السلام عليكم ورحمه الله وبركاته

اشكركم على المنتدى الرائع لكم مني جزيل الشككر





( موعد السفر 1 ابريل الى 6 ابريل 2019 المده 5 ليالي )


سؤالي عن التاشيره الالمانيه وصعوبتها .....

قريت عنها كثير انو يحتاج اوراق متلتله ونصها مو عندي اصلا


مثل التأمين الصحي و البطاقه البنكيه و الماسترد كارد هذي كلها ماعندي
( قبل السفر الي تحتاج مبلغ كبير احولها قبل ما اسافر فما يكون معاي الا مبلغ المطاعم والمحلات تكون كاش )) فما احتاج البطاقه البنكيه



سألنا مكتب حجوزات يحجزلنا الطيران والفنادق ويستخرجلنا التاشره بيقول انو التاشيره مايحتاج لها هذي الاشياء فقط نروح السفاره ونبصم

حتى مايحتاج نحجز فنادق قبل استخرج التاشيره
وانو ما نخاف واكيد راح ناخذ التاشيره خلال 10 ايام تقريبا



صراحه قلقت و ما دفعت شي وما كملنا مع الرجال وخرجت


وما عندنا اي تاشيره لاي دوله اوروبيه تكون تاشيرتها كذا

عندنا ل تركيا ووقت سفرنا راح يكمل لها سنه

وانا عندي لجورجيا استخرجتها قبل سنه يعني وقت السفر راح تكون لها سنه و 6 شهور


ودايم حجوزاتي تكون من مكاتب فما اعرف هل اتفق مع المكتب او كلامه خطاء


ايش رايكم هل كلامه صحيح ؟؟؟

هل احجز واتوكل على الله او ابطل ؟؟؟



اتمنى الرد ارجوكم

كلامه غير صحيح
التاشيرة لها متطلبات لازم توفرونها خاصة الايام هذي لانهم مشددين


بالطبع لازم يكون عندكم تامين سفر ومشروح هنا
https://www.arabtrvl.com/vb/t34362.html


مايحتاج بطاقات ممكن تقدموا كشف الحساب اللي ينزل عليه الراتب
ويكون فيه رصيد على الاقل 25 الف ريال


مع توفير حجوزات طيران و فنادق مؤكدة بالاضافة لبقية الطلبات
وكل دولة فوق مذكور طلباتها باول صفحة

ياربي الحمدلله ما اتوهقت وانو قريت عنها قبل ادفع

الف شكر لك ما قصرت