السلام عليكم
اخواني ان شاء الله سوف يتم السفر لاسبانيا خلال 3 اشهر القادمة احتاج مخطط سفر بعيد عن الاثار و الارياف و هل الافضل استأجر سيارة للتنقلات وكيفية الحجز ومتتطلبات ايجار السيارة مدة الاقامة 15 يوم بعد ذلك احتاج انتقل الى دولة اخر وش الافضل البرتغال باريس سويسرا من ناحيه الترفيه و التسوق والصرف وكيفية الذهاب اليها و التنقلات بداخلها بالاضافة الى استخراج الفيزا علما ان مدينة المغادرة مدبنة جدة احتاج احد لديه معلومات كافية وثمينة بجميع الاسواق التجارية و اماكن الجملة مهم جدا لدي وكيف طرق الشحن بعد ذلك الفنادق 5 نجوم و دمتم بود

وعليكم السلام

يعني تتكلم عن اشهر الصيف

اسبانيا فيها وايد مدن ومناطق حلوه مثل مدريد وبرشلونا وفالنسيا

حق التنقل تحتاج سياره او قطار او طياره على حسب الاجواء وعدد الاشخاص
افضل وسيله تنقل القطار حق ماتحاتي الوزن الزايد بكل سفره و السياره حق الوناسه و خط السفر
السعر حق القطار تقريبا 500 ريال للشخص هاي السعر في سنه 2017 بس حاليا مو متاكد
سعر السياره حق 15 يوم مافضل لان البارك حق اليوم 30 يورو وسعر السياره تقريبا 4000 ريال
بس اذا تبي تتنقل مثلا من مدريد لي برشلونا او تروح من دوله لي دوله تاجرها يومين او 3 ايام توفر البارك
ومابتستخدم السياره في المدن لان المترو يغنيك عن السياره والزحمه
الصرف اليومي حق الاكل بس تقريبا 300/500 ريال على حسب من وين بتاكل
مدريد/برشلونا وايد مطاعم تركيه تقدر تاكل منها اسعارها مناسبه تقريبا 100 ريال بالوجبه تقريبا 😅 الاسعار تختلف
السوق
مدريد قراند فيا شارع تجاري وماركات
برشلونا لارامبلا شارع تجاري وماركات
الاوت لت الي ببرشلونا وايد حلو ورخيصه بس على حسب وقت السنه
في محل او اوت لت متواجد في اسبانيا كلها اسمه El Corte Inglés نفس مول كبير وفيه كل الماركات رجالي ونسائي وحق اطفال و حق مستلزمات البيت وساعات الماركات وشنط كل شي سعره يختلف عن المحلات له تخفيضاته لوحده

- السفر -

على حسب شنو ودك تشوف مثلا سويسرا تتكلم عن الطبيعه والارياف
فرنسا باريس حق السوق الماركات الضخمه و برج ايفل والاسعار الخياليه
البرتغال للبحر والاماكن الساحليه
لازم تقرر شنو ودك طبعا السوق متواجد بكل المناطق بس على حسب الاجواء

بخصوص الفنادق

انصحك اذا كانت ميزانيتك مفتوحه لان تجربه غير الفنادق 5 نجوم 🤩
عندك سلاسل الفنادق مثل الفورسيزن و الماريوت و الرتز كارلتون و لاماريدين

بخصوص الفيزا ماعرف شنو متطلباتها للسعوديه بس الفيزا بشكل عام تحتاج حجز مبدئي للفنادق و الطيران

بس اتمنه عطيتك اجابه كافيه