السلام عليكم

حنا عايله غريبه شوي مانسافر دايم بس اذا جينا نسافر نسافر سفره على اصول يعني عادي نقعد نخطط للسفره سنه كامله او 8 شهور عشان نطلع بسفره بطله


فــ السالفه كما يلي


سبق لنا زيارة اوروبا قبل

فرنسا وسويسرا تحديدا وماسافرنا لها الا وحنا حافظين كل شي ومخططين كل خطوه الحمدلله صح التخطيط كان صعب


وماقصرتوا معنا بعد بالتقارير والاماكن بيض الله وجيهكم بس كانت سفرة ولا في الاحلام اللهم لك الحمد


هالمره قررنا نعيد الكره لأوربا بس مع اضافة


المانيا والنمسا


للحين هذا اللي توصلنا له وطبعا نطمع في مساعدتكم



طبعا الوالد قال هالمره بناخذ الفيزه المانيه الي قبل كانت سويسريه شنغن



هذي اللي رسينا عليها بس ماعرفنا كيف نرتب الامور ونحتاج مساعدتكم

((غير مرتبه))


ميونخ المانيا

زيلامسي النمسا

غارميش المانيا

كونستانس المانيا

بادن بادن المانيا

جرينلاند سويسرا

شامونيه فرنسا

طبعا للمعلوميه


@ فرنسا نبغى ديزني لاند

@جرينلاند سكنا فيها اول مره وطلعنا منها لكذا منطقه (انترلاكن وماحولها)

@ندخل جنيف او لا؟؟

@ للحين ماحددنا عدد الايام بس الافضل تعلمونا كل مدينه كم يكفيها

@يكفينا اوتلت واحد بس يكون كبير ويجمع اغلب الماركات المره الاولى رحنا فوكس تاون لوغانو

@نقدر ندخل ايطاليا ميلانو بالخطه؟؟؟؟؟؟؟

@التنقل بيكون سياره لان اول مرا كانت مريحه ومانشيل هم حجز تذاكر او شيل عفش

@حنا بنكون 6 افراد كبار كلنا مافيه اطفال ابدا


@لكم حرية الاضافه والحذف اذا بيكون في صالحنا هالشي


@نفضل يكون السكن في منطقه وحده في كل دوله او منطقتين ونقدر نطلع منها لكذا منطقه



ياكثر أسئلتي


بس لان الخطه على راسي والخطه الاولى كانت روعه ف توهقت شوي صرت الدليل حقهم




فزعتكم

بما انكم سافرتم قبل إلى فرنسا وسويسرا
زيارة 4 دول :
فرنسا - سويسرا - ألمانيا - النمسا
راح تكون متعبة جداً
والمسافات بعيدة جداً ومعكم شيبان بما إنك ذكرت الوالد
وراح يزيد التعب كثرة التنقل بين المدن وقصر الليالي في كل دولة
اقترح إنكم تقتصرون السفرة على ألمانيا والنمسا
تأخذون راحتكم في زيارة الأماكن الجميلة في الدولتين


تم الإرسال من SM-G955F باستخدام Tapatalk

يعني مافيه امكانيه تتضبط ؟؟؟

لايسمعك الوالد تقول شيبان ان يكنسل السفره

رح نعطي السفره حقها من الايام باذن الله عشان كذا قاعدين نجهز من بدري عشان نشوف وش ممكن يطلع معنا

ننتظر اراء الباقين

هههههههههه [emoji23]
الله يحفظه لكم
حبيبي من ميونخ إلى باريس 850 كلم
من ميونخ إلى جنيف 600 كلم
من ميونخ إلى انترلاكن 450 كلم
هذا جهاد ماهو سفر [emoji23]

تم الإرسال من SM-G955F باستخدام Tapatalk

لا تنسين تحددين الذهاب والعودة من وين

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

شوف بالبداية ايهما ارخص
ان يكون الوصول ميونخ والمغادره باريس

او الوصول باريس والمغادره ميونخ

مخطط اذا اختيارك النمسا والمانيا وفرنسا
فالافضل الوصول فينا ومنها قطار الى سالزبورغ وتستلم السياره منها

3ايام فينا
يومين سالزبورغ
خمس زي لام سي
يومين كونستانس
اربع الغابات السوداء السكن في ستراسبورغ
اربع ايام باريس


او في مخطط ثاني لالمانيا وسويسرا وفرنسا

الوصول ميونخ استلام السياره مباشره الى قارمش

يومين قارمش
خمس ايام انترلاكن
اربع ايام الغابات السوداء
ثلاث ايام شتوتغات تسلم السياره وبالقطار الى باريس
اربع ايام باريس

بما ان باريس تقدر تستفيد من المواصلات العامه افضل من السياره بسبب الزحام وتوفر المواقف وحتى توفر باجار السياره فلما تسلم السياره بدوله غير الدوله اللي استاجرت منها فبيكون اكثر من لما تستلم بالمانيا وتسلم بالمانيا ولما يكون الاستلام والتسليم بميونخ بيكون اوفر اكثر


الجداول كثيره والخطط بعد كثيره واللي يحكمها المدن اللي ترغبون بزيارتها
تم الإرسال من SM-G935F باستخدام Tapatalk