السلام عليكم ورحمة الله وبركاته


انا رحاله واسافر دايم واخذ معاي اصدقاء كثيرين لدراسة حياتهم الإجتماعية بالسفر لأنها تختلف تماماً عندما يسافرون معي ولكم هذه الفئات وانصحكم تمشون ورى كلامي وما راح تتحسفون


اصنافهم كالآتي:

1- الصديق الي يمشي معاك بالفتره هذه اذا كان هادي ويضحك ومحبوب هذه يستاهل تسافر معاه
2- الصديق الضغيط ويضحك الناس عليك هذا الشخص لا تاخذه لأنه راح يبيعك بالسفر ويخاف منك جداً
3- الصديق البخيل الي حتى ماي ما يطلب لك من البقالة هذا ممنوع منعاً باتاً تاخذه معاك للسفر
4- الصديق الي كل شوي يقولك وين القطية حقت المخيم او وين القطية وجريئ وما يستحي هذا تاخذه لأنه بيدير السفرة اذا كانت القطية عنده وبس خلك مركز على الفواتير لأن احياناً كثرة الفلوس تعمي النفوس بس خلك مركز معاه بالحساب وبتعيشون سفرة حلوه
5- الصديق الي نظام يخطط معاك بالسفرة ووين نروح ووين نجي هذا اخذه معاك لانه شخص منظم وفعلاً السفرة يبيلها تنظيم وتخليه مساعدك الأيمن لأنه بتصير احياناً ظروف تجبرك تغير الخطة فتكون منسق صح معاه
6- الصديق الي نظام محزن بالحقيقة ويشكي لك الحال بدون سبب وما فيه الا العافية هذا لا تاخذه معاك راح يشرب والعياذ بالله ويخرب عليك أم سفرتك هذا لا تاخذه معاك
7- مو كل عشير يعني عشير، في عشير مصلحة يبي يقزر عليك بحياتك الحالية وبالسفر، اختبر العشير سوي نفسك بموقف قوي وقوله تعالي تلقاه ساحب عليك يقول امي تعبانه و و و و هذا لا تسافر معاه ويفضل تقطع علاقتك معاه
8- الصديق الي يحب الاكل هذا لا تاخذه معاك لأنه بيكون كل شوي جوعان وانت مسافر مو رايح تاكل وترجع تبي تتفسح تبي تشوف مناظر حلوه وهذا راح يفكر فبطنه فيبي يخرب عليك السفرة
9- الصديق الي تشوفه صديقك المقرب ويدافع عنك بأي موضوع هذا اشتري اخوته وخله دايم معاك بالسفر لان اي ظرف بيكون سندك وما يخلي احد يطلعك غلطان هذا يستاهل حتى التذكرة تدفعها عنه
10- الصديق الأخير الي مقدر ظروفك المالية والمعنوية هذا رسمي تاخذه معاك لانه لما يحس ان القطية الي عندك خلصت بيدفع ويشيل عنك الحمل هذا الشخص يستاهل انك تسافر معاه




محبكم / الرحاله الكويتي بدروفج

الله يحييك يا بدر


السفر يكشف معادن الاصدقاء
البعض يتغير كلياً و آخرون يحتفظون بـ حبل الود
السفر وحيداً يحل كل هذي المشاكل

السفر مع الاصدقاء متعة لكن يكشف لك معدن الصديق واخلاقة وتعامله!
انا سفرت مع اشخاص كثيرين للامانة كل الي سفرت معهم يختلفون في طباعهم واخلاقهم فمنهم من يجعل السفرة معه من امتع الاوقات والعكس صحيح.
فا اختيار الصديق شي مهم، لا احبذ سفر القروبات لكثيرة الاختلافات

لم اجرب الى الان السفر لوحدي لكن ممكن اسويه يوما ما واجرب هذا الشعور

حياك اخوي بدر

و السفر اتعرف معدن صديقك

انا يعجبني اللي فيه صفات مشتركة معاي واختيار الصديق صعب صراحة

بس الحمدلله اغلب اللي معاي نفس الصفات تقريبا

ويفضل اني اسافر بروحي

حياك الله بدر

السفر يكشف لك معدن الصديق

الاول والاخير هم المطلوبين

يعتمد ع حسب البلد انا غالبا اسافر لحالي لكن السفر مع الأصدقاء له نكهة خاصة

الناس معادن
ولكل طباع تناسبه مع أناس المهم تعرف نفسك وتعرف صاحبك جيدا