استفسار بخصوص واشنطن

ابوسلمان · 21-12-2021, 11:15 PM

السلام عليكم ورحمة الله وبركاته
حياكم الله جميعا ...حبايبنا الاولين ابومعتز واخر فرصه وقطريه كول والبقيه ويعذروني من لم اذكر اسمه فالجميع اخوه وغالين.....
عندي فكره اروح رحلة قصيره لمدة10 ايام باذن الله انا والمدام الى واشنطن تقريبا في 6 يناير اذا الله كتب..
عندي كم سؤال لاني مابعد رحت واشنطن الا مره وحده وكانت يوم واحد فقط وما اعرف فيها شي وقلت خل استفيد من خبرات الحبايب ممن سبقونا...
1-ابي فندق ممتاز تقيمه كويس ومجرب وامن وقريب من اماكن التسوق والكفيهات وياليت يكون حوله مطاعم عربيه .
2-طبعا بستأجر سياره واحب ذكر اهم الاشياء اللي تستحق الزياره يعني شي يستاهل العنوه
شاكر لكم جميعا سلفا

توبليرون, قطرية كول, آخـــرفـــرصـــة و 1 آخرون معجبون بهذا.

Abu Muataz · 21-12-2021, 11:34 PM

و عليكم السلام و رحمة الله و بركاته ..

يا هلا بك أخوي أبو سلمان .. منور طال عمرك "وين الغيبات"

بالنسبة لواشنطن .. أتوقع 10 أيام كثيرة بالحيل عليها و ثاني شئ توقيت الرحلة
في يناير بيكون الجو بارد جداً درجات الحرارة هالأيام (ديسمبر) تتراوح مابين
الصغرى 2 بالليل و الكبرى 8-10 بالنهار
و المنطقة معرضة لهطول الأمطار و هو متوقع بشدة في هالفترة مما يتوقع أن يعيق الحركة و التمتع بالرحلة (وقد يصحب ذلك تساقط الثلوج أحياناً)

من تجربتي السابقة سكنت في واشنطن بفندق Capital Hilton Washington DC
و كان قريب من البيت الأبيض (مشي تقريباً 7 دقائق) و باقي المناطق السياحية قريبة مثل ...
مبنى كابيتول الولايات المتحدة
منتزه ناشونال مول
نصب لنكولن التذكاري
متحف الطيران والفضاء الوطني
منطقة جورج تاون التاريخية
المتحف الوطني للتاريخ الطبيعي
متحف التجسس الدولي

أما موضوع المطاعم العربية .. و الله ما عندي علم فيها و لا حرصت أدور خلال فترة تواجدي في واشنطن ...

بالتوفيق

ابوسلمان, توبليرون و آخـــرفـــرصـــة معجبون بهذا.

قطرية كول · 23-12-2021, 04:49 PM

مرحبا وسهلا بأخونا بو سلمان ...أسفرت وأمطرت ولو إن أحنا في قطر ما شفنا المطر لحد اللحين ..ربي يرزقنا الغيث وإياكم يارب ..

والله وأنا أختك رايي من راي أخونا بو معتز أبد ما أنصحك بواشنطن هالفترة مثل ماتفضل خبيرنا بررررد جمدددة وثلوج تعيق التنقل والحركة والاستمتاع ومن بعد الساعة 4 العصر تظلم الدنيا وتنعدم الحياة والمحلات تسكر بدري وواشنطن ماهنا ذاك الزود من السياحة والفرفشة ومعالمها السياحية مملة في الصيف ومصمتة (بالنسبة لي) فكيف بالشتاء.؟

على العموم إذا أنت صامل على واشنطن 10 أيام علمنا نفيدك باللي نقدر عليه من عيوننا ...

وإن كنت تبي النصيحة ؟ فنصيحتي لك إبعد عن الشرق هالفترة من السنة وروح لوس أنجلوس ولاس فيجاس ياهو جو ياهي وناسة ياهي متعة وفعاليات ياهو تسوق ياهي مطاعم وشتاهم خليجي يازينه بردهم حلو والشمس تطلع مرات ومرات تغيب وخير من الله..

شاور نفسك وأنا اختك وقولنا وش رسيت عليه وأبشر بسعدك

دمت بود

Abu Muataz, ابوسلمان, توبليرون و 1 آخرون معجبون بهذا.

آخـــرفـــرصـــة · 23-12-2021, 06:02 PM

ياهلا بو سلمان

ما قصروا الخبراء ابو معتز وقطرية
شوف الفندق هاملتون اللي اخترته موقعه مميز
وقريب من كل شي وفيه ستاربكس
https://www.arabtrvl.com/vb/t42531-5.html
ضروري تزوروا محطة القطار وأرشح تأكلوا فيها
فيها مطاعم وكافيهات مميزة
موجود بالتقرير صور عنها

قطرية كول, Abu Muataz و توبليرون معجبون بهذا.

توبليرون · 27-12-2021, 11:25 PM

ما يقصرون خبراء امريكا بارك الله في جهودهم

آخـــرفـــرصـــة, قطرية كول و ابوسلمان معجبون بهذا.

ابوسلمان · 29-12-2021, 01:09 AM

الف الف مليون شكر والله لايحرمني منكم ويديم الموده بين الجميع.....
انا بس تحمست للسفره لاني طلعت التاشيره الاسبوع الماضي بعد انتظار اكثر من 9 شهور حجز موعد..
وقلت ودي ازرق لبلاد العم سام ونشوف السنو لايف لكن الظاهر انها صعبه شوي مع الوضع الصحي للحالات وتزايدها ...
عموما من يواجه صعوبه في ايجاد موعد للتاشيره يتواصل معي على الخاص لقيت واحد يجيب مواعيد قريبه وفعلا جربته مع احد الاصدقاء وعز الله قال ووفى جاب موعد بعد اسبوعين من تقديم التاشيره

Abu Muataz و قطرية كول معجبون بهذا.

المواضيع المتشابهه
الموضوع	كاتب الموضوع	المنتدى	مشاركات	آخر مشاركة
وش رايكم من واشنطن الى فلوريدا سيارة	طلال الفدعاني	بوابة امريكا	4	01-01-2019 03:53 AM
نيويورك و واشنطن	خالد النصراوي	بوابة امريكا	5	10-07-2016 11:09 PM
افضل الفنادق السكنية في واشنطن DC وين	خالد النصراوي	بوابة امريكا	5	10-05-2016 07:15 PM
هل واشنطن ونيويورك وبوسطن قريبه من بعض	موضي	بوابة امريكا	39	31-01-2016 10:25 AM
اسماء مطارات واشنطن	المقنع22	بوابة امريكا	6	09-04-2015 07:42 AM