حبيت اشارك تجربتي للفائدة و لشح التجارب وقت ماقدمت و كنت ابحث عن معلومات.

زي ماتعرفون الشركة اللي ماسكة التأشيرات البريطانية VFS Global اهم ماعليها الربح و يحاولون بأي طريقة يدخلون خدمات ال vip , priority بعينك و بشكل غير مباشر يفهمونك انك راح تخدم بشكل اسوأ اذا مادفعت اكثر! صراحة شغل مرتزقة!! و بعد البحث لقيت كذا مقال يناقش مصداقيتهم و اخلاقياتهم المهنية.

https://analytics.twitter.com/mob_id...ored_ads=false


https://www.independent.co.uk/news/u...-a9056446.html


المشكلة دول العالم الاول مقدمين لهم خدمات تتبع الفيزا مجانا و حنا اذا نبي نتتبع المكالمة بفلوس و ارسال ايميل للاستفسار بفلوس!! يعني ماعنقد الخليج من الدول اللي يطلع منها مهاجرين بشكل كبير عشان يكون علينا تشديد لهادرجة اغلب الناس يدرسون و يرجعون! لكن استغلالهم فج و اصلا اول ماتدخل موقعهم قبل الخدمات صافين باقات ال VIP

تجربتي:
4 جولاي تقديم اون لاين

24 جولاي كان موعدي في المركز للتبصيم

25 جولاي وصلني ايميل تأكيد وصول اوراقي للمركز في شيفلد

و بعدها صم بكم لا احد ارسل و لا كلم

14 اغسطس دفعت حق المكالمة الدولية و بلغوني انه تم اصدار القرار لكن ممنوع اعرفه و لازم انتظر اتصال المركز! قلتلها ليش مارسلتو ايميل بلغتوني بصدوره قالت مو لازم نرسل! قلت اعطيني اطار زمني متى يتصلون المركز قالت مافي اطار زمني فقط انتظري و راح يكلمونك!!!

18 اغسطس تواصلت مع حساب تويتر VFS Global و اعطوني ايميل للتواصل وردو علي

ب 20 اغسطس و نفس الردود الآلية (قرار الفيزا تم البت فيه و ممنوع نبلغك اون لاين و لا عالهاتف انتظري مكالمة من المركز لاستلام جوازك و الاوراق!!)

‏We cannot discuss the outcome of your application on-line or by telephone.

‏However the visa application centre will be in contact with you in regards to collection or delivery of your passport.


19 اغسطس دفعت حق الاستفسار بالايميل 6 جنيه استرليني و المفترض الاستفسارات اللاحقة تكون مجانًا! ردهم كان نفس رد ال VFS Global لكن تأكيد زيادة حبتين انهم راح يتواصلو معي بمجرد وصول المستندات للمركز! و ماردو على الايميلات اللاحقة!

‏We assure that you will be contacted by the Visa Application Centre when your documents are ready for collection, or have been dispatched via courier where this is relevant.


22 اغسطس قررت ارسل شخص يشيك على المركز ( على الرغم من انهم محذرين مرات عدة من الاتصال او القدوم للمركز من دون مايكون وصلك اتصال يبلغك بجاهزية طلبك) لكن غامرت و انحرجت من هالشخص لكن بحكم اني مو في جدة و موعد دراستي اقترب! و المفاجأة الساررررة جدا ان تعب هالشخص ماراح سدى و فعلا طلعت الفيزا طالعة و متسدحه عندهم بالمركز من اسبوع تقريبا!! والله فرحنا فرحة الحمدلله بعد ماغسلت يدي منهم و فكرت اغير بريطانيا كل ابوها!

الخلاصة: لا تأخذون كلامهم على محمل الجد! انا في البداية كنت مقتنعه انهم احانب و واو و اكيد النظام عندهم مية المية و متبعه تعليماتهم حرفيا بس طلعو حفنة نصابين يسترزقون من ظروف الناس و اللي اتجاوز 15 يوم يزعجهم بالمركز و يرسل لحسابهم في تويتر شكاوي على العام لانهم طلعو زي ربعنا اهم ماعليهم السمعة من برا

و بالتوفيق للجميع

سعداء بمشاركتنا تجربتك
فعلا المكتب الموحد يحاول يصطاد المتقدم بعدة طرق احتيالية أولها إدراج خدمات مدفوعة هو ما طلبها استغلالا لعدم معرفة البعض بطريقة حذفها واذا وصلت لهم يبدون بتخويفك بشتى الطرق في محاولة غير إنسانية لسلبك بعض دراهمك
الحل ليس في شكواهم فلن تجدي نفعا
لكن في تقييمهم على قوقل علنا وكذلك في تثقيف نفسك بالمستندات المطلوبة والتعامل معهم على أنهم شركة ربحية ينظرون لجيبك قبل أوراقك

الله يسعدك
1000 مبروك الفيزا