مرحبا اخوي
انا صار لي موقف مشابه
حجزت سيارة عام 2015 من يوروبا كار من جنيف وسلمتها بفيينا وكان فيها حكة بالبودي .
حصل انه تم سرقة بطاقتي الامريكان اكسبريس اللي حجزت فيها والغيتها .
بعد مارجعت بشهر او اكثر ارسلولي بريد بلغوني انهم ماقدروا يخصمون تكاليف الاصلاح من البطاقة وارفقوا فيه فاتورة الاصلاح ورقم حساب عشان احول المبلغ .
بوقتها ماكان عندي المبلغ وبعد مدة بحثت عن الرساله بالمكتب ومالقيتها

ارسلت ايميلات وتذكير ولا حد رد علي وجلست شهور اسوي تذكير بدون رد
2016 سافرت اسبانيا وحجزت عن طريق يوروبا كار وكنت مجهز نفسي ادفع المبلغ لكن للاسف قالو انت بلاك لستد وماراح ناجرك

كنت طابع الايميلات اللي ارسلت لهم ووريتها الموظفة قالت ما اقدر اسوي شي لازم تحل المشكلة من يوروباكار اللي بسويسرا

المشكلة اني حاجز عن طريق رينتال كار (موقع وسيط) ودافع قيمة السيارة وللاسف راح علي
واضطريت احجز من سيكست او شركة ثانية ناسي الحين .

المهم السنة اللي راحت نقلت مكتبي بالشركة وانا انقل اغراضي لقيت ظرف الرسالة بالمكتب
وراسلت الايميل اللي بالخطاب وشرحت له
ورد علي ثاني يوم وقال اما تحول او ترسل بيانات الفيزا
ارسلت له بينات الفيزا وخصم المبلغ 2500 فرنك

خلاصة القصة مشكلتك مع شركة التأجير فقط ولا تؤثر على الفيزا او شركات التاجير الاخرى
لكن تذكر ان المبلغ بذمتك ولازم تسدده لانه دين عليك

ارجوا ان تكون مداخلتي مفيده لك وللأعضاء

وشكرا