السلام عليكم احنا 8 اشخاص كبار من 19 سنه ومافوق وواحد فقط 12سنه..
احتاج مشورتكم بسفرتنا في اوقيست ميزانيتنا بين الفنادق والطيران 50 الف لمدة 15 يوم وتم اختيار طيران الاماراتيه لان دايما احجزها بسفراتنا واسعارها مناسبه بس للان ماحجزت لين اتأكد من الأماكن
أولا.. ايش ترشحون لي مناطق باوروبا نسافر لها ؟؟
ثانياً.. حابين السفره تكون طبيعه واستجمام ولامانع من زيارة منطقه وحده تكون حيويه وفيها أسواق وناس صاحيه لاخر الليل(فأفكر الرحله تكون الوصول ميونخ يومين ونزور قارمش 4ايام وبعد كذا سويسرا تكون بين لويزرن وجريندلود وانترلاكن باقي الأيام "فكرت بجنيف بس بين مؤيد ومعارض" ونرجع لميونخ يومين وعلى الطياره)..

ثالثا.. نفكر بألمانيا بالوصول والعوده عشان أسعار السيارات انسب من سويسرا لان حابين نستأجر سياره ونتمشى ونتنقل براحتنا..
رابعاً.. فكرت بالنمسا بس كثير قالو اجوائها تكون مايله للحراره وباريس سبق لي زيارتها فأتمنى تعطوني رايكم بمخططي هل عليه إضافات او تعديل او تقترحون لي أماكن أخرى!!
خامساً.. حابين نعيش أجواء السكن بأكواخ بوسط الطبيعه فإذا المخطط مناسب اقترحولي سكن اكواخ بسويسرا أسعاره مناسبه ونظيف!!
سادسا.. هذي اول مره بزور فيها أوروبا باستثناء باريس وبرتب الرحله بمساعدتكم وبحجز بنفسي لان المكاتب السياحيه تأخذ أسعار مبالغ فيها يعني مثلا شيكت الطيران طلع علينا 18 الف وسألت مكتبين سياحيين مختلفين واحد قالي 25 الف والثاني قال 23 الف فقررت ارتب كل شي واحجزه بنفسي هل تشوفون الي فكرت فيه صح ولا لا علما فكرت احجز الفنادق من موقع Airbnb وبوكينغ

اعتذر عن الاطاله ولكن لايوجد لي مساعد الا انتو بعد الله وشكرا لكل شخص من القلب

اشوف انه تكتفون بدولتين

النمسا والمانيا

او

سويسرا والمانيا

لان النمسا وسويسرا طبيعتهم متقاربة والنمسا ارخص من سويسرا

مسار النمسا والمانيا

الوصول والمغادرة ميونخ

سالزبورغ

زيلامسي او كابرون

انسبورك او سيفيلد او قارمش كلهم جنب بعض تسكن بوحدة فيهم


ميونخ

مسار سويسرا والمانيا

الوصول والمغادرة جنيف وممكن العودة من فرانكفورت

جنيف

انترلاكن

رست

جنيف او فرانكفورت

- مثلا تسكني برست وتزوري مدينة الالعاب يورب بارك ومنطقة الغابات السوداء

- الميزانية ممكن تكفي اذا الطيران الدولي له مبلغ اخر

- كلفتني رحلتي 7 اشخاص تقريبا 70 الف شامل كل شيء

بالنسبة للجو اسكني بالمدن الكبيرة بفنادق مكيفة وبالارياف يكون الجو معتدل بالنهار مايل بعض الاحيان

للحرارة اذا شمس وبالليل يكون الجو حلو فيه برودة


- ااغلب الاكواخ لازم الحجز اسبوع يبدا من السبت الى السبت

عاشقة المطر كفت و وفت


لي تعليق على الميزانيه اذا هي شاملة السفره كلها من رأيي إنها ماتكفي لـ 8 أشخاص


خل في بالك يكون معك مبلغ إحتياطي ..


الله يوفقكم.

شوفي كذا شركة لايجار السيارات وقارني الاسعار

اذا ماتهمكم المسافات وتحبون السفر بالسيارة خذيها من ميونخ او فرانكفورت

اذا بتزوري الغابات السوداء اختاري فرانكفورت

وش مخططك للرحلة

بالتوفيق