السلام عليكم، مساء الخير

أنا بإذن الله مخططة على سفرة نهاية ديسمبر 2020 وجدول الخطة للآن هو على ثلاث ولايات:

أسبوع نيويورك
أسبوع فلوريدا
أسبوع كالفورنيا

طبعًا أحنا تقريبًا 4 أشخاص و 2 من أصل 4 راح يتقاسموا المصاريف سواءً من سكن أو مواصلات و أكل وشرب

اسألتي هي الآن تخصني أنا وأختي لأني أنا حدفع عني وعنها أحتاج يعني مبلغ تقريبي يكفينا هناك مع اكل وشرب ومواصلات وشوبينق؟

طبعًا بدون حق التذاكر الأساسية من السعودية لأمريكا والعكس

ادري كله يعتمد عليا وعلى صرفيتي بس يعني احتاج يعني ما لا يقل عن كم يكون معايا هناك وأموري تكون تمام؟ لأني صراحةً ما ابا ينقصني شيء ولا شيء هناك فتكون زيادة أحسن من نقصان

وبخصوص الطيران أيش أفضل طيران لهذا النوع من الرحلات؟ بما انه أول مرا حسافر ذي المسافة ومتى أفضل وقت للحجز؟

أما بخصوص السكن احنا ما نبا فنادق غالية أو مبالغ فيها نبا نظام بيت يعني زي اللي يكون ايجاره لونق ستاي واعطتني وحدة ابلكيشن اسمو Airbnb وفيه كذا خيار هناك بس اذا أحد عنده نصائح أخرى وممكن يفيدنا عن محلات وكيف وايش الأفضل

كمان مافيه احد فينا يسوق يعني المواصلات كيف؟
فيه سواقين هناك أقدر أتعامل ولا صب واي ولا ايش الأفضل؟
وهل تنصحوني بمكتب سياحي ينظم لي الرحلة؟ علمًا أن الأغلب مبالغ جدًا في أسعاره
عشان كذا جيت آخذ شوركم ومن واقع خبراتكم

وايش احسن الأماكن اللي يستاهل ازورها في ذي الولايات من أماكن ترفيهية أو أوتليت وغيره..
ويفضّل أبدأ رحلتي من وين وأنهيها وين؟


أما بين الولايات ايش أفضل شيء أحجز من هنا ولاّ لما أوصل هناك من طيرانهم؟
لأنه الأغلب قالو لي من هناك تحجزي أفضل وإذا من طيرانهم ايش الطيران اللي عندهم سعرو كويس مو مبالغ فيه؟

الخلاصة أبغى اعرف كم مبلغ يكفيني أنا واختي سواءً بالدولار او بالريال شامل الأكل والشرب والمواصلات والسكن والشوبينق مع الرحلات الداخلية حق امريكا أما الرحلات الأساسية وحق التأشيرة وكله أنا فاصلة مبلغهم

آسفة على الإطالة صح الرحلة ماهي قريبة بس منجد ضايعة بالرغم أني سألت كثير بس مالقيت الإجابات الكافية وأنا أحتاج أخطط لها من الآن وأعرف عن كل شيء يخصها من بدري عشان أقدر أرتب أموري.

شكرًا لكم 💙💙.

و عليكم السلام و رحمة الله و بركاته ..

جميل التخطيط المبكر للرحلات و خصوصاً مثل رحلات أمريكا .. أو رحلات المواسم مثل الصيف

بالنسبة لمخططك أنكم تزورون 3 مناطق في المرة الأولى .. بالتأكيد لديكم المعرفة بأن المناطق المختارة تقع في وجهات مختلفة فنحن نتكلم هنا عن شرق أمريكا حيث تقع فلوريدا و غرب أمريكا ولاية كاليفورنيا .. و المسافة بين الوجهتين تستغرق طيران داخل أمريكا يصل إلى 6 ساعات .. لذا من وجهة نظري لو أكتفينا بإحدى الوجهتين في البداية بيكون أفضل مثل نيويورك و فلوريدا أو الساحل الغربي بالكامل ولاية كاليفورينا و هي كبيرة و متعددة المدن و الولايات .. مثل لوس أنجلوس و سان ديغاو و سان فرانسيسكو أو لاس فيغاس ...

بالنسبة للمصاريف .. بصراحة كاليفورنيا أغلى بكثير من فلوريدا ...

