا النمسا سويسرا )
https://www.arabtrvl.com/vb/t153.html

وعن ستراسبوغ او بادن بادن
مو مهم السكن فيها دام ترغب في زيورخ
وتقدر تزور يوروبا بارك منها
والاخ صاحب الموضوع الي حطيته حاط نفس استفسارك
بس بالعكس لجدول ( المانيا والنمسا وفرنسا ) برد رقم ٤ انه السكن في بادن بادن وزيارة شلال راين في زيورخ منها
فأنت تقدر تزور يوروبا بارك من زيورخ

وعن رسوم استلام السيارة من دولة وتسليمها لدولة
ممكن حوالي ٢٠٠ دولار ومضطر لأنه العودة للوطن من جنيف

العفو
وحياك الله لأي استفسار

وعن الفيزا
الشينغن تطلع على الدولة الاكثر اقامة فتطلع من سويسرا نفس جدولك

انا طلعتها من النمسا ودخلت المانيا وعادي لأنه هذي شروطهم
وتقدر تتأكد اكثر بكتابة استفسار في بوابة فيزا الشينغن

ومطار اثينا لا مافي ختم
عني كنا بطيران التركي ونزلنا ونروح للبوابة الطيارة الجديدة وبس يشوفون تذكرتنا وندخل

واذا كانت مثلا انت بالطيران السعودي
ماتنزل من الطيارة ينزل الي يبي اثينا ويركب الي بغادرها

برنامج رائع