السلام عليكم

السؤال هل اماكن الرحلات السياحية فى طرابزون المرتفعة بالجبال سهل الوصول اليها بسيارة خاصة ام الافضل استأجر سائق خاص

والاماكن مثل أزونغول و حيدر نبي وغيرها من اماكن سياحية وشكرا للجميع ؟

اهلا بك

إذا تقصد هل بتقدر تسوق أو لا
فأغلبنا يسوق ما فيه مشكلة ولكن بحذر
والبعض يرى أن السواقة فيها مزعجة وصعبة
انصحك تفتح اليوتيوب وتكتب طريق حيدر نبي أو سلطان مراد
وبتشوف ناس مصورين الطريق من بدايته لنهايته وتقدر تحكم

لكن طالما سألت عن المرتفعات
ابتعد عنها إذا الجو غير صحو
بيكون الطريق خطير ولو وصلت ما تستمتع
فخلي الأجواء الضبابية للأماكن المنخفضة
والأجواء المشمسة الصحو للأماكن المرتفعة

بالتوفيق

حيدر نبي وسلطان مراد الطريق صعب شوي واتوقع هم الاصعب
بعض الطرق الجانبية شديدة الانحدار ولا فيها حواجز
مابي اخوفكم الواحد يقدر يسوق لكن لازم يحاسب
خاصة اذا كان الوقت مغيم او ضباب

اما طريق اوزنقول و ريزا و آيدر اشوف انه سهل
مرتفع لكن بشارع وسيع نوعا ما وطلوع تدريجي مب شديد الانحدار

الذهاب الى اوزنجول اصبح سهل جدا
ومازالوا يجددون الشارع وفيه توسعه وانفاق جديدة للوصول الى اوزنجول
اما سلطان مراد وايدر تحتاج تركيز اكثر
حيدر نبي التفافات كثيره وغالبا ضباب وتحتاج حرص وانتباه اكثر من البقيه
والله الحافظ

الله يسهل عليكم
انا اخوي كان مع سائق تركي
من كثر ما خافو البنات من الطريق وبالليل صارت روحتهم من المطار للمطار ههههه خوافين