السلام عليكم



وقت الوصول 3 العصر والمغادرة 10 الصباح



بغيت جدول سياحي وبتنقل بالمترو والتاكسي



أقرب محطة لنا شرف دي جي



كيف اروح هالاماكن

اوتلت فليج

فيستفال مول

ميركاتو مول

ممشى مارينا و jpr وستي ووك

ياليت تحدد تاريخ للوصول وتاريخ المغادره
وعددكم وهل معكم اطفال

اقتباس :  المشاركة الأصلية كتبت بواسطة Mm208000477 السلام عليكم وقت الوصول 3 العصر والمغادرة 10 الصباح بغيت جدول سياحي وبتنقل بالمترو والتاكسي أقرب محطة لنا شرف دي جي كيف اروح هالاماكن اوتلت فليج فيستفال مول ميركاتو مول ممشى مارينا و jpr وستي ووك

الوصول 7 يوليو المغادرة 10


شخصين لايوجد اطفال

علي خير ياليت تخلي كل استفساراتك هنا وان شاء الله راح ارد عليك

تم الإرسال من SM-G935F باستخدام Tapatalk

بالنسبه الاولت ليت يقع في منطقه جبل علي نفس نفس منطقة دبي باركس

توصله بثلاث طرق

اول طريقه والاسرع هي تكسي او اوبر او كريم

الثانيه مترو الى اخر محطه وهي محطة جبل علي وبعدها تكسي الى الاوت ليت وماانصحك بهذي للطريقه لان ما اعتقد تلقى تكسي بسهوله بتلك المنطقه لان منطقه عمال


الثالثه وهي باص الاوت ليت المجاني وهو يمر على عدد من الفنادق في البرشاء والجي بي ار بخطين مختلفين والان زادة الخطوط حسب علمي وانا استخدمته بالرجعه لكن صراحه تعبت لان الجو حار وراسي داخ من اللف لفه


هذي صوره للخط اللي يمر قريب المحطه اللي انت ساكن عندها ويبدا اول باص الساعه 10 صباح

تم الإرسال من SM-G935F باستخدام Tapatalk

لي عوده بالجدول باذن الله

تم الإرسال من SM-G935F باستخدام Tapatalk

صباح الخير

اليوم الاول الوصول 7يوليو

الوصول الساعه ثلاث العصر تحتاج تقريبا ساعه بالمطار وساعه وشوي بالطريق للفندق

يعني على خمس ونص مستقر بالفندق ممكن ترتاح ساعه وتطلع المساء الى الجي بي ار ومرسى دبي والسهر هناك


المواصلات
المترو الى محطه دماك العقاريه وتمشي من المحطه خلال الممشى المكيف الى ان تصل الى الجهه الاخرو وتجد محطة ترام دبي مارينا وتركب الترام وتنزل في محطه ترام شاطئ الجميرا 2انتبه لاتجاه الترام اللي بتركبه ومن المحطات وبكذا بتكون ببداية الجي بي ار وتنمشى برجليك الى ان تصل للشاطئ وحولك المنطقه مليئه بكل شي ولما تبي تنتقل لمرسى دبي ترجع لمحطه ممكن تستعين بقوقل ماب او تسال ومنها الى محطه محطة ترام ابراج بحيرات الجميره وهنا وتكون قريب من المرسى

العوده تركب محطه ترام جميرا 1او ابراج بحيرات الجميره الاقرب لك والى محطه ترام دبي مارينا ومشي الى محطه المترز ثم الى محطتك

بالتوفيق


اليوم الثاني 8

ميركاتو مول هو مول صغير وهادي ما راح يحتاج الوقت الكثير ممكن تفطر فيه او تتغدى وبعدين الى دبي مول وقضاء باقي اليوم فيه الاكواريوم والنافوره ووجهه جميله للتسوق
وبالليل التوجه الى السيتي ووك

المواصلات
الميترو من محطتك الى محطه برج خليفه ودبي مول وبعدها تكسي الى ميركاتو مول ثم تكسي الى دبي مول ثم تكسي الى الى السيتي ووك كلهم منطقه وحده
ويخدمهم محطه برج خليفه

العوده اذا انت جلست بدبي مول مارحت السيتي ووك بيكون ب التوجه للمحطه عبر الممشى الخاص سبع دقايق مشي ممكن تاخذ تكسي للمحطه وبعدين من محطه برج خليفه الى محطتكم

واذا كنت بالسيتي ووك تكسي لمحطه برج خليفه والى محطتكم


اليوم الثالث 9

اوت ليت ذافيليج ثم العوده للفندق وممكن تاخذ لك غدا من مطعم ابن حميدو للماكولات البحريه عند محطه دي جي شرف اسعاره مناسبه والطعم جيد ثم الراحه ثم الى فيستفال سيتي

المواصلات
المواصلات للاوت ليت تم ذكرها
الفيستفال سيتي تركب للمترو وتنزل في محطه الراشديه وهي اخر محطه للمترو وتاخذ تكسي الى المول لان لايقع مباشره على المول ثم العوده نفس الشي تكسي الى محطه الراشديه ثم المترو الى محطتكم






اليوم الرابع 10
العوده للوطن



دائما عند استخدام المترو والترام تاكد من الوجهه بالجدزل والخط اللي يخدمك وتركب بالاتجاه الخطأ حتى مايضيع وقتك
ووللعلم بطاقة المترو تقدر تستخدمها بالترام والتكسي البحري فستفسر عند قطع التذاكر من محطه المترو عند اول مره في البطاقه الحمراء تقدر تستخدمها لعشر رحلات تعبيها كل مره وبعد الرحله العاشره ترميها اسال عن طريقه استخدامها هل تشحنها من البدايه او كل رحله تدفع بيومها واسال تقدر تستخدمها في الاربع ايام لاني ناسيه لي فتره عن المترو ودبي


ان اصبت فمن الله وان اخطأت فمن نفسي



رحله سعيده

تم الإرسال من SM-G935F باستخدام Tapatalk

الاخت عشقي السفر الله يعطيك الف عافية ماقصرتي