السلام عليكم
احنا عائله مكونه من 6 كبار وطفلين ورايحين للندن بأذن الله في 8/17 لمدة 13 يوم
وكل شيء جهزناه من فندق وطيران وتذاكر للفعاليات .
لكن بقى مشكلة المواصلات :
- الاندرقراوند ما نعرف له وخايفين منه
- الباصات العاديه بنصير فيها كأننا طابور طالعين نازلين وفيها تغيير باصات واخاف نجيب العيد لكن ممكن نستخدمها للمشاوير القريبه
- فكرنا في استئجار سياره ميني باص طلعت ب 15 الف ريال من غير التأمين وزحمة لندن ومشكلة المواقف
- فكرنا في سائق خاص من المكاتب العربيه وطلبوا للمشوار الواحد البعيد 200 باوند يعني 1000 ريال وحنا عندنا في البرنامج تقريبا 7 مشاوير تعتبر بعيده .

ارجو المساعد وعطوني رأيكم ونصايحكم الله يجزاكم خير .
الرحله ما بقى عليها شي والمواصلات هذي شيبت برأسي ...

[QUOTE=ابو عبدالله;419555]وعليكم السلام
الله يخليكم وييسر سفرتكم ... عددكم عادي والامور بالباصات عاديه وكل واحد معه كرته اويستر يطقه بنفسه بالميترو او الباصات فلاتشيلون هم النقطه هذي ...
- اللي معه الاطفال في محطات الميترو يدخل مع الباب حق العربيات وذوي الاحتياجات وهم طبعا ببلاش .
- استخدام الميترو عادي جدا ومافيه شي يخوف بس لو وصلتوا متاخرين لاتحاولون تركبون الميترو لانه بيكون الباب يتسكر باي وقت بس من باب الاحتياط اول من يركب كبير واخر من يركب كبير والصغار بالوسط بينكم وطبعا الوجهة معروفة عشان لو زحمه وتسكر الباب يصير الوعد المحطه اللي ناوينها لان الجوال مايشتغل بمحطات كثيرة . ونا موب اخوفك بس للاحتياط . والا كل الناس تستعمله وامورهم ماشيه وانتم اموركم بتمشي واستعملوا خرائط قوقل وهي بتعلمكم وين تركبون ووين تنزلون ولو فيه تبديل محطات الخ ...
- السائق الخاص واوبر مرررره مكلفه بتكون واحس تصرفون مبالغه على وناستكم ولا تدفعونها مواصلات .
- مل مكان بتروحون له برا لندن روحوا بالقطار ومن المحطه للمكان خذوا الباص[/QUOT

هلا اخوي ابو عبدالله واشكرك على الرد السريع
كل ما قريت عن الاندرقراوند اخاف منه اكثر واخاف يضيعنا والمشكله في عددنا وكيف بنلاحقهم من محطه الى محطه وهذولي ترى عيالي وبناتي ماهم كبار مره واول مره يسافرون وبصراحه ودي ندفع زياده ولا نخرب عليهم رحلتهم , لكن هل المكاتب العربيه أمنه لو اخذت منهم سياره بسائق وافتك من وجع الراس .

هلا اخوي ابو عبدالله واشكرك على الرد السريع
كل ما قريت عن الاندرقراوند اخاف منه اكثر واخاف يضيعنا والمشكله في عددنا وكيف بنلاحقهم من محطه الى محطه وهذولي ترى عيالي وبناتي ماهم كبار مره واول مره يسافرون وبصراحه ودي ندفع زياده ولا نخرب عليهم رحلتهم , لكن هل المكاتب العربيه أمنه لو اخذت منهم سياره بسائق وافتك من وجع الراس .[/QUOTE]

