بتعبكم معاي شوي اذا تكرمتوا مخطط الرحلة بشهر يناير

aalsada1976 · 29-09-2019, 09:28 AM

السلام عليكم و رحمة الله وبركاته

اخواني اعضا ءالمنتدى الكرام

حبيت اخذ برايكم و نصيحتكم و شوركم الى يعتمد عليه بعد الله سبحانه و تعالي

قدر الله على و قلت لعيالي ابسفركم مزحة و توهقت اقترحت عليهم تايلند و وافقو (زادت الوهقه ) و اشترطت عليهم الي يحصل على درجات ممتازة بيروح و من يومها محد فارق الكتاب ليل و نهار يعني ناوين ناوين ( وزادت الوهقة وهق ) و فوق هذا ان حتى امهم بدت تذاكر و تغيرت بعد يعني تبي تروح الغالية

انا اول مره اروح تايلند و فعلا هي من الدول الى انا حاطها على القائمة و عذرا للمقدمة الطويلة و استفساراتي كالتالي وبحكم ان معي زوجتي اطفالي الله يحفظهم و يحفظ كل غالي علي و عليكم فاحب اني ارتب اموري و اخطط لها من بدري لضمان عدم وجود اي خطاء يعكر صفو الرحلة
1- هل البلد فعلا ممتاز للعائلات و الاطفال
2- الية استخراج تأشيرة السفر
3- البطاقات تشتغل هناك ولا لازم وجود الكاش ( اقصد كامل مصروفات الرحلة غير التذاكر و السكن ) لانه مدفوع مسبقا
4- الية التنقلات هل فيه مكان احجز منه سيارات كبيرة للتوصيل ابي ابعد عن التكاسي خصوصا من و الي المطار لوجود الشنط
5- افضل اماكن السكن من ناحية الموقع و السعر ياليت شي يكون غرفتين و قريب البحر و شرط نضيف و ممتع
6- الفعاليات و اماكنها ابي اطفالي يستمتعون ( خروجنا من الصبح الى العصر )
7- افضل المدن للزيارة مدة الرحلة 10 ايام تقريا
8- افضل خطوط للحجز اللإقلاع من البحرين بيكون انشاء الله
9- المطاعم الجيدة اذا امكن
10-التسوق و ما ادراك ما التسوق
11- يمكن نسيت شي لا تقصرون بالرد
12- جزاكم الله عنا كل خير و اعذروني على الإطالة

ايه نسيت بعد شي المنتجعات الصحية العلاجية ( مساج طبي )

والف شكر للجميع

آخـــرفـــرصـــة و fanda معجبون بهذا.

آخـــرفـــرصـــة · 29-09-2019, 11:46 PM

اقتباس : المشاركة الأصلية كتبت بواسطة aalsada1976

1- هل البلد فعلا ممتاز للعائلات و الاطفال

نعم ممتاز اذا كان التوقيت مناسب

2- الية استخراج تأشيرة السفر

التأشيرة عند الوصول لمدة 15 يوم

3- البطاقات تشتغل هناك ولا لازم وجود الكاش ( اقصد كامل مصروفات الرحلة غير التذاكر و السكن ) لانه مدفوع مسبقا

نعم البطاقات تشتغل بس لابد تبلغ البنك بسفرك الى تايلند للتفعيل

4- الية التنقلات هل فيه مكان احجز منه سيارات كبيرة للتوصيل ابي ابعد عن التكاسي خصوصا من و الي المطار لوجود الشنط

من المطار فيه شركة تاكسي رسمية داخل المطار وهي أفضل وبالداخل تطيق grab

5- افضل اماكن السكن من ناحية الموقع و السعر ياليت شي يكون غرفتين و قريب البحر و شرط نضيف و ممتع

بالبداية لازم ترسم مخطط الرحلة و مدتها وتواريخها

6- الفعاليات و اماكنها ابي اطفالي يستمتعون ( خروجنا من الصبح الى العصر )

