السلام عليكم جميعا ..
ياجماعه ودي استفسر بخصوص الصرفيه في لندن هل لندن غاليه زي مايقولون انا اول مره بروح لها وابغى اعرف كيف المعيشه والاسعار والاكل والشرب والسوق والمنتزهات هل كل شي غالي ولا طبيعي زي امريكا واوربا الي راح قريب يفيدني لاهنتو سفرتي بشهر 2 وماعندي خلفيه وشكرا لكم 💐

و عليكم السلام و رحمة الله و بركاته ..

من وجهة نظري .. ما يتفق أثنين على تقدير تكلفة الصرف في السفر لأنه مسألة نسبية و تختلف من شخص إلى شخص في طريقة صرفه ..
فمثلاُ الترفية معروف و أغلب الأسعار ثابتة ما تختلف و يمكت معرفتها بالدخول على المواقع الرسمية و التعرف على الأسعار ..و أيضاً المواصلات و التنقلات معروفة أسعارها و لكن هنا نجد الأختلافات فالبعض يفضل استخدام وسائل المواصلات العامة و تكون كلفتها مناسبة للسائح في حين البعض يفضل أستخدام التاكسي أو السيارات الخاصة في كل مشاويره و هنا يرتفع بند الصرف على المواصلات و التنقلات ..
و أيضاً البعض يتناول وجباته في مطاعم غالية و هذا مجال بالتأكيد لرفع بند أخر في الصرف بينما البعض الأخر يكون متوازن في موضوع الأكل بحيث يشكل ما بين الوجبات السريعة و المطاعم المعقولة سعرياً ..

بذلك نقول أنت كسائح من يحدد ميزانية صرفك
و بعدها تقرر هل البلد غالي أو مقبول ..

لندن فيها الغالي والرخيص
وكل واحد يقدر يعيش على ميزانيته فيها

مثل ماتفضلوا اللي قبلي الواحد بيدبر نفسه .. بيقدر ياكل ب 10 باوند للشخص او 100 باوند .. مثل السكن ممكن يسكن بوسط لندن ب 70 باوند ويروح الهايد بارك على رجليه بعد ...
بس موب برخص المانيا ولا غلاء سويسرا ...

شهر 2 من اسوأ الاشهر احس بلندن .. يعني التخفيضات ومنتهية والفعاليات تقريبا مافيه والجو سيء برد وهواء ومطر .. يعني لاتسوق ولا تمشية زينه .