الضرايب والالكترونيات هدايا من اليابان

Diamond18 · 04-01-2019, 02:53 PM

السلام عليكم

عندي كم استفسار الله يعافيكم

١- الالكترونيات والبلاستيشن والاشرطة من اكيبهارا استخدام شخصي هل تتجمرك وهل تشتغل في السعودية ؟؟

٢- اشتريت اغراض وسئلتهم هل تاكس فري قالو لا ووريتهم الجواز رفضو يرجعون لي شي .. هل في المطار اوريهم الفواتير والاغراض ولا بس الفواتير؟ الاغراض كثيره صعبه اشيلها معي

مع العلم بعض المحلات وريتهم الجواز وشالو التاكس

٣- هل كل الأغراض اللي نشتريها حتى التموينات زي الشوكلاته والمشروبات تاكس فري؟؟

والف شكر لكم

Prince Kytuمعجبون بهذا.

Prince Kytu · 04-01-2019, 11:33 PM

وعليكم السلام أختـي

ج1: الإلكترونيات من اليابان تشتغل في الدول العربية ولكن بعضها يحتاج إلى محول وبعضها يكون بس باللغة اليابانية أما بالنسبة للجمارك بالكويت عادي وما عندي فكرة عن السعودية

ج2: مو كل المحلات عليها تاكس فري فلازم تتأكدون من المحل قبل الشراء وبعضهم يكون لما توصلون مبلغ معين
وبالمطار ما يحتاج تورونهم الأغراض والفواتير تكون مدبسة بالجواز

ج3: حسب المحلات وبعضهم من نفسهم يخصمون المبلغ بالفاتورة

Diamond18 · 05-01-2019, 09:11 AM

الفواتير المدبسه في الجواز ش فايدتها؟؟ اقدمها للمطار ويرجعون الفلوس ولا لا؟

بطاقة suica وين ارجعها في المطار؟

الله يسعدك ويوفقك

Prince Kytuمعجبون بهذا.

Prince Kytu · 05-01-2019, 09:30 AM

أختـي الفواتير المدبسة يعني رجعوا لك الضرائب بالمحل أو خصموها من القيمة نفسها وهي تكون فقط للتأكيد فالأفضل تخلينها ولما ترجعين الديرة تشيلينها عادي

في اليابان في طريقتين أما يخصمون الضرائب من الفاتورة أو يكون في مكتب للتاكس فري في المجمع بعد ما تخلصين التسوق تعطينهم الفواتير في المجمع نفسه ويرجعون لج الضرائب بنفس الوقت والمكان

بطاقة suica ما ترجعينها تكون لج أختـي لأنج دافعة قيمتها 500 ين وتقدرين تستخدمينها بأي سفرة

Diamond18 · 05-01-2019, 02:28 PM

قالو لي suica اقدر ارجعها واخذ الفلوس الباقي فبها .. وانها بس فعاله لمدة سنة فقط لاغير

Prince Kytuمعجبون بهذا.

Prince Kytu · 05-01-2019, 03:16 PM

إذا كان الكلام صحيح أختـي
تسليمها يكون بمحطة القطار
ولكن حسب علمي إن في بطاقات Suica قديمة وتستخدم
عموما التجربة خير برهان وإذا قدرتي ترجعينها بلغينا علشان نستفيد من تجربتج وبإنتظار تقاريركم أكيد

ملللوك · 06-01-2019, 09:06 AM

ماقصر مشرفنا برنس

بخصوص التموينات الصغيره مثل 7elven وغيرها التاكس غير مسترجع

لكن على سبيل المثال لو رحتو محل شوكولاته وشريتو اغراض مثلا بقيمه 10000 ين
اذا طالبتو بالتاكس فري , راح يقومون بتغليف جميع الأغراض الي شريتوها
لضمان انكم ماراح تستخدمونها او تعطوها لأحد ف اليابان وانها راح تطلع معكم في العوده
وهالشي صار معي

بخصوص بطاقه Suica تقدرين ترجعينها عند الموظف
وتسترجعين 500 ين ( تقريبا 15 ريال )
طبعا لازم ترجعينها عند محطه قطار يكون فيها خط JR
مو اي محطه مترو حسب تجربتي

Prince Kytuمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
اول ما تصل الى اليابان	saunihon	بوابة اليابان	6	28-12-2018 01:21 PM
هدايا اسواق الشمال التركي	Sahar 1990	بوابة تركيا	3	22-09-2018 06:28 PM
فقط في اليابان	hearty	بوابة اليابان	5	16-05-2016 12:32 PM