نفس الجواب فوق
7- افضل المدن للزيارة مدة الرحلة 10 ايام تقريا

بانكوك و بوكيت

8- افضل خطوط للحجز اللإقلاع من البحرين بيكون انشاء الله

من البحرين الخيارات كثيرة فقط استعمل قوقل للبخث واختار حسب ميزانيتك

9- المطاعم الجيدة اذا امكن

مطاعم الاسماك بشكل عام ممتازة وعندهم شوربة توم يم هذي لابد منها يومياً

10-التسوق و ما ادراك ما التسوق

شوف التقارير فيها اكثر من موضوع عن المولات وهي بسنتر بانكوك ما تضيع

11- يمكن نسيت شي لا تقصرون بالرد

ما قصرنا

12- جزاكم الله عنا كل خير و اعذروني على الإطالة
الله يحييك
ايه نسيت بعد شي المنتجعات الصحية العلاجية ( مساج طبي )
المساجات موجوده بكل مكان لكن أقرأ خدماتهم جيداً
والف شكر للجميع

هلا يا غالي

لابد أولاً من تحديد مخطط الرحلة وتواريخها
اذا 10 أيام المقترح 6 أيام بوكيت 4 أيام بانكوك

fanda و q8ya metnaqla معجبون بهذا.

ليمونه حزينه · 30-09-2019, 04:26 PM

اقتباس : المشاركة الأصلية كتبت بواسطة aalsada1976

السلام عليكم و رحمة الله وبركاته

اخواني اعضا ءالمنتدى الكرام

حبيت اخذ برايكم و نصيحتكم و شوركم الى يعتمد عليه بعد الله سبحانه و تعالي

قدر الله على و قلت لعيالي ابسفركم مزحة و توهقت اقترحت عليهم تايلند و وافقو (زادت الوهقه ) و اشترطت عليهم الي يحصل على درجات ممتازة بيروح و من يومها محد فارق الكتاب ليل و نهار يعني ناوين ناوين ( وزادت الوهقة وهق ) و فوق هذا ان حتى امهم بدت تذاكر و تغيرت بعد يعني تبي تروح الغالية

احلى مافي السفره امهم واهمهم

انا اول مره اروح تايلند و فعلا هي من الدول الى انا حاطها على القائمة و عذرا للمقدمة الطويلة و استفساراتي كالتالي وبحكم ان معي زوجتي اطفالي الله يحفظهم و يحفظ كل غالي علي و عليكم فاحب اني ارتب اموري و اخطط لها من بدري لضمان عدم وجود اي خطاء يعكر صفو الرحلة

1- هل البلد فعلا ممتاز للعائلات و الاطفال

# جدااااااااا

2- الية استخراج تأشيرة السفر

اذا كنت من المملكه من توصل المطار تسووون الفيزا ولاتنسون صور حقكم

3- البطاقات تشتغل هناك ولا لازم وجود الكاش ( اقصد كامل مصروفات الرحلة غير التذاكر و السكن ) لانه مدفوع مسبقا

كل البطاقات شغاله ويفضل قبل السفر اعطاء خبر للبنك انك مسافر تايلاند احتياطا ًو لابد من الكاش تحسبا لاي ظرف طاريء

4- الية التنقلات هل فيه مكان احجز منه سيارات كبيرة للتوصيل ابي ابعد عن التكاسي خصوصا من و الي المطار لوجود الشنط

من توصل المطار تاخذ باب الخوج وبوجهك مكائن تختار حجم السياره اسهل مافي تايلاند وسائل النقل

داخل المدينه افضل شي واونس شي للاطفال التوك توك وكذلك كبار السن اقصد الام والاب التوك توك له ميزه لاتنسى ع مر الزمن

باقي الجزر هناك تكاسي بكل احجام السيارات وكذلك توك توك وكذلك وانيت العام وهذا ماينفعكم

انا اشوف ماتحتاج سايق خاص والا سياره خاصه وخسااير فلوس ع الفاضي الذهاب والعوده للجزر الحجز من قبلها بيوم وحتى لونفس اليوم من وقت بدري

5- افضل اماكن السكن من ناحية الموقع و السعر ياليت شي يكون غرفتين و قريب البحر و شرط نضيف و ممتع

بانكوك ابتعد عن سوي العرب واخذ نظام فندق غرفتين متصلين مع بعض او سويت

بوكيت يا كثر الفنادق الي مقابل الشاطيء

6- الفعاليات و اماكنها ابي اطفالي يستمتعون ( خروجنا من الصبح الى العصر )

