مساء الخير ..
عندي استفسار وهو كالتالي:
1- 2019 استأجرت سياره عن طريق برنامج من شركة sixt.
2- استأجرتها من أمستردام ورجعتها في جنيف.
٣- كنت ماخذ تأمين شامل .
٤- السياره رجعتها فيها بعض الحكات.
٥- بعد ما رجعت السياره ارسلوا لي ايميل يطالبون في قيمة التصليح تقريبا ٢٥٠٠ يورو.
٦- ارسلت لهم التأمين قالوا هذا مو عن طريقنا.
٧- ف سحبت عليهم 🙂
٨- صارت تجيني ايميلات من شركة تحصيل فرنسيه ٢٠٢٠ لكن ما تجاوبت معاهم.
٩- الحين ناوي أصيف هناك و ااجر من يوروكار (يسعد جوهم احسن شركة).
١٠- السؤال: هل ممكن يصير لي اشكاليه لمى اوصل عشان هالموضوع وايش افضل حل.
شكرا

يا هلا بك Hasan83
انت مشكلتك محصورة في خلاف بينك و بين شركة التأجير
فلا أعتقد أن يرتقي الموضوع إلى منعك من دخول أوروبا !!

المفروض الخلافات التى تقع على السيارات المستأجرة يتم
أما خصم القيمة من الوديعة التى تحتجز على البطاقة الأئتمانية
أو تحميل المبلغ كامل و خصمه من البطاقة و بعدها البنك يطالبك بالسداد
و لكن فيما يبدو أنك لم تقدم بطاقة أئتمانية لهذا الغرض و حجزك كان عبر المواقع الوسيطة

ابو معتز .. كل عام وانت بصحه وسلامه
للمعلومية كنت استخدم بطاقة مسبوقة الدفع والغريبه رجعوا لي ٥٠٠ يورو التأمين عقب صاروا يطالبوني مع اني مو اول مره استأجر وماشي تمام مع يوروكار لكن غيرت ل الشركه الثانيه واستغربت لكن 🙂 شكرا على ردك والله يسعدك

و انت طيب …
طالما أن البطاقة كانت مسبقة الدفع كان هذا سبب لعدم تمكنهم من السحب على البطاقة فهي لا تضمن لهم حق المطالبة لاحقاً
لذا تجد الكثير من الشركات ترفض تسليم السيارة للمستأجر أذا كانت بطاقته مسبقة الدفع

مرحبا اخوي
انا صار لي موقف مشابه
حجزت سيارة عام 2015 من يوروبا كار من جنيف وسلمتها بفيينا وكان فيها حكة بالبودي .
حصل انه تم سرقة بطاقتي الامريكان اكسبريس اللي حجزت فيها والغيتها .
بعد مارجعت بشهر او اكثر ارسلولي بريد بلغوني انهم ماقدروا يخصمون تكاليف الاصلاح من البطاقة وارفقوا فيه فاتورة الاصلاح ورقم حساب عشان احول المبلغ .
بوقتها ماكان عندي المبلغ وبعد مدة بحثت عن الرساله بالمكتب ومالقيتها

ارسلت ايميلات وتذكير ولا حد رد علي وجلست شهور اسوي تذكير بدون رد
2016 سافرت اسبانيا وحجزت عن طريق يوروبا كار وكنت مجهز نفسي ادفع المبلغ لكن للاسف قالو انت بلاك لستد وماراح ناجرك

كنت طابع الايميلات اللي ارسلت لهم ووريتها الموظفة قالت ما اقدر اسوي شي لازم تحل المشكلة من يوروباكار اللي بسويسرا

المشكلة اني حاجز عن طريق رينتال كار (موقع وسيط) ودافع قيمة السيارة وللاسف راح علي
واضطريت احجز من سيكست او شركة ثانية ناسي الحين .

المهم السنة اللي راحت نقلت مكتبي بالشركة وانا انقل اغراضي لقيت ظرف الرسالة بالمكتب
وراسلت الايميل اللي بالخطاب وشرحت له
ورد علي ثاني يوم وقال اما تحول او ترسل بيانات الفيزا
ارسلت له بينات الفيزا وخصم المبلغ 2500 فرنك

خلاصة القصة مشكلتك مع شركة التأجير فقط ولا تؤثر على الفيزا او شركات التاجير الاخرى
لكن تذكر ان المبلغ بذمتك ولازم تسدده لانه دين عليك

ارجوا ان تكون مداخلتي مفيده لك وللأعضاء

وشكرا