السلام عليكم ورحمه الله وبركاته..
يسعد مسائكم يااخوان.. استفسار بسيط انا رحلتي للندن يوم الثلاثاء مساء باذن الله..وحاب اعرف وضع المبالغ.. هل اصرفها خارج المطار من بنك الراجحي للباوند او بالمطار وهل اسحب كامل المبلغ معي كامل او نصف المبلغ فقط .. والامر الثاني انا لدي فقط بطاقه الراجحي مدى ف اتوقع من المكلف ان اسحب من البنوك هناك البلغ ع دفعات.. حيث ان السكن متوفر لقريبي يدرس هناك.. والمبلغ بحدود 10 الاف ريال والمده 23 يوم..

ف رايكم يااخوان وين الاصح وانسب الحلول..!!!

عليكم السلام

انصحك تطلع بطاقة فيزا السفر من بنك الاستثمار او فيزا المسافر من بنك الانماء تطلع خلال 48 ساعة من الانترنت
بالنسبة المبلغ الأفضل تقسمة ربع كاش والباقي تستخدم الفيزا التي ذكرت لك

الافضل لك تطلع بطاقة السفر من الاستثمار او المسافر من الانماء
مثل ما قال أبو محمد

و استعملها في كل مشترواتك يعني لا تسحب أبداً
تقدر تطلعها في يوم واحد
الشراء بالبطاقة ما عليه رسوم
فقط تدفع رسوم الاشتراكات السنوية 75 او 100 ريال حسب البنك


الخيار الثاني تشتري ببطاقة مدى الراجحي مباشرة
يعني ما تسحب كاش ابدا وهذا امان لكن عليها رسوم اضافية
وانا افضلها عن اخذ كاش

الله يعطيكم العافيه
الراجحي كذالك عنده البطاقه فيزا اللي سنويا اشتراك ظ،ظ ظ  ريال .. لكن الغريب بالامر انهم قالوا لي ظ،ظ  ايام ع ماتوصلك البطاقه .. ومن ناحيه اليومين هذي ف اتوقع مايمدي ..
طيب يصير اخذ بطاقه اخوي فيزا الراجحي واحول عليها ااخليها حق مشتريات ..

تحملوني ��

للتوضيح 100 ريال
المده 10 ايام

مشكلة فيزا الراجحي او بطاقة الراجحي مدى سعر الصرف فيها غير جيد تخسرك كثير

بينما سعر صرف فيزا السفر ممتاز جدا اما فيزا بنك الانماء ما عندي علم عنها بس كثير من الخبراء يثنوا عليها

فيزا السفر من بنك الاستثمار تطلع سريع اول تفتح حساب من الانترنت وخلال ساعات يطلب منك توثيق حسابك من ابشر واذا وثقت الحساب راح يرسلوا لك رقم الايبان عندها توجهة للصرافه المجاورة لفرع البنك تحصل ماكينة مخصصه لستخراج البطاقات تطلع بطاقة الصراف من الماكينة بعده تودع 105ريال ثم طلع فيزا السفر في نفس الوقت كل الشغلة تاخذ منك ربع ساعة