السلام عليكم ورحمة الله وبركاته

مثل ماهو واضح في العنوان, حاب استفسر منكم عن دراسة اللغه في دبي؟

كنت ناوي ادرس في بريطانيا لكن لضيق الوقت اللي اقدر عليه حاليا دبي, مع العلم ان لغتي جيده جدا لكن محتاج اكسب ثقه زياده في الSpeaking.

- من عنده خبره سابقه في الدراسه في دبي؟
- هل راح استفيد واتعلم او لا؟
- ايش هي افضل المعاهد؟

ششكرا جزيلا

قرار من حيث التطوير

كدراسة أعتقد ماليزيا مناسبة لك أكثر أو الفلبين ( التكلفة أقل من دبي بكثير طبعاً في جوانب الحياة ) ، كممارسة دبي ممتازة الى حد ما .

بالتوفيق

هلا عبدالمحسن

فيه عدة طرق مجانية للتطوير

الطريقة الأولى :
تشتري سماعات رأس headphone زي اللي لابسينها
أخذت سوني اللي تعزل الصوت الخارجي بـ 199 ريال
وتردد خلف بودكاست MO SHOW
هنا الحلقة (1) ثم تكمل بعدها

وتسجل نفسك خلال الترديد خلفهم يومياً بدون ما تراجع التسجيل
ما أتوقع بالبداية أنك راح تلقط كل كلمة
بعد 30 يوم تعيد تسجيل الحلقة (1)
وتقارن بينها وبين التسجيل القديم راح تلاحظ تقدم كبير

المميز أنهم سعوديين غالباً ويتكلمون بلهجة انقليزية رائعة
بس قريبة لنا ممكن نلقطها بسهولة
هذا البودكاست راح يضيف الكثير لمخزونك اللغوي

الطريقة الثانية :
لنفرض أن توجهك اقتصادي
ابحث عن سعوديين مبدعين يتكلمون بهذا المجال
ولا أجمل من ملتقى دافوس
أكرر نفس الخطة معهم



بمشيئة الله تحسن كبير بدون ما تروح دبي
وأرسل لي تكاليف الرحلة

برامج ممتازه يابو غسان
شكراا لك

واحنا الحين نتعلم من الاحفاد اسم الله عليهم تعلموا اللغه الانجليزيه من العامله الفلبينيه وبعدها من الفيديوات يوتيوب وبعدها المدارس
والله انهم خلونا نتعلم منهم النطق الصح وبعد احنا ما خليناهم بالعربي نعلمهم والحين ممتازين باللغتين