السلام عليكم

بداية حابة اشكر الجميع في مساعدتهم ليا في جعل رحلتي الى ماليزيا جميلة .
سوف أطرح بعض التفاصيل التي لم اجد لها جواب .

بخصوص تخزين العفض والحقائب داخل مطار كوالا سوف أرفق صورة أخذتها من المطار .

انا اتنقلت بين المدن بحجز طيران مخفض وقدرت اخزن العفش بسهولة ان كان في الفندق او عرفت في المطار.

ومن المهم التنقل داخل المدن تطبيق ماي كار وقراب مرررره رخيص ولا ترتبط بواحد تدفع له الدبل .

سير الرخلة كالتالي :

يومين سلانقور : وسكنا في فندق هوليداي فيلا سوبانج الفنقد يجنن المسبح والجلسة وقريب من مدينة الالعاب ولكن فطوره الاغلب صيني مع اننا كنا حريصين في الفطور ولكن اغلب الفنادق بهذه الطريقة .
سن واي لاقون - متحف السلطان شاه علم - مول مايز . اشترينا تذاكر سن واي لاقون من شركة المحيط جزاهم الله خير جدا ساعدونا مع العلم لم نكن من حاجزين عندهم .

ذهبنا الى بينانغ 3 ايام = فنقد كابثورن الفندق رائع اختيار موفق واحلى شي يطل على شاطئ ومن حسن الحظ محد كان ينزل فيله , وانا وعائلتي كنا فقط الموجودين استرخاء ومتعة للاطفال والفطور اغلبهم بيض وكرسون وهوت دوق وباقي الاكل صيني .
والمنتزهات السوق الصيني , شاطئ باتو والهضبة من امتع الاماكن في بينانغ .

ذهبنا الى لانكاوي يومين = عن طريق العبارة داينانغ باي ريزورت كان المنتج جدا جميل بإطلالة وترفيه للاطفال ويوجد فيله عرب كان مريح اخذنا غرفتين زي الجناح مصغر حلو . والفطور منوع .
النسر ورحلة المانغروف اشترينا البكج من سواق ب250 كانت 3 ساعات , التلفريك .
مطعم حضرموت لانكاوي لزيز .

ذهبنا الى كوالا يومين : وصلنا المساء في فندق ارتي ات جالان امبانج الفندق كانك في عالم ثاني تقدره تشوفوا الصور لان في كل دور شقة وحدة , في البداية خفنا عشان وصولنا ليل ولكن الغرف نظيفة الاثاث ايكيا مرتب مرة موقعه تلت ساعة من التوين تور , في مطعم بلقيس فطور وغدا يجنن 3 مرات ناكل مننه .
وذهبنا البيى البيت المقلوب و مول وكان يوم راحة .

بعد كدا رحنا الى جنتنق يوم ولكن جلسنا الى نهايه اليوم الثاني ممتعة جدا صح الالعاب مقفلة ولكن المول والالعاب داخلة تجنن لعبنا بولنج وكان في ليزر والعاب اطفال ( نصيحة لا تروح مديمة الثلج مرة صغيرة واتوقع لمدة ساعة ومافيها الا لعبتين لا يغرك كبرها !!!) المرة الماضية رحنا الي لفي سلانقور حلوة احلى منها بكثير .

سكنا في فندق جلوريا الفندق مرتفع وضباب والمكان حلو ولكن الكل داخله صينيين في جمبه واحد احلى ناسي اسمه المهم اول مارحنا بالسيارة اخد مني 250 رنقت والكل كان يقول روح بالسيارة ولكن اختيار سيء ولا يحوج ! بس كانه يقولو كدا لمصلحتهم في الرجعة رحت بالباص مافي نص ساعة وصلنا وبسرعة احسن من السيارة كعائلة ماكلفنا 50 رنقت ناسي بكم الشخص محا يكلف ابدا مع التلفريك .
المهم الحجز قبل يومين تروح وتحجز في المحطة وهذا الشي كنت غافل عنه ومحد خبرني هوا .

