السلام عليكم ورحمة الله وبركاته
احتاج مساعدتكم من حيث الاسعار والاماكن السياحيه واستئجار السيارات والسكن والمصروفات حيث انني ارغب في السفر الى انجلترا لاول مره مع العائله والاطفال
لمدة اسبوعين من نهاية بوليو
ولكم جزيل الشكر

ان شاءالله تلاقي اللي تبحث عنه
بتقاريرنا
وتأجير السيارة انصحك لا تآجر اذا بتقعد بلندن بس والمواصلات عندهم وايد
تطبيق اوبر وتطبيق جت وغيره فيه باصات تنقلك لكل مكان
بس لازم تحدد اتجاهك والرقم وتلاقي خريطه بلاماكن وارقام الباص اللي يودي لها

والمترو موجود

والمدن البعيده اخذ القطارات

سياقتهم معروفه عكسنا يعني السايق بيكون على اليمين والدوران معكوس لنا ههههه ان شاءالله فهمت علي

والمصاريف على حسب ما انت تحط وتبي تصرف لانه يختلف من شخص لاخر

سافرت لبريطانيا اكثر من مرة و زرت عدة مدن

المواصلات في بريطانيا ممتازة و تقدر تتوجة لاي مدينة بسهولة بالقطار هذا اذا حابين تروحون مدن غير لندن

اما داخل لندن ما تحتاج سيارة و لا حتى تاكسي الباصات والمترو استخدامهم مريح

اول شي لازم تسويه الان تحجز سكن لان اشوفك تأخرت بتخطيط الرحلة ومعروفة الاسعار ترتفع وتقل الخيارات.. ماتقدر تتحكم بالاسعار كثير اذا تأخرت في الحجوزات بالنسبة للسكن.
في لندن لاتشيل هم انه السكن لازم يكون بالسنتر وقريب من الاماكن السياحيه. اهم شي يكون قريب الاندقراوند وابحث بقوقل ماب عن بعده بالمواصلات عشان يكون عندك تقدير مبدئي قبل تحجز. عموما منطقة
Puddington, Lancaster gate, Nottingh Hills,
بيكون السكن فيها ارخص وقريبه من الهايد بارك وبالاندرقراوند توصل الاماكن السياحية
والصرفيات تعتمد على اختياراتكم للأكل والفعاليات