السلام عليكم ورحمة الله وبركاته يا اخوان

انا حابه ازور اوربا لاول مره في حياتي ،
السفر لشخصين زوج وزوجه

وحابة ازور اكبر قدر من البلدان خلال 13 يوم ،،



فرنسا ايطاليا المانيا النمسا هولندا .. لكن نهائيا ماعرف شي كيف خط الرحله يكون؟؟ وين اول دوله وثاني وثالث وهكذا






وممكن احد يسويلي جدول اعتمد في رحلتي ؟؟ وكم بتكلف سكن واكل ونقل بدون تذاكر طيران؟؟؟ وهل فعلا اوربا غاليه كثير هحسب ماسمعت؟؟ مطاعمها كم يكلف للشخص ؟؟
لو سمحتوا يا اخوان ممكن احد يعملي جدول ولو مختصر



السفر بيكون في شهر مارس ان شاء االله ،،





تحياتي وشكري مقدماً

و عليكم السلام و رحمة الله و بركاته ...

بالنسبة للسفر إلى أوروبا و زيارة أكبر عدد ممكن من الدول في 13 يوم .. بصراحة نصيحتي لك .. حاولي تقليل الدول و أقتصارها في الزيارة الأولى على 3 دول بالكثير و تكون متجاورة ليسهل عليكم التنقلات على سبيل المثال: ألمانيا .. النمسا .. أيطاليا
ممكن يكون الوصول ألمانيا (ميونيخ) و منها تطلعون إلى زيلامسي بالنمسا أو أنسبورك أيضاُ بالنمسا .. و بعدها تزورون أيطاليا مثل كومو و منها ممكن تزورون لوقانو (سويسرا) تبعد عن كومو 38 دقيقة بالسيارة ... و أيضا تزورون ميلانو ساعة عن كومو .. و فينيسيا (البندقية) و فيرونا (أيطاليا) و فلورنسا (أيطاليا) ... و ممكن تخلون العودة من ميلانو أو من ميونخ حسب اللى يناسبكم و أسعار التذاكر و خط السير المناسب لكم

تجي لموضوع الأسعار بالنسبة للسكن فالخيارات متعددة و حسب ميزانيتكم .. و الفنادق المختارة و أنا الأكل فيوجد الغالي و المتوسط و الكل في متناول الجميع و يوجد أيضاً الفاست فوود متوفر في كل مكان ...

بالنسبة لعمل الجدول لابد من تحديد الوجهات بالأول علشان تتضح الصورة ...

بالتوفيق ...

اشكرك اخي العزيز على الرد بارك الله فيك ،،


طيب هل ممكن زيارة سويسرا وايطاليا وفرنسا وكم ساعه بالسياره من دوله الى اخرى ؟؟؟

طيب نعتمد فرنسا سويسرا ايطاليا




ممكن جدول ل 13 يوم ،، وبالنسبه للاماكن البعيده اكثر من 5 ساعات ممكن نتوقف في فندق للمبيت وين احسن الفنادق باسعار مناسبه؟

وبخصوص باريس اريد اروح دزني لاند وبرج ايفل والحي اللاتيني متحف اللوفر والاوتلت والشانزليزيه


وكذلك فينيسا وروما ،، وافضل اماكن في سويسرا كذلك
ممكن اعرف اي دوله نوصل فيها اول وكيف خطه السير بتكون؟



كذلك للتنقل افضل استئجار سياره في اغلب التنقلات ؟؟ ايش رايك؟؟

ممتاز اذا بتعتمدون فرنسا و سويسرا و ايطاليا ...
من وجهة نظري .. تخلون الوصول ايطاليا توصلون روما و تقضون فيها ٣ ايام و بعدها تستأجرون سيارة و تبدأون التنقل الى فينيسيا و ميلانو و منها تنتقلون الى سويسرا انترلاكن و في سويسرا مثلاً تسلمون السيارة و بالقطار تنتقلون الى باريس و تخلون تنقلاتكم في فرنسا بالقطارات و يكون العودة من باريس ...
النقطة الاهم أشوف لو تزيدون المدة كم يوم علشان تستمتعون افضل ...
بصراحة انا حالياً في ايطاليا و برنامج رحلتي ١٣ يوم فقط في ايطاليا و اشوف انه غير كافي ...

بالتوفيق


Sent from my iPhone using Tapatalk

ماقصر ابو معتز وانا اتفق معاه في المخطط بس يكون الوصول ميلانو اختصار للوقت والاماكن تكون قريبه من بعض بما ان المدة قصيرة

تاجرون سيارة من المطار اول ماتنزلون والتسليم في جنيف قبل اخر ليله من الذهاب لباريس





توزيع الايام



3 ايام فلورنسا مع زيارة اليوم الواحد للبندقية وترجعون بنفس اليوم وممكن زيارة جنوه تستحق وبيزا قريبه بعد

2 يومين ميلانو ولوقانو السويسرية كلهم جنب بعض المسافة 80كم تقريبا وكومو بالوسط خذو فره غليها

3 ايام انترلاكن
2 يوم جنيف + انسي

بعدها تسلمون السيارة في جنيف وتركبون قطار ع باريس المسافة تقريبا 3 ساعات ونص والافضل تكون الرحلة الصباح بدري عشان تستفيدي من هاليوم في باريس





اخر ايامك في باريس



شهر مارس الاجواء شتوية او باخر الشتاء ويكون الجو بارد وثلوج وقلة اللون الاخضر مع كثرة الامطار

آخر مواضيع فارس من خيال

- من أجمل ما رأت عيني (جزيرة جيجو - كوريا ) - استطنـــــ(في خاطري شوق وحكايات واسرار)ـــبول - على اطلال (هونج كونج)2017 - هَِنأّ يِّفِّيِّض أّلَأحٌَّسأَّّس وِتّشٍبِعٌ أّلَحٌوِأَّّس(أوِروِبِــًـِـُـأّ) - بين الكلام والصمت جمال (نيوزيلــــ New_Zealandـــــدا)

توقيع : فارس من خيال

يوماً ما سَـأرحل دُون »وَداع« أَتمنى أن يَذْكرني أحدكم بدَعــوهْ Save

بارك الله فيكم ،، يعني تنصحوني بالذهاب في ابريل افضل؟؟؟




ودي اسال هل افضل اروح قطار او بالطياره لباريس؟؟؟ لان سمعت بالقطار يوصل 5 ساعات!!







سؤال اخر سمعت ان تسليم السياره في بلد اخر عليه ضريبه 1000 ريال سعودي تقريبا هل هذا صحيح؟؟؟


اذا صحيح هل افضل ننتقل من ايطاليا لسوسرا بالقطار وفي سويسرا نستاجر سياره اخرى؟؟؟؟






واخيرااا ممكن تفيدوني بالفاندق واهم الاشياء الي لازم اسويها؟؟




الاشياء الي احطها فبالي
1- فيزا الشنجن

2- ايش بعد احط فبالي اشياء ضروريه لازم اعرفها واخذها






والميزانيه كم تقريبا؟؟؟ الشقق افضل ولا الفنادق وافيددوني بليززز