السلام عليكم ورحمة الله

كيف الحال جميعًا

ناويين على سفره باذن الله لاوروبا مع 3 اطفال
للان ما تحددت التواريخ بس ودي ارتب خط سير الرحله عشان نشوف وندور على طيران وتتحدد باقي الاشياء ..

بس للان مالقيت خط رحله مرتب ويناسب ، لان ابي زيلامسي وبنفس الوقت باريس ودزني
ف مدري وش ارتب خطه ممكن احطها وما تكون متعبه مع الاطفال !
ف احتاج مساعدتكم .
الايام تقريبا بتكون اسبوعيين او اقل بيوم لو يومين
فكرت الكويت باريس - باريس ميونخ - فيينا الكويت .
بس فيه ضريبة لتسليم السياره بدوله اخرى صح ؟
او اخليها الكويت باريس - باريس ميونخ - ميونخ الكويت .
وتكون باريس ودزني بعدها ميونخ والذهاب ل سالزبورغ كم يوم وبعدها زيلامسي وبعدها لميونخ يومين .
او اذا العودة فيينا فيه مكان نبيت فيه بالخط ؟

ما استغني عن مشورتكم اخواني اخواتي

وعليكم السلام ورحمة الله وبركاته

الحمدلله بخير الله يسلمج خبيرتنا

الوصول ميونخ والعودة باريس
ومن ميونخ الى باريس طيران
باريس ماتحتاج سيارة وانتي ماشاءالله خبيرة فيها
الاطفال يستانسون بالباص الاحمر واحنا نستفيد ينقلنا بعدد مفتوح لكل مكان صح ؟

تفضلي جدولين

الاول اذا كان طيران الى باريس
من مطار ميونخ واستلام السيارة
سالزبورغ 3 ليالي
زيلامسي 5 ليالي
ميونخ ليلتين
وتسليم السيارة عند الوصول لميونخ
باريس 4 ليالي
هذا كان نفس جدولي ورحلتي السابقة
واذا بالسيارة
هم الوصول ميونخ والعودة باريس
سالزبورغ 3 ليالي
زيلامسي 4 ليالي
ميونخ ليلتين
ستراسبورغ الفرنسية ليلتين ( لمنتصف الطريق لباريس )
باريس 3 ليالي واذا في زيادة 4 ليالي
وعادي تسليم السيارة من دولة لدولة مو تكلفة عالية
افضل من العودة بمسافة طويلة لتسليمها بنفس الدولة

وفيينا لا والله بعدد الليالي اسبوعين مافي مجال اضافتها

ورحلة موفقة بإذن الله

ما قصرت هدوء


حبيت أرخب بخبيرتنا الفرنسية romh
بعد انقطاع طويل


يا هلا و مرحبا
ما نستغني عن مشاركاتك

ما قصرت شكرا جزيلا