السلام عليكم:


الأعضاء الكرام ممكن نصيحتكم في أفضل طريقة إلى مدينه ملاهي الليغو لاند، أنا راح أكون ساكن في فندق أمبا ماربل آرتش.


ولأنه بيكون معاي أطفال ف شنو أفضل محطة أنطلق من عندها وتكون فيها أقل التحويلات ؟

ممكن سؤال ، الحين عند حجز التذكرة يكون الحجز كامل مع التحويل ؟ وكذلك العودة؟؟
وسؤال ثاني شلون تكون طريقه تحويل القطار حيل خايف اني اتووه فيها

Sent from my SM-N960F using Tapatalk

وعليكم السلام

مثل ماتفضل العزيز Boeing بالرد
ولاتشيل هم ولو حسيت انك ضايع اسئل أي احد حولك ( الناس متعاونين ) وكل الناس يضيعون حتى اهل الديرة احيانا يلخبطون . ولا تركض للقطار الثاني واعتقد انه بيكون الرصيف المقابل لمكان نزولك يعني بس تنزل ووتتقدم لمكان القطار الثاني ( لاتستعجل عمرك خصوصا لو معك اطفال ) عشان تحلق القطار لان اذا قفل الباب خلاص وترا مايفتشون على اوقات الرحلات في مثل هالقطارات ( التفتيش يكون بين المدن للمسافات البعيده )
- التذاكر انواع فيه شي خاص لوقت محدد لازم ترجع فيه والا ماراح تفتح لك بوابة المرور من الشارع وفيه شي وقتك مفتوح واحيانا الفرق مايذكر ( حجز تذكرة الذهاب والعودة بيكون ارخص لك من حجز كل تذكرة لحالها )

موفق