السلام عليكم ورحمة الله
ياشباب بسأل أهل الخبرة سويت مقابلة تاريخ 6 من هذا الشهر وسألني سؤال هل عليك مخالفات سابقة لان لدي فيزة سابقة وليتني ماصدقت معه قلت نعم مخالفة مرور وتم سدادها فقط وقال سرعة قلت لا فقال خلاص بعد اسبوع نرد لك بعد التأكد من سداد المخالفة لاقال مقبول ولا مرفوض وأنا طالع مرافق مريض والان لهم اكثر من أسبوعين لا حس ولا خير. سؤالي وابي افهم الإجراءات الإدارية إيش هي ويش يسوون كل هالفترة وش يبحثون عنه وين يرسلون اوراقي ابي بالظبط وايش رأيكم كم يمكن تأخذ الفيزة لان موعد المريض باقي عليه 10 ايام فقط

وعليكم السلام


الاحراءات الادارية ما لها موعد محدد
ممكن تأخذ أسبوع أو شهر أو سنة لذا الصبر مهم
في حال شكوا في معلومة يرسلوها لادارة الهجرة
وهناك يتم التأكد منها والرد عليهم
عشان كثرة الطلبات اللي تجيهم من دول مختلفة يتم التأخر بالرد

يشكون في معلومة وشلون في إدارة الهجرة قصدك امريكا أو وين ممكن توضح لي ليش يتأخرون وايش يركزون عليه في بحثهم عن المخالفات أو القضايا أو السفريات أو إيش

نعم ادارة الهجرة في امريكا
تبحث في سجلك كامل
بس المخالفات المرورية ما لها دخل الا اذا ما دفعتها
وتحولت الى المحكمة فتصبح قضية


اذا أمورك تمام هو مجرد بحث روتيني
يصير لكثير من الناس بسبب تشابه الاسماء

لا الحمدلله أموري تمام المخالفات وحده ومسدده ومخالفة بسيطة جداً تجاوز مدة الموقف

طيب ممكن سؤال علشان ينور أخوننا وينورنا مستقبلاً مثل إيش المخالفات التي تمنع إعطائك الفيزة مثلاً وايش يعني البحث عن تشابه الاسماء مطلوبين أو إيش وضح لنا شرح نستفيد منه الجميع وأخيراً شكراً على منتداكم الرائع

شخص خالف قوانين الهجرة وجلس هناك أكثر من 6 أشهر
شخص مطلوب أمنياً عليه قضية

شخص عليه أمر قبض
شخص مشتبه فيه بقضية ارهابية

الأسباب كثيرة لا يمكن حصرها


لكن بحالتك يعملون تشييك روتيني
لا يستدعي القلق

اخوي اتصلوا علي اليوم السفارة وقالو لي انك أخبرت القنصل وعليك مخالفة وتم سدادها وباين عندنا ان عليك قضية مفتوحة وطلبو مني إثبات إنهاء القضية وارسال الإثبات لأرامكس حتى يصدر الفيزة وقلت منوين القضية المفتوحة ورفضوا إجابتي وقالو عليك قضية مفتوحة راسل محامي او شف انت وبلشت مادري وين اروح الحين اكلم محامي وش أقوله ووين أقوله روح جب إثبات ماني عارف

الاغلب عليك مخالفة ما سددتها
وهذي بدورها تتوجه للمحكمة اللي تتطلب حضورك
واذا ما حضرت بالموعد يتم الحكم عليك


الان دورك تنسق مع محامي يشوف لك نوع القضية و ايش المطلوب
وهو يسدد و يرسل لك الاثبات


اذا كان عندك رخصة ابحث برقم الرخصة