السلام عليكم

عشاق لندن اريد آراءكم واقتراحاتكم
رحلتي بإذن الله 18 جون والعودة 30 جون
من خلال بحثي وقراءتي لهذا المنتدى الجميل عرفت الكثير من المعلومات حتى شعرت كأني زرت لندن وأصبحت اعرفها خاصة و أني حددت كل معالم لندن على قول ماب ،، طلبي هو اقتراحات للتوفير فالميزانية محدودة
ولا اريد الصرف على أشياء عادية أكون لكم شاكره.

رحلة سعيدة مقدما

عندك ون باوند تشتري منه اغراض بساكيت شبسات مناديل اشياء اللي تحتاجيها


اكتفي بالكفيهات الرخيصة المنتشرة بكل مكان مثلا كوستا - نيرو - ستار بكس - بريت


المواصلات تأخذي بطاقة لأويستر وتستخدمي المواصلات العامة بتكون ارخص من التاكسي


بالنسبة للمطاعم ابعدي عن العربية لانها غالية

لخصت لك ام باسل كل شئ
وللتوفير اذا حابه تنتقلين او تروحين اماكن سياحيه او عروض
احجزي بالاون لاين من قبل السفر بفتره بتشوفين الاسعار حلوه ومخفضة
افضل من الحجز في نفس الوقت او من نفس المكان

واذا تحبين تشترين هدايا خليج على الهدايا التذكاريه وابتعدي عن هدايا الملابس والماركات لانها هي الغاليه

وعندج بعد محل بريماك
ويجب ان يكون فاتورتج لمره واحده 30 £ او اكثر علشان يصير لج تاكس فري
اما كل يوم تروحين وتشترين بدون ما يصير المبلغ 30 ماراح يعطونج تاكس فري
واويستر للباص اوفر لكم

أكثر شئ غالي بلندن ويخل بالميزانية ... المواصلات الخاصة (التاكسي ، اوبر وغيرها)

التكاسي غالية جداً

أتوقع الباصات والقطارات أرخص

- مثل ما قالت الأخت عاشقة المطر استخدمي المواصلات العامه
اخذي بطاقة ايستر الاسبوعيه وتقدرين تستخدمينها في الباصات والتيوب بس يبيلك تعرفي المحطات والاماكن اللي بجوارها
- اذا انتي من عشاق الوجبات السريعه فهذا يوفر لك شي كثير
- بعض تذاكر الفعاليات تكون شاملة تذاكر فعاليات ثانيه
اتوقع تذكرة مدام توسو تشمل لندن آي ( أتوقع ) او مكان ثاني اذا ما خانتني الذاكره
جميع المتاحف والحدايق والساحات تكون مجانية
( ساوث بانك - ميدان ترفلجار - ساحة البيكاديللي - المتحف البريطاني - متحف العلوم - تبديل الحرس في قصر باكنجهام - قلعة لندن - هولند بارك - ريجنت بارك و كوفنت قاردن وووو .........)
- ابتعدي عن أجور رود كل شي فيه غالي
- روحي تسكو مثلا واشتري علب الماء والمشروبات الغازيه تلقينها بنص سعر بالاماكن السياحية

شوفي المحل هذا
https://www.iceland.co.uk/offers
اسمه ايسلند منتشر كثير في بريطانيا وفيه وجبات حقيقيه باسعار ممرة ممتازة يعني ممكن وجبه بباوند واحد وغالبا ماتوصلين 3 باوند ووجبات مره زينه ولذيذة سخنوها بالميكرويف او الفرن حسب التعليمات المكتوبة وبالعافيه ..

اعرف اصحاب مطاعم في بريطانيا يشترون الوجبات هذي ويبيعونها ب 10 باوند ..