السلام عليكم و رحمة الله و بركاته

حياك الله أخوي أبو باسل
النمسا أو اوروبا بشكل عام بصراحة حلوة للتمشية بالنسبة للعائلات ,,, و لكن مثل ما تفضل أخوي الردادي
يتكون مكلفة بالنسبة للعائلات الكبيرة ما شاء الله تبارك الرحمن خصوصاً من ناحية السكن و المواصلات لأن النظام في الفنادق و الشقق السكنية جداً دقيق ..
و من ناحية عدد الركاب في السيارة فالنظام المروري صارم جداً و المخالفات مبالغها مكلفة
لأنه يفترض إذا كانت السيارة 9 ركاب .. لا تستغل لأكثر من هذا العدد و من ناحية الأطفال
لابد من توفير مقاعد لهم حسب العمر أتوقع حتى إلى عمر 10 سنوات ...

بالتوفيق

وعليكم السلام ورحمة الله وبركاته

اول شي الله يبارك لك في مالك ووقتك ويوفقك اللي فكرت في والديك واخوانك ويجزاك خير ويوسع صدوركم بالعافيه ويجمعكم على الخير دايم ..

مثل ماقالوا الاخوان اوربا غاليه ..
- موضوع الطيران والسكن انت بتعرفه بنفسك من مواقع الحجز وممكن نشوف معك .

- موضوع السيارة فبعض الشركات مثل سيكست عندهم فانات تكفي 15 راكب مثل هذا ( مدري عن نوع الرخصه المطلوب بالضبط في النمسا )



هنا مواصفاته
https://www.sixt.co.uk/van-branches/...enger-minibus/

- الاطفال اللي اطوالهم 130 سم وفوق ما يحتاجون مراتبه اضافية للجلوس ( اذا قررت اشوف لك النظام وشو بالضبط ) .
الرضيع لازم كرسي اطفال .
الاطفال اقل من 5 سنوات اتوقع تحتاج لهم كرسي اطفال بعد لان طولهم اقل من المطلوب اعتقد .

- يبقى اللي انت ماتقدر تحدده او تعرفه بسهولة موضوع المصروف اليومي وهو بيشكل ميزانيه كبيرة
بس تقريبا على سبيل المثال الوجبة الواحد في مطعم راح تكلف من 10 الى 15 يورو (وجبات ماكدونالدز ب 8 يورو تقريبا ) . وتجهيز الاكل في البيت يكلف تقريبا من 1-2 يورو للشخص .
لو بيصير الفطور بالبيت قبل الطلعه والعشاء بالبيت فمصروف الجزء هذا بينزل بشكل رهيب (70%).

- دخول الاماكن والتمشيات : فيه اماكن كثير الدخول لها مجاني او يكون الدخول للسيارة موب لعدد الافراد والاطفال الصغار متوفر كثير مره اماكن لعب مجانية لهم وفيه العاب تصلح للكبار معهم وبنفس الوقت المكان يصلح للتمشية والجلوس فيه ( الصغار يلعبون والكبار كاشتين ع النهر ) .

مثل ما قال اخوي الردادي كم الميزانيه .

السلام و عليكم و رحمة الله و بركاته ..

أخوي الفاضل أبو باسل ...

موضوع الميزانية في السفر و الله ما يتفق عليها أثنين مستحيل بيجي واحد و يقول لك ترا السفرة بتكلفك كذا .. لأن طريقة الصرف تختلف من شخص إلى أخر ...

فمثلاً لو أفترضنا أن السكن في زيلامسي أو كابرون في بيت 4 غرف نوم تكلفته اليومية
من 1200-1500 ريال " طبعاً هذي أرقام تقريبية للموسم" يعني 20 الف تكلفة السكن في مكان واحد و اللى هي 50% من الميزانية
نرجع لإيجار السيارة: السيارات الكبيرة (9ركاب)أيجارها باليوم تقريباً 500 - 800 ريال مع التأمين الشامل يعني المبلغ تقريباً 10 ألاف ريال تقريباً من غير قيمة البنزين 50% من الباقي من الميزانية (على فكرة ممكن تفكر في سيارة ديزل بس تراه نفس سعر البنزين بس ميزته أنه يمشيك أكثر )
يعني تبقى معاك 10 الأف ريال للأكل عاد صعب حسبة تكلفة الأكل

طبعاً مثل ما قلنا كل الأرقام تقريبية ممكن تزيد أو تنقص حسب العرض و المتوفر من السكن المناسب و عروض السيارات من الشركات

أعرف ممكن يجي أحد و يقول أننا نحطم الناس و نكسر المجاديف و .... و ... كلام كثير و لكن هذا واقع أوروبا بصراحة و ما نحنا هنا إلا ننقل معلومة أما عن تجربة عشناها أو خبرة سفر أكتسبناها من تجارب الأخرين ...


بالتوفيق لك أخي أبو باسل ..و أن شاء الله يزيد الأخوان على المعلومات و يعطونك أراء أخرى (أنا أعطيت معلومة من خلال بحثي هاليومين عن سكن و سيارة في أوروبا لأن سفري قريب)....

اتوقع اي مكان (نظيف ) بالنمسا بيكون خيار حلو جدا .. الاماكن المعروفه تتميز بكثرة المطاعم والمزارات السياحية وممكن كثرة العرب ( للي يبونهم ) بالاضافة لان السعر بيكون غالي لان الطلب كثير .

هذا المكان واللي بعده حلوين واماكن التمشية مره حلوه حلوه انهار وشلالات واطلالات
https://www.airbnb.co.uk/rooms/26057...2Fe8C81C%2FN9O

سعره اسبوعين في اغسطس 11 الف ريال تقريبا .. وقريب منه اماكن سياحية غير ان المكان نفسه حلو ( وكل جبال الالب حلوه ) يعني لو بتكتفي بالمكان هذا او تقسم السفره على مكانين بيكون حلو ...

هذا بعد الاسبوعين فيه بنفس المبلغ تقريبا

https://www.airbnb.co.uk/rooms/36823...tPgnMXx6Vqc8iq

- في موقع اير بي اند بي لازم تراسل صاحب البيت ( بعض المرات يكون مؤجر البيت وهو متاح على الموق ) او تشغل خيار الحجز المباشر ( هذا مايحتاج تراسل صاحب البيت ) بس تكون الخيارات اللي تطلع اقل .

الله يمهل لكم ويعينك .. دايم الاسعار تقريبيه واحتمال انه تزيد في الواقع وارد جدا مثل ماقال ابو معتز الناس تختلف في طريقة التصرف والصرف وايضا الهدف من السفر هل هو مجرد تغيير جو وروتين او لازم انشطة والعاب وتسوق ..
موفقين