السلام عليكم ..

انا ان شاءالله مسافر الى اذربيجان تاريخ15-3 والرجعة بتكون 26-3
المسافرين اربع كبار وطفل
حاب اخذ رايكم في توزيع الايام والفنادق ..!!

اول ليلتين في باكو في فندق Premier Old Gates Hotel
وبعدين ثلاث ليالي في غابالا في منتجع قفقاز ريفيرسايد ريزورت
وبعدها نرجع باكو ليلة للحين ماقررت اي فندق
وبعدها ثلاث ليالي في شهداغ محتار فالفندق صراحه عندي خيارين
شهداغ سبا او بيك بالاس اوتوغراف كوليكشن ..! ايهم افضل
وبعدها ليلتين في باكو في فندق سافير سيتي وبعدها الرجوع للبلاد اماراتي الحبيبة


واريدكم بعد تساعدوني في ارقام سائقين يستقبلوني من المطار ويودونا من مدينة الى مدينة اهم شي يكونون ثقه وعلى الموعد.!؟

وشكراً جزيلاً لكم مقدماً

وعليكم السلام
اهلا اخوي
احس التنقلات كثيره وبالنسبه لشهداغ احس النشاط الموجود فيها نفس نشاط غابالا وثلاث ايام كثيره عليها من وجهه نظر شخصيه
انا متواجد في نفس فترتك واكتفيت بغابالا وباكو ممكن اروح زياره يوم لقوبا
بالنسبه للسائق اتواصل مع الشركه المعلنه في المنتدى عندهم عروض ذي الفتره وقارن الاسعار واذا تبغى رقم سائق انا للامانه ماجربته بس الشباب يثنو عليه
اذا تحتاجه تحت امرك
بالنسبه للفندق الي في باكو تقييمه في بوكينق كويس تقريبا قريب من شارع نظامي مع اني افضل يكون على الشارع
قفقاز ريفير سايد ممتاز وهوا الفندق الي حاجز فيه ان شاء الله
شوف فندق سافير سيتي تقريبا افضل من الفندق الي اخترته وموقعه مره مميز
موفق ياقمر

الفنادق المطله على الكورنيش خيار رائج لكثير من الناس في باكو ممكن تحجز اخر يومين فيها

مشكور اخوي على ردك وراييكك

ياليت ترسل لي رقم السايق ماعليك امر

بس انا متعمد اروح لها هالمده لانه مب شرط نطلع كل يووم لانه معاي الوالده اساسا ف نبغي فتره نقعد فقط فالمنتجع
وايام نطلع نتمشى ف عشان كذا انا رايح لعشر ايام ان شاءالله

من عيوني الان ارسله لك على الخاص

تسلم ماتقصر

مثل ما قال أبولجين


إستأجر سيارة أفضل

رائع و جميل