عليكم السلام ورحمه الله وبركاته

ياهلا ومرحبا

بالنسبه للطيران السويسري
انا جربته الصيف الماضي داخل اوروبا فقط
وكانت الرحله من لندن الى جنيف
نطافه وراحه لكن ماقدر احكم عليها للرحلات الطويله
لان طيارتنا كانت صغيره وضيقه اشوي
والوجبه صغييره مجانيه
الشاي والقهوه بدفع مبلغ
لكن بالرحلات الطويله ماعندي علم بها

بالنسبه لشقق بودنوالد
هي مافيها خلل
السبب ان هذه الشقق ماتستقبل اطفال فقط للبالغين


الشقق الي اشرتي عليها في جريندلفايد
لم اجربها
والتققيم عليها فوق الممتاز والشقه ارضيه والاثاث بسيط

دخلت على قوقل
وتجولت حولها بين لي المنظر زين مش ممتاز
بس لان هذه القريه ميله بكل احوالها فا المقيمين محتمل شافو المنظر جميل وهو فعلا جميل من الشقه لكن جريندلفايد لها مناظر احلى من وجهه نظري

صورت الشقه والمنظر من قوقل ماب

منطر للمبنى



منظر من امام السكن



منظر من الجهه اليسرى



منطر للجهه اليمنى



للأمانه في شقق مناظرها احلى بكثير من وجهه نظري المتواضعه
الا اذا فقط هذا الموجود وبالسعر الي يناسبكم

بالنسبه حق لوزيرن
كثيره عليها 6 ايام
لكن ممكن تخصصون يوم حق شلالات الراين
ويوم حق الزحليقه مع قريه انجلبيرغ وقمه الثلج تتلس
وترجعون يوم ثاني حق التلفريك المكشوف كاربيو مع المصعد الزجاجي الاطول في اوروبا ياخذكم لقمه بورغنستوك

والباقي تقضونه داخل لوزيرن
او تاخذون لكم يومين في مونترو و 4 ايام في لوزيرن
لان 6 ايام كثيره عليها جدا جدا

بالنسبه لفنادق السكن في لوزيرن
فندق شفايزرهوف بالسنتر اذا تبغون الخدمات تسكنون فيه
فندق سيهوتيل ممتاز وهو خارج السنتر للهدوء والاسترخاء وعندهم غرف مطله على البحيره مع شرفه واسعارها مناسبه

التنقل بالقطار
سهل نوعا ما لان محتاجين التنقل والمشي للوصول لبعض المناطق
مشي قليل مو كثير
لكن يفضل لو تستأجرون سياره اريح و اوفر لكم

لكن اذا صعب جدا تأجير سياره
خذو لكم بطاقه سويس باس تخحزونها لعدد الايام الي تحتاجونها
وتعطيكم خلال الايام الي اخترتوها التنقل بالقطار في كل سويسرا مجانا + النشاطات كلها بنصف السعر خلال المده
والطفل مجانا

سعر البطاقه مثلا 4 ايام
وانتي مثلاعمرج اقل من 26 بسعر 219 يورو
واذا اكثر من 26 بسعر 256 يورو

و اذا تاخذينها لمده 8 ايام اصغر من 26 سنه 325 يورو
واكبر من 26 سنه 380 يورو

الايام المسموحه تختارونها فقط

3 - 4 - 8 - 18 بوم

بالتوفيق

رابط موقع سويس باس با الاسفل معلومات عنها والاسعار

https://www.swiss-pass.ch/swiss-pass/

هذا الرابط مباشره الى النوع المناسب لكم وهي الكامله
لاتختارون هاف باس ولا اي نوع اخر

يالنسبة للتنقلات الأفضل والاريح لكم تستاجرون سيارة خصوصا انه معكم طفل
والتنقلات بالقطار بتكون صعبه ومتعبه شخص بتكون معاه عربية الطفل والثاني يسحب الشنط من السكن الى محطة القطار ومن قطار لاخر ومن ثم من القطار الى السكن


بالنسبة لشهر أكتوبر فالاجواء بتكون بارده فيه خصوصا في جريندلوالد ومن وجهة نظري لو تسكنون في انترلاكن او بالقرب بحيرتي ثون وبرينز افضل


6 أيام كثيرة على لوزيرن وممكن تسكنون فيها 3 او 4 أيام والباقي تسكنون اما مونترو او لوغانو
طبعا على حسب رغبتكم وممكن تسكنون فيها


عند السكن في لوزيرن الأفضل تسكنون في السنتر اذا كنتوا بتتنقلون بالقطار والمواصلات العامة وفندق سي هوتيل يعتبر خارج لوزيرن وكل مابتروحون للوزيرن او أي أي مكان اخر لازم تركبون الباص الى لوزيرن


نصيحة اذا اعتمدتوا التنقلات بالقطار والمواصلات العامه يفضل السكن قرب محطة القطار

خلكم على لوقانو إذا مونترو بعيدة

مونترو ليست بعيدة وتبعد عن انترلاكن حوالي ساعه و ظ£ظ¥ دقيقة
وطريقها سريع ومافيه خطوره ومنها ممكن تزورون جنيف ولوزان وايفيان الفرنسية وانسي الفرنسية

ولوغانو تبعد عن انترلاكن حوالي ساعتين وظ¤ظ  دقيقة ومنها ممكن تزورون كومو الايطالية وميلان

الخيار يرجع لكم في الاختيار
ونصيحة اقرأوا التقارير الموجوده في البوابة وبتلقون فيهن معلومات كثيره عن سويسرا