بالنسبة للتنقل للأمانة وجود سيارة خاصة أعتبره ضرورة في أي منطقة خارج نيويورك
رغم توفر وسائل النقل العام و لكنها ليست مثل السيارة الخاصة .. مع توفر وسائل التنقل البديلة مثل أوبر او ليفت و لكن تظل السيارة من وجهة نظري هي الأفضل على الأطلاق ..
في نيويورك الباصات و السبواي متوفرة على مدار الساعة ...

الطيران الداخلي في أمريكا متوفر الكثير من شركات الطيران و البعض منها أسعارهم رخيصة بحكم أن الأسعار تكون غير مستردة .. أو تكون غير مباشرة عبر مطارات أخرى داخل امريكا

نقطة السكن .. حجوزان الفنادق في المدن مثل نيويورك أو لوس أنجلوس و حتى أورلاندو من الأفضل الحجز بالفنادق لأنها تكون داخل نطاق المدينة و قريبة من الفعاليات و موقع Booking أو Hotels يوفر الكثير من الخيارات
بينما موقع Airbnb أعتبره خيار ممتاز لمن يمتلك سيارة للتنقل لأنه في كثير من الحالات
موقع الشقة أو البيت يكون خارج نطاق المدينة و لا يتحدد إلا بعد الحجز و دفع مقدم الحجز
و شروطهم مختلفة عن باقي المواقع من ناحية الألغاء المجاني و ما شبهة ذلك ..
من تجربة Airbnb يصلح للأقامات الطويلة مثل أسبوعين و أكثر و للعائلات أكثر من 5 أفراد
عندما يحتاجون أكثر من غرفة ..

طبعاُ التقارير اللى في بوابة أمريكا فيها الكثير من المعلومات المفيدة ممكن تطلعون عليها و تأخذون فكرة علشان يكون التصور كيف للرحلة ...

بالتوفيق .. و أن شاء الله الجميع بيكون جاهز لمزيد من الأستفسارات

3 اسابيع حلوة



بس نيويورك ماتستاهل اسبوع 3 ايام تكفيها





انا برايي خلك على كاليفورنيا و فلوريدا


مثلا ابدي


3 سان فرانسيسكو
6 لوس انجلوس
2 فيغاس
5 اورلاندو
5 ميامي


خلي خط الذهاب سان فرانسيسكو او لوس انجلوس مابتفرق
العودة اورلاندو او ميامي




السيارة ضروره

اذا انتي معاك رخصة سياقة عادي السياقة بامريكا مث الخليج شوارع كبيرة و سهالات وقوقل ماب مايقصر


الصرف يعتمد


في فلوريدا ممكن الليلة تكلفك 100 -120 دولار
لوس انجلوس اكثر حسب المنطقة


الاكل رخيص مايكلف

هلا و مرحبا
ما قصروا الخبراء الامريكان الله يسعدهم


اول شي تسوينه تطلعي على التقارير ففيها كل ما تحتاجين


في اورلاندو معدل السكن 70 دولار لليوم اما كالفورنيا نقول 100 دولار
ويرتفع في نيويورك الى 150 دولار تقريبا لغرفة تكفي شخصين
اما المصروفات فكل فرد تكفيه 100 دولار يومياً
التسوق نحط له ميزانية خاصة ونحدد ايش نحب نشتري
وبالتالي نحسب التكاليف بشكل تقريبي


بين المدن لابد من طيران وتختلف الشركات الافضل من وجهة لوجهة
لكن ان حجزتوا بدري ومشيتوا على مخطط محكم راح تكلفكم الرحلة
100 دولار للفرد بحيث نحجز قبل 3 أشهر من الرحلة
يرتفع هذا السعر الى 200 دولار و ربما اكثر كل ما قرب الاقلاع


انا قضيت 45 يوم هناك بدون استئجار سيارة
والاعتماد على ليفت + اوبر + السبوي مريح و أسعارهم معقولة جداً



تقسيم أيام الرحلة يعتمد على اهتماماتكم
نيويورك : تسوق + سنترال بارك + سنترال ستيشن + معالم مشهورة + حياة

اورلاندو : ديزني + يونيفرسال + بحيرات بكل مكان + هدوء
لوس انجلوس : شواطئ + تسوق + معالم مشهورة + حركة لا تتوقف