السلام عليكم

عندي مجموعة من الرغبات لاسبوع عسل ( في شهر اغسطس من 24 اغسطس وبعده )
- بلد قريب ( ما احب الطيران لساعات كثيره )
- بلد عادي فيه المراة السعوديه غير مستغربه ابدا بلباسها
- مطاعم واكل جيد
- رحلات مباشرة
- بدون تعقيدات فيزا


بعد تفكير : توصلت الى وجهتين :

1- دبي
2- طرابزون

__ دبي تتميز بكل شيء باستثناء الجو ( حار ورطب جدا)

--- طربزون لا يوجد فيها فندق مميز الا راديسون بلو وسعره شوي مبالغ فيه ( ارتفاع بسيط ان شاء الله مش عائق) + ما اعرف كيف يكون الجو بالضبط المواقع مش واضحه بقد اللي جرب وعاش الواقع ؟؟

------------------------------

بشكل عام ايش تنصحوني دبي او طرابزون ؟

علما اني احب الطبيعه وبنفس الوقت احب الفخامه ؟؟


رايكم يهمني جدا


ولو فيه توصيات اماكن ازورها باحد الوجهتين علموني بليز

خيار آخر
اسطنبول صج جوها حار في هذا الوقت
بس اهون من دبي وممكن تصادفك ايام غيم ومطر
وفي الظل الجو جميل لكن الشمس متعبه
وفيها رفاهية مولات فخمة وفنادق عالمية
واذا تبي طبيعة جميلة تاخذ لك يوم في صبنجه ولا بورصة
واذا تبي جو وطبيعة اجمل تروح الى بولو ابانت
الطريق ساعتين الى ساعتين ونص
تقضي فيها يوم يومين وترجع اسطنبول

اكيد طرابزون وتركيا عموما ارخص والجو احلى بوايد
الف مبرووك وربي يتمم لكم بالخير

اضف صلالة الى خياراتك

مجرد رأي !


دمتم سعداء

طربزون اتوقع احلى