السلام عليكم ورحمة الله وبركاته

أسعد الله صباحكم ومسائكم بكل خير كل واحد ووقته

انا راح اسافر لهولندا نهاية شهر مارس انا وزوجتي

وعندي كذا استفسار وياليت تتحملوني واكون لكم من الشاكرين


ماراح اطول عليكم


*** هل التاكسي يقبلون الدفع بالفيزا ولا كاش ؟؟


**** شرايح النت كم اسعارها وافضل مكان اخذ الشريحه ؟ وش افضل شركه بالنت ؟ وهل تشتغل الشريحه في بلجيكا لاني اعرف ان اوروبا تشتغل عادي الشرايح بس ابي تاكيد ?


***انا انسان اشيل هم التنقلات بالمواصلات العامه لذلك الافضل اخذ تور ولا اركب قطار وهل لو سافرت بالقطار من امستردام الى بروكسل يحتاج اغير محطات ؟ وهل استخدامه سهل بالحجز ؟ ( عارف الاغلب بيقول استأجر سياره فضل وارخص لكن انا ماحب لان ابي اناظر المناظر الطبيعيه براحه اكبر ولا اقعد اشيل هم وين اوقف ومن هالكلام )


***هل البلد امن بالليل ؟

***راح استخدم بطاقة السفر من البنك السعودي للاستثمار هل احد جربها هناك ؟

*** انا خصصت ١٠ الاف ريال للتنقل والمصرف للعلم راح اجلس ١٠ ليالي هناك هل هي كافيه ولا لا ؟ ( حنا شخصين فقط )


*** كيف راح يكون الجو في نهاية شهر مارس وبداية شهر ابريل ؟


شكرا لكم وشكر خاص لتحملكم اسألتي الغريبه 💝

و عليكم السلام و رحمة الله و بركاته ...

رداً على أستفسارتك ...

1- التكاسي في الغالب يقبلون الكاش و لكن يوجد شركات للتوصيل مثل أوبر بالتاكيد يشترطون الدفع بالبطاقة الأئتمانية أثناء الحجز لذا يتوجب عليك أن يكون حستبك مرتبط ببطاقة أئتمانية ..

2- شرائح الأنترنت في هولندا يوجد شركة ليبارا و لديهم عدة عروض و العروض في الغالب تتغير و أعتقد كان فيه عرض أنترنت مفتوح لمدة شهر بـ 55 يورو و لكن لابد أن تتأكد بالمطار أثناء الوصول .. و الأفضل من وجهة نظري تفعيل باقة نت تجوال على شريحة جوالك طالما سفرك 10 أيام ..

3- التنقل بالمواصلات العامة متوفر بالتأكيد
و تقدر تختار اللى يناسبك ..

4- أي بلد في العالم يعتبر فيه الأماكن الأمنة و الأماكن الغير ذلك .. لذت ننصح السائح بتجنب الخروج ليلاً إلا في أضيق الحدود ..

5- بطاقة السفر ممتازة و مقبولة في كل مكان
و من تجربة نعم تم تجربتها في أنحاء كثيرة في أوروبا ..

6- مبلغ المصروف كافي أن شاء الله و ممكن يزيد بعد ...

7- طبعاً معروف الجو بيكون بارد و بالليل نزداد البرودة .. و أعمل حسابك بالملابس الدافئة ..

في الختام ,, تمنيتنا لك برحلة سعيدة ..