السلام عليكم
كلنا شفنا موجة الحر في أوروبا هذا الصيف ويقولون ايضا فيه موجة حر جايه
وتلاحظون كثرت موجات الحر في أوروبا خلال الصيف في السنوات السابقة
حتى جبال الألب هذي السنة كانت حارة مع العلم أن الأماكن اللي سكناها كانت مرتفعه!
فلازم نغير التكتيك وهذا ما وصلت له ويمكن اكون خطأ لكن أنا اشوف التالي :
- تغير وقت السفر من الصيف الى بداية الخريف اذا كان ذلك ممكن
- ركز على السكن في الفنادق المكيفه وراسل الفندق قبل الحجز وتأكد ان الفندق مكيف بالكامل مو بس بعض الأجنحه أو الممرات وهذا مهم
- السكن في الجبال وليس في المدن ركز دايم على ارتفاع المكان اللي بتسكنه والأفصل من 1100 م وفوق
- حاول انك تبتعد عن الجنوب الاوربي وركز على الشمال الاوربي ( الدول الاسكندنافيه ) وشمال الوسط ( شمال ألمانيا وشمال هولندا) وشمال دول البلطيق
- اذا كنت بتسافر للوجهات الللي ذكرتها بالنقطة السابقة فاعتقد انه ما عندك مشكله بالسفر خلال الصيف
طبعا وش الفايده من السفر اذا كان الجو حار عندهم على شان كذا لازم نغيير محطات السفر نهائيا
بالنسبة لي ما تهمني سويسرا او النمسا او بفاريا اذا كان الجو حار عندهم
نجرب الشمال اللي للحينه بارد ونترك الوسط والجنوب مادامه حار
تحياتي ,,

اتفق معك بنسبة 90% في نقطه السكن في المرتفعات لاكثر من 1000 م وهذه خطتي في السكن منذ 5 سنوات
ولكها ليست مضمونه بالمطلق فالارتفاع لايعني جمال المنطقه وبرودتها بالمطلق ولي قصص قد اسردها لاحقا

بينما اذا توجهت للمنخفضات مثلا لشمال المانيا او جنوب ايطاليا او غرب سويسرا فاول خيار ابحث عنه هو الفنادق والشقق بتكييف ... اذا في مكيف اوك غير كذا يفتح الله

عموما خذها مني نصيحه لن تجد ابرد من هذه المنطقتين في اوربا من 15 يوليو وحتى 30 اغسطس
(ماعدا دول الاتحاد السوفيتي فلا يمكن ان افتيك وانا مارحت لها )

1 - جبال الالب وتحديدا المنطقه في هذه الصورة : اقل من 1000م لاتسكن





2- النرويج : غرب النرويج وتحديدا هذه المنطقه المعلم عليها اسكن وراح تدعي لي



غير كذا الحر فيك فيك

الصور المصغرة للصور المرفقة

   

للأسباب اللي ذكرتوها فأنا أشجّعكم على تجربة مكان جديد وقضاء اجازة الصيف في
جنوب افريقيا

الجو فيها بارد خلال شهور الصيف عندنا
لأن يكون عندهم فصل الشتاء
حتى في باقي شهور السنة يكون الجو حلو.

عن تجربة
لندن في الصيف اصبحت لا تطاق

الهايدبارك والله مصفر وتراب

والناس اخلاقها قافلة من صكة الشمس


واغلب الفنادق بلا تكييف

صادق ، العام بصيف 2019 متنا حرّ بالعاصمة البريطانية لندن

والمشكلة عدم الاستعداد للحر بالشقق المفروشة

على الرغم من تزويدنا بمكيفات متنقلة ولكن ... حــــــرّ

أتمنى السفر للدول الاسكندنافية مثل الـنرويـــــــــج .. اتوقعها بارده بالصيف