التأمين الشامل للسيارة

Tareq3030 · 28-11-2019, 10:32 AM

السلام عليكم,

عندي استفسار بسيط

بحكم اني عميل قديم مع بوكينج لقيت عندهم عرض على ايجار السيارات من خلال شركة ALAMO لكن استفساري على التأمين الشامل هل هو المقصود فيه Extra cover و اللي هو 30 ريال في اليوم؟

شكرا

منيرة · 28-11-2019, 10:55 AM

نصيحة احجز بس و التأمين خله عند الشركة وقت الاستلام

Abu Muataz · 28-11-2019, 11:04 AM

و عليكم السلام و رحمة الله و بركاته ...

في أمريكا بالذات خذ التأمين الشامل من نفس الشركة و لا تعتمد على تأمين طرف وسيط مثل عروض Booking و شركات التأجير عندهم تأمين شامل اللى هو تحمل Zero يعني ما تدفع و لا شئ في حال لا سمح الله حصول حادث و تلفيات سوا لسيارة التأجير أو أطراف أخرى ..

خذا التأمين الشامل من الشركة و ريح رأسك و سوق و أنت مرتاح البال ...

بالتوفيق أخوي Tareq3030

قطرية كولمعجبون بهذا.

قطرية كول · 28-11-2019, 08:22 PM

مثل ما قال خبيرنا بومعتز

خذ التامين عند استلام السيارة من نفس الشركة وابتعد عن التأمين اثناء الحجز مهما كان نوعه او سعره

لأنهم شركات نصب ما يعترفون فيها محلات تأجير السيارات ويرفضونها

صادتني هالمشكلة في أوروبا وفي أمريكا وراحت علي فلوسي اضطريت اعمل تأمين جديد معاهم

والتأمين في أمريكا غالي وكل مكتب او ولاية على كيفه مافي قانون معين

مثلا استاجرت من ساندييغو سيارة ولنقل طلع ايجارها 3000 دولار لمدة شهر والتأمين الشامل خذوا نفس قيمة الايجار فدفعت 6000 دولار وكان من مكتب آلامو الحجز

في نيويورك وأورلاندو استأجرت سيارات مثلا قيمة الايجار طلعت 2000 دولار خذوا مني تأمين شامل حوالي 700 دولار في نيويورك وعلى ما أظن 600 في أورلاندو او مايقارب هذه المبالغ

وبدون حساب جهاز التوولز روود هذي تعرفة إضافية يتم احتسابها بروحها سعر الجهاز وايجاره بروحه وسعر ضريبة الطريق حسب الطرق اللي تمر عليها وتاخذ ضرايب

اوروبا وااايد أريح من ناحية ايجار السيارات

أمريكا نهبببة والف نوع ضريبة وتامين تدفع
يعني لايغرك ان ايجار السيارة من النت ب38 دولار باليوم والا ارخص شوي والا اغلى

تطلع عليك آلاف تنصف في النهاية على الفيزا

أتمنى الصورة وضحت بالنسبة لك

بالتوفيق

Abu Muatazمعجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
أنسب الجبال للزيارة في شهر 8 ؟	jacksparrow	بوابة سويسرا	1	25-07-2019 07:04 PM
التأمين الشامل والاجار ساعدوني	mohamed-m-20	تأجير السيارات	2	10-05-2017 11:55 AM
استفسار عن أماكن للزيارة	majdolina	بوابة المغرب	8	21-09-2016 08:00 AM
مسافر من أبو ظبي, أين أحصل على موقف للسيارة؟	أبو حسين	بوابة الامارات	6	08-05-2015 09:11 AM