السلام عليكم ورحمة الله وبركاته،

احتاج دعمكم لي وان شاء الله اجابتكم تفيدني وتفيد زوار هذا المنتدى المبارك
انا ان شاء الله في الصيف بروح لاوربا مع زوجتي فقط لمدة ١٥ ليلة حجزت ذهاب واياب لفرانكفورت لان موقعها بالمنتصف عشان اقدر ااجر سيارة والف اوربا
حطيت لي رحلة خط سفر مبدئية كالاتي
فرانكفورت المانيا
بادن بادن المانيا
ستراسبورغ فرنسا
يورب بارك المانيا
انترلاكن سويسرا
ستاتقارت المانيا ( اشوف جبال الالب من الجهه الأخرى)
فيينا النمسا
بودابيست المجر
براغ التشيك
فرانكفورت اخر ليلة والى المطار



هذي خطتي. يليت ذوي الخبرة يعلموني كم يوم احتاج بكل مكان واذا في اقتراحات وتعديلات وبدائل واماكن تنصحوني اروح لها ومطاعم مميزة وكل ما احتاجه عشان تكون رحلة موفقة وممتعة وشاكر لكم

السلام عليكم و رحمة الله و بركاته ...

حياك الله أخوي عاشق السفر 2020

و الله يا أخوي بصراحة المخطط كثيرة تنقلاته يعني زيارة 10 مواقع في 15 يوم بما فيها التنقل بالسيارة و تباعد المسافات أشوف أن ما فيها متعة و بتضيع عليك السفرة في التنقل يعني على مثل هالمخطط بيكون كل يوم في مكان تبات و الصبح تستعد للمغادرة لمكان جديد !!

يعني مثال:
من فيينا إلى بودابيست 3 ساعات بالطريق
من بودابيست إلى براغ ساعتين
من براغ إلى فرانكفورت 12 ساعة بالسيارة !!

حتى وضع شوتغارت بعد أنترلاكن و منها إلى فيينا هالمشوار فيه ضياع الكثير من الوقت

وجهة نظري تعيد النظر في الجدول و تستبعد
بودابيست و براغ و لو أمكن فيينا
و تكتفى بالمناطق المتقاربة و تخلي جدولك مثلاً:
فرانكفورت - شتوتغارت - بادن بادن - ستراسبورغ - أنترلاكن - أنسبورك أو بيرتساو
العودة إلى فرانكفورت ..
(ما تحتاج تسكن ستراسبورغ ممكن تزورها من بادن بادن)

بالتوفيق ..

وعليكم السلام

مثل ما تفضل أبو معتز الغالي
الجدول محتاج اعادة ترتيب

لو يكون الوصول فرانكفورت والعودة زيورخ كذا أريح لك
ويكون الجدول كالتالي :

فرانكفورت 2 يوم النهر + السنتر + اطول بناية + ساحة اليورو
شتوتغارت 2 يوم سنتر المدينة + تسوق اوتلت ميتزنغن
ستراسبورغ 3 أيام منها تزور يورب بارك + بادن بادن
لوزيرن سويسرا 3 أيام استرخاء على البحيرة + القمة الثلجية + السنتر
انترلاكن سويسرا 3 أيام هاردر كولم + بلو سي + بحيرة ثون + شلالات جس باخ
زيورخ 2 يوم البحيرة+متحف الفيفا+السنتر + تسوق الساعات+شلالات الراين

ممكن تلغي أيام شتوتغارت وتضيفها الى انترلاكن

موفقين

بما انك حجزت فرانكفورت


خلها كالتالي:


2 فرانكفورت
3 بادن بادن
5 انترلاكن
4 مونترو
1 فرنكفورت للعودة في الطريق من مونترو الى فرنكفورت اوقف في ستراسبورغ