السلام عليكم ورحمة الله وبركاته
اخواني و اخواتي الاعزاء ابي منكم النصيحه والفزعه وبحكم الوقت ضيق نويت ان شاء الله والله يكتب الخيره زيارة جنوب أفريقيا علماً أن أفراد الرحله عائليه من زوج وطفل سنتين وبستفسر منكم
1- وضع الأمان بالبلد بصراحه كل ما قريت تقرير القى ناس تقول الأمان والأمان مب عالي وبصراحه ذا شي مهم لأنه نفسياً بتكون مانت مرتاح فهل الي زاراها منكم يصدق كلامهم او يقول الناس تهول وتبالغ السالفه لاني ضعت.
2-السياره هل استئجار السياره افضل ولا مناطق ومناطق او خلك تكاسي وش رايكم واذا الأفضل انه اخذ سيارة وش وضع القياده عندهم وبحكم انه سواقتهم عكسنا هل صعبه ولا الأمر بسيط
3-الفيزا بحكم انه صارت من المطار هل لهم متطلبات أجهزها معي إلى زارها قريب ياليت يفيدنا مشكور وهل يحتاجون تطعيمات ومن هالسوالف
5-المدة المناسبه للرحله بالبلد؟؟ وأفضل المدن الي اجلس فيها؟
6-الحجاب هل فيه مشكله عندهم؟ لان قريت من ضمن التقارير انه تتميز بالحجاب مما يعرضك للمضايقات والسرقه
7-اي نصائح وتجارب منكم ما استغني عنكم ولكم جزيل الشكر والتقدير

�� وينكم

وعليكم السلام ورحمة الله وبركاته

بصراحة ما أعرف أي تقارير اللي إنت قريتها ومكتوب فيها
إن البلد مب أمان و إن المحجبات يتعرضون للمضايقات !!!!!!!
ما أذكر إني شفت ها الكلام في أي تقرير على المنتدى.

ياريت تقرأ تقريري المفصّل عن جنوب افريقيا،
وكذلك التقارير الأخرى المتميزة في بوابة جنوب افريقيا.

بتحصل في تقريري إجابة على كل التساؤلات اللي في بالك.

https://www.arabtrvl.com/vb/t39760.html


الحمد لله البلد آمنه، وأهلها يحترمون المسلمين،

بالنسبة لمدة السفر، تعتمد على ظروفك،
طبعا الأحسن إنها ما تقلّ عن اسبوعين،
بتشوف في تقريري الثاني جداول يومية حسب مدة السفر

https://www.arabtrvl.com/vb/t22297.html


المتطلبات في المطار،
لازم يكون وياكم ترجمة لشهادة ميلاد الطفل للغة الانجليزية.
و ما في أي تطعيمات مطلوبة قبل السفر.

المواصلات، في كيب تاون ممكن تستخدمون أوبر،
أو تستأجرون السيارة،
وفي مدن منطقة الجاردن روت لازم يكون وياكم سيارة.
والسواقة سهله بالرغم من إنها عاليمين.