الفعاليات خلك قريب من باتونق عشان الاعيال كل شي حولهم

7- افضل المدن للزيارة مدة الرحلة 10 ايام تقريا

٦ ليالي بوكيت الباقي بانكوك منهم يومين حق رحله دريم ورلد ويوم سفاري ورلد

8- افضل خطوط للحجز اللإقلاع من البحرين بيكون انشاء الله

احجز ع الخليج بما انه القطريه ممنوعه عندكم
الاماراتيه بعد تهبل العمانيه تهبل

9- المطاعم الجيدة اذا امكن

المطاعم في بوكيتفي اجنبي محلي عربي

بس العربي دايم غالي لقلة المطاعم هناك ولانها جزيره ف غاليه بس هم في غيرهم البحري لذيذ وبيتزا كمبني
انا بالنسبه لي معتمده مطعم من سنين فيه لانه اعرف نظافته وجودته ومااشوفه غالي وايد بما انه بوكيت جزيره

10-التسوق و ما ادراك ما التسوق

التسوق في بانكوك والله يعينكم ع الفراره والشيل والحط والوزن الزايد

11- يمكن نسيت شي لا تقصرون بالرد

12- جزاكم الله عنا كل خير و اعذروني على الإطالة

ايه نسيت بعد شي المنتجعات الصحية العلاجية ( مساج طبي )

والف شكر للجميع

اتمنى متابعة تقاريري وبتستفيد

شهر يناير شهر مناسب وهاي سيزون يعتبر تحديدا في بوكيت وباقي تايلاند عندهم ون سيزون بالسنه

اي الزحمه بتكون اجنبيه في بوكيت وهذا لايمنع الخليجي انه يروح ويستانس بس المهم انه تعرفون الاسعار بعض الشيء ترتفع بالعاي سيزون وهذي فرصتهم لكسب المال وتعويض خسارتهم الفادحه بعد ارتفاع البات وقلة توافد السياح بموسم الصيف ولانعلم عن موسم العاي سيزون كيف سيكون نذهب ونحكم باذن الله ونعطيكم الاخبار عنها

المهم

fanda, آخـــرفـــرصـــة و q8ya metnaqla معجبون بهذا.

fanda · 02-10-2019, 07:48 PM

وعليكم السلام

تايلاند خيار ممتاز
اذا مسافر من البحرين احجز طيران الخليج
طياراتهم الجديد دريم لاينر ممتازه جدا

كم اعمار أطفالك عشان نشوف الي يناسب من سكن و برامج

آخـــرفـــرصـــةمعجبون بهذا.

محب السياحه · 02-10-2019, 08:21 PM

ما فكرت تروح شنجماي؟؟

آخـــرفـــرصـــةمعجبون بهذا.

aalsada1976 · 03-10-2019, 09:49 AM

الف الف الف شكر لمكل من تفاعل و شارك
اعمار الاطفال ما بين 16 سنة الي 5 سنوات
الله يحفظهم و يحفظ عيالكم

united1100 · 03-10-2019, 12:51 PM

رحلة موفقه رحلتي ان شاء الله تاريخ 26/10/2019 الي 07/11/2019 بتكون عن طريق مطار الكويت اول يوم بانكوك وثاني يوم الرحله الي بوكيت. الفنادق احترت وين نسكن في بانكوك او بوكيت .

aalsada1976 · 10-10-2019, 08:57 AM

رحلة موفقة و نورينا عن الفنادق الزينه انا يمكن تكون رحلتي قلبكم

مشاهدة نتائج الإستطلاع: هل ناسبك الموضوع و سيستفيد منه المقبلين على السفر
نعم	8	88.89%
لا	1	11.11%
المصوتون: 9. أنت لم تصوت في هذا الإستطلاع

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
السفر الى اسبانيا بشهر يناير لشهر العسل	abdullahs1989	بوابة اسبانيا	7	15-09-2019 05:04 PM
السفر بشهر يناير	Abu Yazan	البوابة السياحية	2	04-08-2019 03:39 PM
رحلتي شهر عسل بشهر يناير	yahya121314	بوابة ماليزيا	4	11-12-2018 10:11 AM
استفسار عن السفر بشهر يناير القادم الى اندونيسيا	سلطان بن محمد	بوابة اندونيسيا	4	20-11-2017 09:52 AM
احتاج رأيكم في السفر بشهر يناير افيدووووني	رحلة عمر	البوابة السياحية	6	17-09-2017 01:44 AM