رجعنا كوالا يومين في فندق فورتكس كان جيد جدا المكان وسط البلد جهة المولات وحولينه المنارة بس هوا شقق ما افضل ثاني مرة اسكن في شقق لان النظافة متوسطة واقل .

رحنا البيت المقلوب ومصنع الشوكولاته وفي المنارة ولكن ما دخلناها والبافيليون وحديقته.

رحنا لكامرون 3 ايام بالباص حجزنا اونلاين وحلوة وفيها انترنت ومقاعد مريحة وسكنا في فندق كابثورن يجنن من الفنادق المرتبة النظيفة المريحة , حولينه كل الاماكن ما تحتاج شي
فيله عرب وريحنا وفطوره حلو , بجانبه مزرعة صغيرة تاكل الارانب والغنم بصراحة متعة , وفي حديقة الفراولة وفي سوق دا كله مشي تقدر تروحله والفراشات .

كامرون مافيها تطبيقات المواصلات فا ادا بتروح مرتفعات الشاهي خلي واحد ينتظرك .
وفي حديقة جمي محطة الباص حلوة جلسنا فيها على بال ننتظر الموعد .
والمطاعم بيتزاهت اكل من منطعم برجر قدام المحطة نفس المرة السابقةة وكان لزيز .

ورجعنا بالسلامة الى كوالا 5 ايام : ( للعلم التنقلات ماكنت اخذ فيها كل الشنط عشان تسهل علينا )
فندق كابري باي فريزر من افخم وافضل واريح الفنادق في كوالا صوره تتعلم عنه فيها كل انواع الترفيه
لو حروح ماليزيا مرة ثانية حسكن فيله وسعره مناسب جدا جدا .

الخدمة مميزة داخل الفطور حلو ومرتب ومنوع فيله العاب اطفال بولنج وهوكي ورياضة ومسابح حلوة
والحلو في جاكوزي في الدور الاخير زي الغرف مكشوفة تقدر تغطيها بالستارة حلوة لان وقتها مافي احد يطلع ولا درا عننا .

المكان مريح تجلس فيله استرخاء وجمال المنظر .
رحنا تايمز سكوير وبولنج لعبنا وفي كوالا خيارات كثير كل واحد والي يحبه .
ورجعنا السعودية الحمدلله .


في تنقلات داخل كوالا بالمترو ,
نصيحة من أخ قبل موعد اي رحلة ب3 ساعات روح لان ماتعرف ايش يحصل .
وان شاء الله الكل يستفيد ويمبسط ورحلة سعيدة للجميع

https://2.top4top.net/p_1349qsw6c1.jpg

https://3.top4top.net/p_1349n935k2.jpg

تقرير مختصر وجميل وفنادق اقتصاديه ممتازه من ناحيه النظافه..كيف تجربه العباره هل تنصح فيها

اذكر استفساراتك عن تخزين الشنط في المطار .. ممكن لانه مافي حد جربها ..

فنستفيد من تجربتك .. وتقريرك مختصر مفيد خصوصا عن بعض الفنادق ..

والتنويع مفيد في الاختيار ...



شكرا لك وحمد لله على السلامة

بخصوص العبارة كنا عائلة كبيرة فا اختيار مناسب من ناحية المبلغ
مهي سيئة برضو , بس ادا اتوفر ليا خيار الطائرة حروح بيها .

شكراا للمعلومات المفيده
يعطيك العافيه

يعطيك العافيه

سرد مميز وجهد نقدِّره لك ...

الحمد لله تيسرت أمورك ... من خلال قراءتي لموضوع أشوف الارتياح

واضح من خلال حروفك ...

تجربة العبارة دائماً ننصح بأنها تكون آخر الحلول ...

موفق يالغالي ...

جزاكم الله خير

جزاك الله خير ماقصرتي