27-09-2018, 11:12 PM
|
#2 |
خبير بريطانيا
تاريخ التسجيل : Dec 2014 رقم العضوية : 178 المشاركات : 1,441
| أوسـمـة: ابو عبدالله |
كل الاوسمة:1 (more»)
| | 
 |
لدي تخوف من استاجر السياره في اوروبا لاسباب كثيره فاذا حصلت على هذه الايجابات يمكن اهدا قليلا واتوكل على الله
1- اريد افضل شركة تاجير واسعارها رخصية ...
الافضل تستاجر من الشركات الكبيرة مثل سيكست ويورب كار واللي مثلها .. وتبتعد عن شركات الوساكه مثل رينتال كار واللي مثله .. انت شيك مواقع الشركات لان احيانا يكون فيه عروض .. والسعر الارخص يكون داخل المدينة والاغلى من المطار بس اذا عزمت علمنا مكان الوصول واشوف معك وش تسوي ان شاء الله لان احيانا يكون فيه مدينة قريبه من المطار والسعر يفرق كثير .
2- هل يجب حجز السياره مسبقا ام من الممكن الذهاب الى الشركه او نفس الوقت نحصل على السياره وليس لدي شرط في اي سياره اهم شي تكون اوتومتك وسعرها رخيص
- الحجز المسبق تضمن به السعر يكون حسب ميزانيتك ونوع وحجم السيارة اللي تبي بس انك تحجز مباشرة من المكتب هنا السعر غالبا يكون هو الاعلى واحتمال كبير ماتلقى سيارة تناسبك
3- ايهما افضل حجز السياره من المطار ام في المدينه والغرض التنقل في الارياف
المدينة ارخص غالبا وانت وقت الحجز تحدد المكان وبتعرف السعر بس دايم المطار يكون اغلى
4- هل تتوافر فروع للشركات في الارياف مثلا زيلامسي او بادن بادن
- مطار بادن بادن فيه اكثر من شركة وانا رجع سيارتي لفرع سيكست فيه بس كنت ماخذها من مدينة كارلسروه القريبه من المطار لان ماكانت تتوفر في المطار وكان السعر ارخص بعد ..وماادري عن زيلامسي
5- لدي خوف بانني سوف اضيع الشركه المستاجره عندما اريد ارجاعها فكيف هي الطريقه واذا اخذت السياره من المطار هل هناك مواقف خاصه للشركه مثلا وهل ادفع رسوم المواقف
احفظ مكان المكتب في خرايط قوقل وخلاص وهم بيعطونك ارقامهم بعد في الفاتورة ولو من المطار هم بيعلمونك وين وكيف توصل لمكان ارجاع السيارة وفيه لوحات راح تدلك على المكان بعد وانت راجع ..
6- اريد كل الاشتراطات للحجز يعني هل ادفع تامين وماهو نوعه واية رسوم اخرى
لازم التأمين يكون شامل ويكون التحمل (صفر ) يعني اي شي يصير للسيارة ماراح يلحقك اي شي وانتبه تمشي بها متر بدون هذا التأمين .. لان يمكن تنصدم وهي واقفه عن الفندق او واقفه بأي مكان وانت ماتدري ثم تتورط بها وتدخل بمشاكل ومسائل ماليه انت بغنى عنها ... كنت ماخذ سيارة اودي نسيت السعر الان بالضبط بس التأمين الشامل كان بحدود 70 او 80 باوند .. وواحد من الاعضاء له تقرير ببوابة بريطانيا ذكر فيه ان سيارته بدون تأمين وتحمل كسر المرايه الجانبية لانها صدمت وماكان موجود ومايعرف مين صدمها .. فانتبه للنقطه هذي جدا جدا جدا ..وتأمين الشركات الوسيطة ماتقبله شركات التأجير فيحملونك المبلغ وانت عاد تبلش بالوسيط فلو اخذت من وسيط لاتاخذ تأمين منه ولما توصل للمكتب قل لهم انك تبغى تأمين شامل وراح يضيفونه ..
7- هل هناك تعليمات معينه للسياقة
8- على فرضا سكنت في زيلامسي هل استطيع ان اوقفها في اي مكان حتى لو بعيد ام ممنوع وقوف السيارات الا في الاماكن المخصصه يعني عندنا في الخليج اي مكان مفتوح من الممكن ركنها بدون رسوم او مشاكل فماذ عن اوروبا
الدول تختلف بس غالبا اللوحات تدلك او تسأل الناس هناك عن الوقوف مجاني او مدفوع . لعل احد يفيدك اكثر مني ..انا سقت في النمسا بس كل الاماكن للتوقف كانت مجانية ..
9- ماهي الميزه من الاستجار هل فقط حتى اقف في اي مكان اريد التصوير هل هذا السبب فقط ام هي التكلفه او امور اخرى
متعة الارياف ماتكمل بدون سيارة تقدر توقف باي مكان حبيته وتنظم وقتك وطلعاتك كويس .. وسائل المواصلات العامة في القرى انتظارها مزعج ومايغطي الاماكن المطلوبه غالبا .. كثير مناطق جميله ماتوصلها او تمرها الباصات او القطارات .
10- نظري ضعيف خاصة في الليل اكون اعمى وفي بلدي الكثير من الاوقات اضيع المكان فهل تنصحوني بعدم السياقه هناك
الصيف باوربا طويل ويوصل الى 19 ساعه تقريبا فاعتقد اذا مشكلتك بس بالليل فممكن تضبط جدولك ترجع بدري قبل المساء بساعتين مثلا .. والله يشفيك ويعافيك ...
11- على فرضا حجزت سياره عن طريق المكتب الذي في بلدي واخذ السياره من شركة معينه في فينا هل هناك طريقه معينه في جهاز القارمن يحفظ مكان الشركة حتى ارجع لها السياره بعد الانتهاء
- ايه وانت استعمل خرايط قوقل بالجوال واترك عنك القارمن .. خرايط قوقل تعطيك في كثير من الدول الان تحديثات للطريق من حيث الزحمه والطرق البديله وتقدر تحفظ عليها الاماكن اللي تبي وتشاركها مع غيرك ( مع زوجتك مثلا ) وتضبطون الاماكن اللي بتزورونها قبل الرحلة والقارمن التعامل معه مقارنة بالجوال احس صار صعب شوي وجوالك بيدك متعود عليه وعينك متعوده عليه بعد ...
12- هل هناك تعليمات معينه واخذ الحذر عند للاستجار
احرص تاخذ تأمين شامل نسبة التحمل عليك ( صفر ) ولا تاخذ سيارة تستعمل ادبلو
https://www.arabtrvl.com/vb/t32937.html
13- هل الفعاليات مفتوحه شهر ابريل في زيلامسي 0 الزحليقه الصيفيه في سالفيدين ، شلال الوادي الضيق والخوانق الخشبيه الضيقه ، ملاهي فاميلي لاند ،تلفريك قمة شميتين هويه ،ساحة الطيران وقمة كابرون وغيرها
14- اذا لم استاجر السياره وذهبت بالقطار من فينا الى زيلامسي مباشرة هل تنصحوني ان اذهب الى سالزبورغ قبل زيلامسي ؟
15- هل توجد مكاتب سياحية في فينا
| |
الله يمهل لك وييسر لك سفرك ويسعدك ... جاوبت ( بالاحمر ) اللي اعرف واعتقد انه الصح ... وان شاء الله الخبراء بيردون عليك .... |
|  |
3الاعجاب 
سؤال عن تاجير السيارات في النمسا والدول الاوربية عامة واساله اخرى 
العرض العادي
المواضيع المتشابهه 
