السلام عليكم ورحمة الله وبركاتة



بداية أشكر المنتدى الرائد في مجال السفر والسياحة وأخص بالشكر بألاخ أبو غسان (اخر فرصة ) على شروحاته وتفاعله واجاباته على استفسارتنا وتوفير جيوبنا من جشع المكاتب السياحية , ان شاء الله في ميزان حسناتك لك منا الدعاء .


ندخل الموضوع الفيزا



الفيزا لأحد الزملاء وابنه عبيتها لهم وحجزت لهم الموعد



الموعد 5 فبراير الساعة 1 ظهرا بالرياض

جاء عالموعد واعطاهم الأوراق اللي هي الجواز والابلكيشن وكشف حساب (ماطلبو منه بس عطاهم احتياط ) ولا قعد عندهم الا 20 دقيقة فقط



7 فبراير ايميل من السفارة انه وصل الطلب للسفارة

10 فبراير ايميل Dear Customer,


Your UK visa application has been issued


12 فبراير تم أستلام الجوازات مع التأشيرة





استغرق الوقت 5 ايام عمل فقط والخدمة عادية مب مستعجلة


الجدير بالذكر

1-راتبه 7000 ريال وتم قبوله وهي أول فيزا له لبريطانيا
2- كشف الحساب في حركة غير عادية مبالغ عالية بالنسبة لراتبه لأنه ماسك أموال اشخاص وتدخل في حسابه ولم اذكر بالابلكيشن ان عنده مصدر دخل اخر فقطط الراتب والحمدلله مشت (ما أنصح احد يسويها لازم الدقة مب كل مرة تسلم الجرة )

هلا يا غالي


نبارك لهم بالتاشيرة
وانت جزاك الله خير على مساعدتهم
وفرت عليهم كثير من المال والوقت


شعور طيب منك ان تطرح التجربة هنا
ونتمنى من الجميع طرح تجاربهم و ابداء ارائهم
عشان نفيد و نستفيد
كل تجربة فيها فائدة


الله يسعدك

كفو والله عليك يالمسافر الوحيد وجزاك الله خير عن خويك الي عبيت له الابلكيشن نعم هذا المفروض الواحد يعتمد على نفسه ليه المكاتب السياحيه الي تاخذ المبالغ هذي انت اولى فيها وثاني شي وش بيسوي المكتب اكثر من الي انت سويته نفس الشي حتى لو خليت المكتب يسويها لك هو الي بيسويه بالكثير انه يدخل معلوماتك الي انت تعطيها اياه يعني يسالك وانت تجاوب لذلك اختصر السالفه وسوها انت ووفر هالمبلغ




ابوغسان حكايه ثانيه هالادمي مانقدر نوفيه حقه والله يجزاه كل خير عننا وعن جميع المسافرين