انا وعائلتي مسافرين الشمال الايطالي في 7 يوليو لمدة 21 يوم وعددنا 6 انا وزوجي وعيالي 2 بالغين و2 اطفال 10 سنوات و5 سنوات وبحثنا في مواقع ايجار السيارة لم نجد سيارة 7 مقاعد مع العلم انه 5 مقاعد تكفي ومتوفرة لكن سمعنا انه ممكن تكون مخالفه لانه لازم كل واحد له مقعد وانه يكون فيه كرسي طفل فاحتاج استشارة لذوي الخبرة لو اخذت سيارة كبيرة خمس مقاعد هل فيه مشكله وممكن يعدي واذا وقفونا اش الاجراء الي يسوونه معنا 🥺☹
مع العلم اني سافرت قبل كم سنه واستأجرنا سيارة وتنقلنا فيه من سويسرا الى النمسا ولا شفنا تفتيش ولا احد وقفنا الرجاء الي عنده خلفيه عن الموضوع يشاركنا

غالبا ما بوقفونكم لكن البعض ملقوف ويبلغ
مرت علي في سويسرا
لكنها مخالفة نظاما ولا ادري كم قيمتها
الافضل سيارة ٧ ركاب واذا ما لقيتوا ٥
بس ما احد يركب قدام اطلاقا من الأطفال

السلام عليكم و رحمة الله و بركاته

بالنسبة للسيارات العائلية الكبيرة في الصيف يقل توفرها
و لكن يتوفر لدى بعض الشركات و لكنها لا تظهر في محرك البحث
و على سبيل المثال أستئاجرت عام 2019 من شركة سيكست Sixt سيارة نفس الموضحة بالصورة فان يتسع لسبعة ركاب مع عدد 6 حقائب


بالنسبة للمخالفات ..مثل ما تفضل أبو غسان غالباً ما أحد بيوقفكم بس بعض الأحيان يكونون صارمين خصوصاً اذا شافوا
الأطفال يتجولون داخل السيارة أو في غير مقاعدهم

هل يلزم توفير كرسي للأطفال عمر 6 سنوات و10 سنوات؟

مثل ماتفضل الاخوان

غالبا ماحد راح يوقفكم لكن فيه احتمالية ان احد يبلغ او تصير مخالفة سرعة او حادث لاسمح الله فينتبهون

قبل شهر كنت مسافر من فرنسا لسويسرا وقفني عسكري وقال السرعة عندك 140 وسرعة الخط 110 المهم قال عندك مخالفة برضو الاطفال ماهم رابطين حزام الامان وهذي هدية من عندي اني ماراح اسجلها وشوي قال برضو عددهم اربع والسيارة 3 مقاعد ورى فهذي هدية ثانية من عندي

وشوي قال ماراح اسجل عليك مخالفة وهذي هدية ثالثة بس توعدني ماراح تسرع قلت ابشر وعليها وجهك ماراح اسرع

الخلاصة ان الوضع حسب حظكم ونفسية العسكري لو مسككم

اذكر قريت بالمنتدى قبل سنوات طويلة لاحد الاعضاء بسيويسرا ان العسكري وقفهم وقال لازم تطلبون تاكسي به كرسي اطفال عشان ماعندهم كرسي اطفال .

عموما اذا سفرتكم ارياف ممكن تغامرون بس لو مدن انصحكم لا

واذا غامرتم انتبهو للسرعة واي مخالفة ثانية عشان ماتلفتون الانتبهاة