السلام عليكم ورحمة الله وبركاته
اتوقع كل اللي سجلوا في هذا المنتدى كان اول موضوع لهم شهر العسل (متوهقين)



انا زواجي شهر 1 هجري يعني تقريباً بعد 7 شهور من الان, عاد مدري كيف بتكون الاجواء في هالوقت للدوله اللي بسافر لها

انا ما جاء في بالي شهر العسل ألا النمسا, ومدري كيف وضعها غاليه او رخيصه

عشان أكون صادق معكم انا مقرر إني اسوي خطة السفر من خلال الاسئله وتجاربكم ف لا تبخلون علي بمعلومه


-هل تشوفون النمسا مناسبه, وكم الايام اللي مناسبه لشهر العسل؟ والميزانيه كم؟

-في دول مناسبه لشهر العسل تفضلونها على النمسا؟

-الاوراق المطلوبه والاشياء اللي مفروض اخلصها عشان اسافر؟

-حجوزات الطيران والفنادق وش افضل طريقه لها؟

-النت والاتصال ووسيلة النقل وكل هالامور المهمه كيف طريقتها؟

-الاكل والوجبات, هل اخذ شي معي او كل شي مطاعم؟


هذي الاسئله اللي في بالي, بحكم تجاربكم وخبرتكم أكتبوا اللي تشوفونه يفيد الضايعين اللي مثلي .. لا تقصرون معي

وعليكم السلام

مبروك مقدماً والله يحييك بيننا يا عريس

1
النمسا بالطبع مناسبة والمدة 15 يوم كل 5 أيام بمدينة
واليوم تقريباً 2000 ريال بدون تذاكر طيران طبعاً
2
لندن الأفضل برأيي ممكن 2500 ريال اليوم
3
الفيزا والحجوزات المبكرة للطيران والفنادق
4
من النت حسب اقتراح الخبراء هنا
5
سهلة جداً ولا تشيل همها
6
لا تأخذ شي معك كله من المطاعم
عروس وتبغاها تطبخ من الأيام الاولى

خلك ايتكيت و دايم فاجأها بوردة وأنت داخل الفندق

الكل هنا ما راح يقصر معك

مبروك مقدما والله يتمم عليكم يا رب

النمسا حلوه

لكن اقترح عليك البرتغال وجزرها لمدة تقريبا 15-20 يوم
للامانه ما زرتها لكن كنت مسوية بحث دقيق عنها تقريبا وصارت كورونا وخربت علي الرحله
الفنادق حلوه واسعارها ممتازه وطبعا كل ما حجزت قبل فترة بتحصل اسعار ممتازه واهم شي احجز قابلية الالغاء ما تدري مع القرارت كل شوي طالعين بشي

تحتاج الشنغن اذا عندك خير وبركه واذا ما عندك طلعها على فبراير او مارس عن زحمة الصيف
المناطق المقترحه : لشبونه - بورتو - القارف - جزر ساو ميغيل
طبعا من غير روح استمتع من غير شقى الطبخ

حجز الطيران بعد خله قابل للتغير والالغاء

ما شاء الله مبروك أخي الله يوفقكم ويسعدكم

حين يقترح عمالقة السفر نحن نصمت بوجود أخي أبو غسان وبوجود ابرار الله يبارك لهم ما قصرو بالإقتراحات