-اقدر شعوركم والله لايوريكم مكروه ..
- الاندر قراوند غير وقت الزحمه مافييييه اي مشكلة وحتى وقت الزحمه- اللي هي بين سبع ونص الى تسع ونص الصباح وخمس وسبع المساء - يمكن استعماله بس الواحد ماراح يلقى مكان داخل العربة وبيصير واقف .. بس ممكن استعمال الباصات وهي توصل لكل مكان والباص مايتحرك ابدا وفيه احد واقف بيركب او احد بينزل .
- العرب (ومااقصد الجميع ) بس الجميع مانعرفهم وفي بلد مثل لندن فيه اشكال والوان من الهاربين والمعارضين واللي باعوا اوطانهم واللي مغسوله ادمغتهم ناحية بلدك وناحيتك لانك تحملين جنسيتها فالخيار الافضل هو انك ماتتعاملون معهم بموضوع التنقل (يمكن البعض يشوفني ابالغ بس انا اعيش هنا الان واعرف الجو العام كيف ) وخيار التكاسي واوبر يظل اكثر امن وااوفر منهم ( التكاسي واوبر مراقبه ومعروف من يركب ومين ينزل لانهم اذا طلبتوه بالتلفون تتسجل بيانات السواق والزبون عشان الامان يكون للاثنين حتى للسائق مااحد يتعرض له بسوء ). فيه نسبة كبيرة مره منهم كويسين وخدومين بس ( الطيب ماعلى وجهة علامة )

- جربوا زوروا محطة الاندر قراوند ومولازم تستعملونها ، كانكم بتروحون لمكان معين واوصلوا الين رصيف القطار وتشوفونه وهو يوصل وهو يغادر وبتقررون وقتها انكم تستعملونه او لا مع اني احس انكم بتستعملونه ودايم اللي يصير لهم مشاكل هم اللي يوصلون والميترو واقف ويحاولون يلحقون الميترو فما يقدرون يقدرون الوقت .. والا كل الموجودين قبل وصول القطار بيقدرون يركبون بسهولة وتبقى المشكلة وقت الزحمة انه مافيه مقاعد وبيظلون واقفين ...

- الكبار اللي معك كم عمر اكبر واحد فيهم ؟

حياك الله انا الان بلندن مع زوجي ومعي 4 اطفال اكبرهم 15 واصغرهم 8
بالنسبه لاوبر اسعارهم معقوله نوعا ما ارخص من التاكسي لكن لما تطلب اوبر يعطيك خيارات حجم السياره وتختار واكبر حجم xl الحجم هذا يجي نوعين واحد يشيل 6 فقط والاخر يشيل 7 احنا عدد 7. لما تطلب اوبر لازم تدفع بالفيزا على طول وشوي يجيك انت وحظك يايجيك الكبير وتركبون ياييجيك الصغير ويرفض وللاسف مره طلبنا وجا الفان الصغير ورفض ياخذنا يقول لازم 6 فقط قلنا طفل صغير بيجلس بحضني رفض قلنا نبي نسترجع الفلوس 150 ريال قال اضغط الغاء ضغطنا للاسف مارجعت يعني ماعندهم خيار 2x حتى اصحاب اوبر متضايقين من هالشي
الشي الثاني الباصات مريحه اذ مافيه زحمه اركب اول وحده وزوجي اخر واحد وتكون معه البطاقات كلها ويضغط هو والاطفال بعمر 11 وتحت مايحسبونهم يعني اللي مابلغو
البطاقات برضو شريناها من الرياض من مكان الفيز
المترو هو حلو وسريع ويوصلك للمكان بسرعه لكن الى الان مافهمنا خطوطهم صعبه شوي وعموما نفتح الخرائط بالنسبه للباصات ويعلمنا وين المحطه سهل جدا وكل كم دقيقه باص . الشي اللي لاحظته ماعندهم مثلنا بالرياض زحمه وبواري. رغم ضيق الشوارع لكن كلن له طريقه
حبيت انبهك على شي اذا يهمك الاسعار هنا جدا جدا غاليه بدون مبالغه وعددكم 8 الله يحفظكم. سعر المويه الصغيره 1 باوند وشوي يعني 6 او 7 ريال وغيره كثير. عانينا كثير من الاسعار في البدايه. لكن. حصلنا محل 1 باوند انصحك فيه جميل كل شي على 1 باوند 5 ريال. من المنطفات الى المأكولات حتى المويه عليها عروض 6 حبات باوند السنكز 6 حبات باوند والخ. انصحك فيه اول ماتوصل روحي وضفي منه لك ولعيالك وابعدي عن البقالات العاديه الا للضروره
انتبهي لصغار لانه مره زحمه وتعرفين يحبون يتلفتون كثير وهم ماشين معكم ويضيعون
اتمنى لكم سفره سعيده وجو زين

واذا حبيتي افيدك بشي انا الان موجوده بلندن.