مرحبا بكم جميعا

جايه الكويت يومين واول مره ازورها
قريت عن الاماكن السياحيه وعرفتها

لكن ماعرفت وين افطر واتغدا فيها مثلا الاڤينيوز والمباركيه وين افضل مطاعمها وكافيهاتها

سمعت الكويت مميزه بمطاعمها

ياليت تفيدوني

وابراج الكويت كيف ازورها وهل فيها جلسات ومطاعم ولازم حجز ؟


وفيه اوبر بالكويت ؟

وين تنصحونا نسكن انا والوالده؟

هلاوالله إختي عبير
حياكم الله بالكويت
مثل ماقلتي المطاعم والكافيهات جدا مميزة بالكويت
الافضل انكم تسكنون بفندق الافنيوز هناك راح تلاقين جميع أنواع المطاعم والكافيهات
والمباركيه كلهم ممتازين لكن افضلهم دلق سهيل
اوبر متوفر بالكويت واسعاره ممتازه وفي تطبيقات وايد غير اوبر

بالنسبه للابراج فيه الكافيه والكره المطله تقدرون تروحون بدون حجز
لكن تحتاجون حجز للغداء او العشاء

الافنيوز بكل مراحله بتلاقين المطاعم المميزه
ولكن ماعرفنا نوع الاكل اللي حابته يعني الاكل الكويتي والا الايطالي او الامريكي والاالهندي

علشان نفصل لج بالاسماء

اذا رحتي الافنيوز المرحله الرابعه هذه كلها مطاعم جديدة
وتحصلين تنوع فيها سواء بالدور العلوي * الجاردنز * او اللي تحت عند مدخل السينما او عند المصاعد

المطاعم بالكويت لا تحاتين كتبي اسم المطعم ويطلع لج مكانه بغوغل

المهم تنورونا
ومثل ما قالت امون احسن فندق الحين هو هيلتون الافنيوز